أفادت إدارة العلاقات العامة والإعلام بوزارة التربية والتعليم أن حقوق العاملين في برنامج تحسين الزمن المدرسي محفوظة، مؤكدةً أنه لم يتم إلغاء المكافأة، بل كان التأخير جراء استكمال بعض الإجراءات الإدارية بهذا الخصوص، مشيرةً إلى أن هذه المكافآت ستصرف خلال الأيام القادمة.
يبي له يشتغل مدرس لمدة حصة
لمن يتحلطم على المعلم و يحقد عليه ... يبي لك تجرب التدريس ليوم واحد و بعدين بتعرف ان دوام حصة مع 30 وحش يساوي دوامك 10 ساعات في اي شغلة ثانية ... انتم لما يقعدون اولادكم في الببت تبون الفكه منهم و تتضايقون .
الله يساعدنا
اي والله وحوش بعضهم حتى الواحد يقول بلاها مابي معاش ولا اشتغل هالشغلة
هادا غير متطلبات الادارة والوزارة خخخ
ارحموووونا
ورجعوا فلوسنا او شيلو التمديد نبي نرتاح يا وزارة
متى بالضبط؟!
لو كان هذا الكلام صحيح نتمنى تحديد الموعد بالضبط متى ؟وفي أي تاريخ منعا للقيل والقال، وكي لايكون مجرد كلام حبر على ورق
لو فيها حليب حلبت
علاوة شهر 6 و 9 و 10 وين؟؟
شبعنا من الكلام
لو مثل غلام في درب الزلق بعد سبوع
لا يعقل
اذا ما بيعطونا العلاوة يشيلون التمديد واذا ما شالوه لا يقولون تقيد بالبصمة والغياب والاستئذان وتساوي العاملين ما في شي جديه بعدين
الغوها وريحونا
ورجعوا الدوام لما كان عليه سابقا
خايفين علينا من الصدمة!!
شكلهم يبون يسون لنه تهيأة علشان يوقفونها مو عارفين مستحيين شكلهم اخذوا فلوسكم ورجعوا دوامنا لوسمحتون بيتنا وعيالنا اوجب من هالتمديد >>>
بسكم
المدرسين ماعندهم شي غير التحلطم
ما فيها شي عدل
باقي الوزارت طلعتهم دخلتهم على الكيف واحنا مربوطين بهل الجرس . رضينا وقلنا رزق المذلة وصار شبح على راسنا لا تغيبون لا تتاخرون لا تستئذنون لا لا لا والسبب هل التمديد .يلا أكوا شهرين بلا فلوس التمديد حررونا
لعب في الكلام
"العاملين في برنامج تحسين الزمن المدرسي" كما لو كان العاملين قلة قليلة في الوزارة ..وليسوا اغلبية المعلمين والموظفين في المدارس وهذا التصريح لهو خوف الوزارة من الفضيحة وتبسيط الامر كأنه شئ عادي ..استيقظوا يا معلمين الوزارة تنهبكم وتعملون بشكل مجان وهناك سوء ادارة وفساد خفي في الوزارة لايصرح عنه وكل شئ مبهم ..اعطي العامل حقه قبل ان يجف عرقه ..المعلم لايستطيع الكلام ولا التلفظ الاجنبي خائف من التسريح والمواطن خائف من ان تخلط الامور بالسياسه (بين المطرقة والسندان دائما نعيش)
وماذا عن طبيعة العمل مع ذوي الاحتياجات الخاصة؟
اللي ذبحتونا وانتون توعدونا بها ،وكل سنة تصرحون في الجرايد: قريبا ستصرف علاوة طبيعة عمل لمعلمي ذوي الاحتياجات الخاصة.
هل يعقل أن تصرف لموظفي إدارة التربية الخاصة وبأثر رجعي قبل المعلمين العاملين مع الطلبة المعنيين مباشرة؟؟؟!!!!
وين يحصل هذا في غير وزارتكم اللي ما تعرف الأولويات !!!!؟؟؟؟
الوزير يكذب
اصلا مستحيل تنزل بروحها. هذه العلاوة تنزل مع كشف الراتب عن طريق الجهاز التنفيذي وهو ديوان الخدمه المدنيه. وعندما يأتي شخص ويقول ستصرف خلال ايام فهو يكذب ويبنج الموضوع. استهبال واستغفال للمعلم. الله لايبارك فيهم
وقف العلاوات في الوزارات الاخرى ايضا
هناك وزاره اخرى ايضا تم وقف بعض العلاوات لماذا؟؟ المواطن محتاج ومعتمد على كل علاوه في راتبه
السيد
متى هذا هذي الايام
والامر الثاني هذا الكلام من الشهر الي فات
متى يعني؟
ننتظر بفارغ الصبر فلسنا
؟
اجراءات؟؟؟
ورش الاستحقاق تقام بداية كل شهر وتنزل المكافأة مع الرواتب
ومن شهر 6 للان اربعة اشهر لم تستكمل الاجراءات ؟ شي غير مقنع
لانريد المكافاة وليرجع الدوام كمان كان
واحنا
قالوا سجلوا في برنامج التمهن سجلنا ودبحنا روحنا وجمعنا ساعات من كل محل حتى بفلوس رحنا ولحد الحين من أكثر من شهرين ما عطونا شي ، مو المفروض نستحق الدرجة من تاريخ إنهائنا للساعات المطلوبة ...
لماذا التعطيل !!!
هذا ظلم لباقي موظفين الوزارات الأخرى
يجب على وزارة التربية توضيح الأمر لنا لماذا المدرسين 6 ساعات دوام فقط من 7 صباحا إلى 1 ظهرا وباقي الوزارات 8 ساعات عمل أما تغيير دوام موظفين وزارة التربية والتعليم إلى 8 ساعات أو تقليص دوام باقي الوزارات إلى 6 ساعات ..... هذا ظلم
الحمدلله يارب
دوام للمدرسين من سبع لثنتين وربع وقول الحمدلله على الي انت فيه احسن
الحمدلله يارب
دوام للمدرسين من سبع لثنتين وربع وقول الحمدلله على الي انت فيه احسن
اسمع يا حكيم زمانك
إذا اشتغلت مدرس وعرفت انه هذه المهنة شقد متعبة وانك سوف تتعامل مع مختلف الفئات العمرية على اختلاف بيئاتهم ورغباتهم وسلوكياتهم سوف تعرف معنى تمديد الدوام... أحمد ربك واشكره تره المدرس مطحون مثله مثل أي موظف آخر مع اختلاف أن مهمة المعلم فقدت الاحترام فهذا الجيل يختلف كثيرا عن الجيل الآخر... اتق الله نصاب المعلم الطبيعي لا يقل عن أربع حصص في اليوم الواحد غير المهام الأخرى الموكله إليه.
ما عليك منه .
لا تتعب روحك تفهمه .. ما في فايدة .. مو بس هو . غالبية الناس جذي .. ما عاد في إحترام للمعلم ..
بل ران على قلوبهم .
الغيرة
يغارون من المعلمين حتى في رزقه ...ياخي يمكن عندك حالة نفسية من المعلمين ياعندك فوبيا المعلم او غيرة قاتلة منه لانك يوم من الايام قدمت في الوزارة وماخذوك في سلك التعليم ...المعلم تاج على رؤوس الناس ..لولاه لما عرفت ان تعلق على الموضوع ودخولك في الموضوع لهو غيض وحقد ولاتحب لاخيك كما تحب لنفسك ..المعلم يستاهل الكثير الكثير لكن الظروف هنا جعلته مكتوف الايدي والصغير والكبير يعلق عليه
اذا ذقت اللي احنا فيه بعدين بتقول شيء ثاني
اذا اشتغلت مثلنا بتتمنى انك تشتغل 9ساعات واكثر مثل شغلك ولا 5 ساعات من شغلنا. الكلام صعب تصديقه ومستحيل تصدقه لاني انا نفسي ما صدقته قبل لا اصير معلم
بالمختصر شغلة عذاب
امور ادارية ؟
كنسلو التمديد احسن لكم
اصغر عيالكم ؟؟
شهر ستة قولون العلاوة بتنزل في شهر تسعة وجا تسعة وخلص وجا عشرة وخلص ...عيب هالاسلوب تتعاملون به مع مربين الاجيال .. قولوا مافي علاوة ورجعواةالدوام ل1 وربع وفكونا
يا ليت يرجعون الدوام السابق ..
كانت حياتنا أكثر تنظيم وإستقرار من ألحين .. التمديد حتى لو بفلوس كان على حساب أعصابنا وصحتنا وعلى حساب راحة عيالنا هالفقارة .. رحم الله والديكم خلوا المكافأة عندكم ورجعوا دوامنا القبلي وخلونا نرتاح .. لو مستكثرين الراحة علينا وعلى عيالنا ؟؟!!!
تسكيت لا اكثر
وقد تمتد هذه الايام الى اشهر
كفاكم كذب
تستهببلون على المدرس
وتخدعونه
هالفقير
جمبزه
الوزارة تتجمبز على المعلمين، وتقول لهم ينصرف ويمر الشهر والراتب اللي بعده ما تنزل ويقولون بنصرف، يممررون الوقت ويثبتون عرف الوقت الممدد بدون تعويض
مال شهرين لو طنبورها
لينا تمديد مال شهرين؟؟ يا ريت تصرف مره وحده وبلا جمبزه علينا؟؟؟ التمديد قطوه في الأساسي وفكونا عاد