لو

لا خير في عمر دون الزين ما اسومه

لعيون ذاك الصبا الفتّان والزمّه

أنا وقومي دفاعة شر عن قومه

سيف السعدي

اليوم

ان كان تعذرني لو ان الموت باسبابك نزل

بين الضلوع اللي جرى دم الهوى في عروقها

واليوم يوم انك وصلت وصار لك عندي محل

ما ابيك تبخل والسحايب ما تسل بروقها

الشريف منصور

نعاس

في غيبتك تنعس شبابيك وابواب

ويموت شمع بسيرة العشق مفتون

وفي صلح (أمل دنقل) واناشيد (سيّاب)

يسكنك هم وكنت بالهم مسكون

عبدالله الحارثي

أعلى

يقولون أعلى ما بالخيل تركبها عناد عناد

وانا اقول أعلى ما في الخيل في بالي وعلى بالك

أراضي واسعه تجذبك وانته ما لك الا بلاد

بلادٍ عِرقها عِرقك بالاحرى عمّك وخالك

فزاع

يا علي

يا علي وش هالخبر لى جاك منّا

وش يضايق خاطر انسان اهتويه؟

فل بيبانك عتب منّا... ومنّا

ووالله ابشر بالذي منّي تبيه

عوض بن حاسوم الكتبي

ما أروعك

ما تشوف العين غيرك يا فتوني

وان حكى غيرك أشوفه واسمعك

يحسدونك يا حبيبي ويحسدوني

وانت كايدهم كذا ما أروعك

محمد الإبراهيم