ويلاه

زائر 28 يرد: والله يا زائر ايوب الي يده في الماي موب الي يده في النار لو كنت مكانهم ومحتاج حقك الي هو الوظيفة كان كلامك موب هذا صحيييييح

مشكور زائر 27

اول مرة واحد اقول الحق من التربية يعني بالله عليكم وش صار لوتوظفنا والله اني درست جغرافيا وفي امس الحاجة للوظيفة والا اقول الدراسة سهلة خلة يدرس مادة وحدة وجامعة البحرين تعجيزية ولازم يوظفون بدل تعبنا 5 سنوات والا قول احنا بنات ولازم نهتم بيبوتنا احنا ما هملنا بيوتنا اصلا احنا درسنا لان ضروفنا صعبة وعلشان نساعد ازوجنا واولادنا والله وش الا بحيدنا للوظيفة دام احنا مرتحين

الوصول إلى سن التقاعد

والله حالة ، اللي يقول أنه مستحي من اعتصاملتنا واللي يوصفنا بالمشاغبين ، أيه لأن اللي يدري غير عن اللي مايدري ، فياأخواني كل واحد من هولاء وراءه قصة وأحداهن أن واحدة من الخريجات بدأت الدراسة بعد مرور 12 سنة من التخرج من الثانوية ، وعمرها الأن 38 سنة .. يعني بالعقل كم باقي من العمر علشان توصل إلى سن التقاعد وهي للحين عاطلة عن العمل ؟

قال الإمام علي (ع) {من صدقت لهجته صحّت حجّته}

الشارع البحريني يستغيث من الخريجيين العاطلين، والمعلمين يعانون سوء السياسة المتبعة في وزارة التربية، وصوت الحق والحقيقة لا يخفى لأحد ولي قاعد يصير ماهو إلا حقيقة الأمر والواقع المخزي.
اليوم الأمر في وزارة التربية بكرة لصحة والإسكان والعمل حتى تصبح وزارات البلد غير فالحة في سياساتها إتجاه مواطينها.
يعني لو يبون للمواطن برفاهية حقاً لتخذوا طريق مختلفه تماماً.
نرجوا التثبيت...

ليلة الجمعة

غدا ليلة الجمعة عليكم بالدعاء ابواب السماء مفتوحة للداعيين والله لايخيب ايدي رفعت اليه كذلك الصلاة على محمدوآل محمد 100مرة بنية قضاء الحوائج والله يقضي حاجة كل محتاج

الرد على الزائر 20

إذ كان مرور الضيف أخجلك وماعرفت شتقول لأن هذا يدل على عجزك في قول الحقيقة، عيل توظيف المعلمين على الدرجه الثانية وبراتب 280دينار مايخجلك ولا يحرك بداخلك الغيره والشيمه؟؟
أو إذ بترتكن على عذر إمتحان القبول وإنهم لم يجتازو ، إطمن عندني من أثبت لي بنجاح الإمتحان للبعض، وإنصدمنا بتوظيفهم على الثانية .
أو إذ بتقول لي ماعندهم دبلوم تربية توظف معاي في نفس دفعتي وبنفس المدرسة معلم إهوا توظف على الثالثة ياااظلام.
الرجاء من آلآخرين عدم إخفاء الحقيقة.....كلنا نعرف القصه من البداية للنهاية.

الله على كل ظالم

الله ياخذ الحق ويعجل على كل ظالم

جانا إحباااط ...!

من كثر مانسمع عن اللي درسوا وعندهم أحسن الشهادات وقاعدين في البيت بلا وظيفة..رغم ان الوظيفة موجودة ..يجينا إحباط ..ليش نكمل مدرسة وبعدها جامعة
دام في النهاية بتقعد في البيت ننتظر الفرج..؟

وربي حرام

عورتو قلبي كثر ماجوفكم وينكم ياوزراء وينكم يانواب شباب حطمتو كل امل لهم بالاستقرار وينكم ياللي كل يوم قانون ونهب وتدمير بالديرة فجو الصدر للشباب اللي تعب من الدراسة وكافح وماعنده واسطة قاعد يطلب حق من حقوقه حق الدستور وينه ضيعتوه ردووو هذولي حقهم يعيشوا بكرامة غيرهم من الاجانب والغرباء بوضائفهم واهما واقفين معتصمين كل راعي مسئول عن رعيته

ذهب الحياء

الرقم 19 اتكلم عنفسك الجماعه ماطرو الوضيفه من عندك اذا تتكلم عن القطاع الخاص خله الى اشكالك

حسافة

اذا من البداية ما في اشغال حق هذا المجال ليش يخلونهم يدرسون ويضيعون وقتهم كنسلوه من البداية

لزائر19 و20 أن كانوا محترمين

1: أرائكم لا تناسب الشارع البحريني المحروم والمسلوب حقه وهؤلاء المعتصمون أصحاب حق مشروع وبصفتي موظف بقسم شؤون الموظفين بالتربيه أرى التمييز وأرى توظيف الوسطات وبصراحه آنا شخص أستفدت من ذلك لوجودي بهذه الوظيفه 2:لو وظف العاطلين في الوظائف الحكوميه دون استفناء لن يؤثر شي على الميزانيه العامه بحسب الثروات الوطنيه،ونفرض أن الراتب500 دينار ونضربه في 4500 عاطل كم بكون في الشهر مليونين ومئتين وخمسين دينار في سنه 27 مليون مو أحسن من المشاريع العقيمه3: أرجوا من جميع العاطلين عدم القبول بالقطاع الخاص

اليوم بالونات والقادم اعظم

اليوم طيرنا شهاداتنا بالبالونات وبكره اذا قدرنا بنسوي اكبر طائرة ورقية بشهاداتنا نحن العاطلين وندخل موسوعة جنيز ولي فيه حره يعصر عليه لومية ولي بيستحي يستحي لين يعجز

قال استحي قال

الزائر 18 ليش تستحي من المعتصمين قدام الإماراتي لازم تستحي من الحكومة والوزارة وتقول لصاحبك البحرين مو مثل الأمارات خبره البحرين هي عذاري تسقي البعيد وتخلي القريب واذا هو شاطرة بيفهمها بل حياء بلا بطيخ

طالب ابتدائي

طالب ابتدائي يجيب على سؤال في مادة المواطنه والسؤال هو ان الدوله مكفوله بتوفير فرص عمل للمواطنين قال الطالب خطأ قالت لا صح قال لا اكو انتين عاطله عن العمل وعندش شهاده جامعيه , قلت ماعليك اكتب صح وماعليك من الواقع لانه خرطي في خرطي!!!!!

الى الزائر 19 و20

لو على قولتك تخصصنا سهل جان الجامعه مادرستنا اياه من الاساس اكيد انت حتى ابتدائيه ماعندك لانك ماتفهم شي متخلف ومن حرتك تقول سهل وكلنا العاطلين نفتخر بنفسنا علشان عندنا بكالوريوس والعيب مو فينا في الوزاره الي موبراضيه توظفنا وهذاك الثاني يقول مشاغبين يعني الي يطالب بحقوقه والي منصوصه في الدستور صار مشاغب اقول اكل تبن وانطم وهي من حرتك اكيدانت الثاني ماعنك شهاده ولا انت عطالي .

الى الزائر رقم 19 و 20

اكرمونا بسكوتكم احسن لان كلامكم مامنه فايدة كل واحد فيكم دبته قدامه وعلى مكتب ويشرب جاي ويزحر في هالاكل لا شغلة ولا مشغلة ... اتصدقون جتني فكرة اروح اليمن واخد الجنسية اليمنية وبعدها ارجع البحرين واخد الجنسية البحرينية وبجدي راح يعطوني وظيفة وحتى لو ما كنت جامعية وبيعطوني بيت بدل انتظار 20 سنة صراحة خووووش فكرة علينا بالتطبيق

أنا مع زائر رقم 19

أحنا بعد خريجين جامعة ونشتغل في القطاع الخاص يعني أنتون مو أحسن منا "يعني 700 خريج في وين بحصلون ليهم شاغر بهسهوله أشوي قدمو تنازلات والله كريم يعني لازم وزاره الكل يبي الراحه مب بس أنتون.

يا صبر أيوب

النعيمي أشلون مستحمل ذوله المشاغبين كل يوم مسوين ليه سالفه عند وزارته قلنا ديمقراطيه بس مب هاللون أشبتقول الدول الثانيه عنا ما شفو خير ذوله! يا جماعه التربيه مو وزارة العمل ولا ديوان خدمه ولا مجلس نواب عشان تحل مشاكلكم الصراحه وياي ضيف من الأمارات مرينه عند الوزارة بالصدفه وشفناهم واقفين وأستحيت ما عرفت أرد وحتى لو كان لكم حق مايصير هاللون . وآنا سمعت أن الوزاره توها موظفه عدد كبير وأكيد أنتون ماجتزتون أمتحان القبول والمفروض تستحون أشوي وتحاسبون لسمعة الديره مو بس مصالحكم الاشخصيه

يالله عااااااد بالونات ويش بعد

الصراحه الموضوع ماخد زخم أعلامي كبير ! هولاء المعتصمون ليسوا دكاترا ولاعلماء ودراساتهم أي شخص يقدر يدرسها خصوصا الخدمه الأجتماعيه (أسهل من شرب الماء)يعني عادي لو ما توظفتوا في القطاع الحكومي ومع ذالك الحكومه قاعده توظف منهم حسب الميزانيات والشواغر ، وبسكم عاد تحجج على كل شي خصوصا مع وجود مشروع ولي العهد بعد ماعندكم حجه. والبنات المفروض ماتكونون عب على المجتمع بهالتصرفات الغير لائقه وكفايه أهمال حق بيوتكم وأولادكم اللي فالتينهم وكل يوم رايحين أعتصام بسبب وبدون سبب وخلكم وطنيين أشوي مع احترامي

عاطلة فنون

احنا بعد عاطلات الفنون نأزركم والله قهر اربع اسنين وحنا ننطر هالوظيفة بعدين يقولون لينا اعادة تأهيل يعن جامعة البحرين طلعت اخرطي ما فيها فايدة وشهاداتنا وبس نطيرها نبلها ونشرب مايها!!

.....

فعلا موضوع يثير العجب.. لا استحياء من جانب الوزارات؟؟
المواطنون يقفون في الشوارع للمطالبة في حقوقهم التي بايعوا الملك عليها من خلال الدستور ! والتي أعرب عن أحقية المواطنين بها.. بصراحة شيء مخجل من جانبهم.. من من دول الخليج يعيش مثل هذه الظروف؟ في بعض الدول الخليجية المواطن جالس في منزله والراتب ( او البدل ) يصله إلى بيته.. هنا تخرج تبحث عنه في الشارع بلا فائدة الله يلعن الي كان السبب .... واعتذر عن هذه الجملة لكن.. من القهر

بنت الحجيري

اله يعين العطلين لا حياة لمن ينادى وانى كذلك عاطلة جامعية وابدرس تخصص ثانى فربما احصل على وظيفة

نعيش في زمن { تحنيط الشهادات والأعمال }

البكاء والنحيب على الأموات لا يرجعهم للحياة ، والعجب أن من تنوح وينوح على حاله ما راح يجيب له نتيجه.
إنتظرنا لمدة 8 سنوات ومعاناتنا تحنطت مدى الحياه على مشارف أبواب التربية ، والواقع مختلف عن الأحلام والخيال.الله يكون بعونكم.

صج قهر

والله قهر يوصل الحال لجذي والوزارة ساكتة عن هالشئ ومو مهتمة لحقوقهم وحتى النواب اللي يزعم رشحناهم عشان مصلحة الشعب ما في احد فيه خير يتحرك لهم والله قهر يوظفون هالاردنيين والسوريين والعراقيين ويتركون البحريني اللي عنده شهادة بهالحال الله يكون في عونكم

نعيش ونشوف

ويش هالدنيا ناس ما عندهم شهادات ولا يعرفون حتى القلم يمسكونه في أحس المراكز وناس تعبانين من الدراسه وبعدين تخصصكم مو مطلوب كلام بس ما في شي ما له هدف في الدنيا يالله الله كريم كل شىي وله حد وكل بدايه ولها نهايه

عراق الشموخ

الله يعينكم ياشباب
والله كسرتوا خاطري ليش يصير بأهل البحرين جدي ؟!!
وأنا إلي كنت أفكر أن أهل البحرين مرتاحين زي باقي دول الخليج.
أسف على ذلك

وا عليا وا على حالي

الله يرأف بالحال ان شاء الله ....

بلد العجائب

أزمة عمل,سكن,تمييز.....الخ
ابواب تفتح للمجنسيين عمل,سكن وعلاوة غلاء
للمواطن بلد العذاب
بلد الامان (للاجانب والمجنسيين)
لايوجد ميزانية للواطنيين
كل الميزانية للاجانب والمجنسيين)
يكفيك ياغالي يامواطن اصيل أن تسمع كلام جرائد ووعود والشمس في يد والقمر بيد حتى تشبع من تخمة الكذب والدجل...يعني تروح البحر وترجع عطشان...وخل الشبع والروء للاجنبي والمجنس..وأنت قول دائما الله كريم عليم

عاطلة 3 سنوات

الله يجازي لي كان السبب بعد دراسة 5 سنوات وسهر وتعب لين ما نحصل على شهادة البكالوريوس يجي اليوم لي نطيرها في السماء عشان الأعمى يشوف والغبي يفهم ان البحرين لا توظف اصحاب الشهادات بل توظف بالواسطة واللألقاب الله على كل ظالم . حسبنا الله ونعم الوكيل

فاتني خسارة ماكنت وياكم

اي والله لو الندم يقتل قتلني اكثر شي ندمت عليه في حياتي اني درست وتخرجت من جامعة البحرين ضيعت سنيين عمري وبعدين شهادتها مالها قيمةوياريت امس كنت وياكم اطيرها في الهواء في هالديرة المسخرة

اي والله صدقت يا اخوي زائر رقم 1

اي والله بس الواحد صعب صعب جدا يتبرى من اصله ومذهبه بسبة ؟؟؟ الله يعين يارب

..

الله كريم..الله يسهل عليكم وعلينا..مليت وآنه أدور شغل بمستوى شهادتي..بالاخير وبعد هالتعب والدراسه مالنا الا البيت ينتظرنا..الله كريم

[]أحلام تنمو في عش وزارة التربية ][ ولاحياة لمن تنادي ][

التربية تعتمد إسلوب التطنيش منذ سنوات ولو كانت تهتم إلى وجهات النظر ومطالب ذويها لكنا في أفضل حال .
وعود الوزارة ماهي إلا سراب وأهام وخرافات ذهبت مهب أدراج الرياح ، فأين نحن من مطالبنا وحقوقنا التي رفعنا من أجلها أصواتا تطالب بحقوقها فسابق ؟!
واقع البحرين مختلف تماماً عن أن أجعل نفسي أعيش في حلم .والله يعينكم وصبركم على مصابكم وقلوبنا معكم...

" الجنسية: بحراني"

لماذا لا تغيروا جوازاتكم الى مصريين أو أردنيين.. صدقوني ستحصلون الوظيفة سريعا.. لأن السيرة الذاتية لكم بها " الجنسية: بحراني" ...

ماهو لحل يارئيس الوزراء؟

والى متى يارئيس الوزراء تظل في صمت ازاء تجاهل توجيهاتك الرسميه بتوظيفنا في الوزارات الحكوميه وفي وظائف تناسب مؤهلنا بالأمس طارت شهاداتنا الجامعيه ومعها قلوبنا وآمالنا تطايرت لماذا يوظف الاجنبي وابن البلد عاطل؟ ولماذا تأتي ابناءنا وتشكوا وتتذمر من المدرسين العرب وعدم فهمهم وطيقة تعاملهم السيئة للطلبه وابن البلد موجود؟ لماااااذا؟؟؟؟؟؟؟؟؟؟؟؟؟؟؟؟

درسنا كي يعاد تأهيلنا!

خمس سنوات ونحن ندرس تخصص الخدمة الاجتماعية ثم تأتي الحكومة وبكل برود تريد أن تعيد تأهيلنا! هل تستخف الحكومة بنا وبما لدينا من علم؟
رواتب الخدمة الاجتماعية في الدول المتطورة من أعلى الرواتب أما البحرين فلا تجد مكان توظفنا فيه، ولكن بعد مدة ستعلن عن حاجاتها إلى موظفين في هذا التخصص وستجلب أميين من الدول الأخرى وتعطيهم الجنسية قبل الوظيفة!!

عجبي من هذا الظلم!

أصبحنا و أصبح الملك لله..
إلى متى تتكرر هذه المسلسلات التراجيدية في بحريننا؟ عجبي من سياسة الوزارة في إقصاء المواطنين عن حقوقهم المسلوبة! إلى متى هذا التجاهل؟ مدرستنا بحاجة ماسة إلى مرشدة إجتماعية و الأعباء ملقاة على المعلمات، و هناك من يقبع في البيت بشهادة جامعية مع وقف التنفيذ!

الله كريم

يارب يا كريم انصفنا يا رب نتوظف احنا خريجين العلوم الاجتماعية كلنا وظايف زينة وتناسب تعبنا الي تعبناه في الدراسة انا عاطلة خدمة اجتماعية من مدة سنة والحمدالله على كل حال واتمنى وظيفة حكومية تصب في صميم تخصصي وما ابي قطاع خاص بتاتا وماراح ارضى الا بالوظيفة الي ترضي طموحي عقب سنوات التعب والكرف في جامعة البحرين انا مادرست وتحملت الظلم والسهر عشان وظيفة وضيعة في قطاع خاص هذا شي مرفوض تماما ونطلب من رب العالمين التوفيق وان كل انسان يحصل على ثمره تعبه .