"الريموت كنترول" الخاص بالتلفزيون هو ذلك الجهاز الذي يُتناقل بين الأيدي للانتقال من قناة إلى أخرى، عادةً ما يعتبر سلطة مطلقة لمن يقع في يده للتحكم في ما يُشاهَد في التلفاز من برامج ومسلسلات.
هذا الجهاز البسيط، ولكونه مصدر سلطة وتحكم، عادةً ما تدور حوله معارك داخل المنزل، فلم تكون الغلبة عادةً... للأب أم الأم أم الأبناء؟ وللصغار أم للكبار؟
الله يذكركم بالخير
ضحكني الموضوع الله يذكركم بالخير يا اخواني... نتهاوش واحد يبدل وتحد بالنحاس يوقف عند الريسيفر يغطي على مالت الارقام... والثالث يروح يشتكي ابويي اكوا فلان يناحس وبيكسر الريموت
في الظهر
الصبح أمان التلفزيون لولدي الصغير... ولكن الظهر من يجون اولادي الي في المدرسة يصير الحرب... وفي الليل يعم الهدوء لان ابوهم موجود... بس انا لاعبين في حسبتي
على الطاري
جم تلفزيون في بيت كل واحد... الاول نجتمع علشان انطالع برنامج... الحين النت ما يقول شي كل شي موجود والناس كل واحد يتابع في تلفونه
حلفوا عاد
لا معركة ولا شي... المعارك على تلفزيون مال اول... واحج فوق البيت والثاني تحت يعدل الاريل يا حلاوة الذكريا
اتعجب من كل هذه التعليقات !! للحين احد يشاهد التليفزيون احنا نشغله وقت النوم مثل الابجوره
الجهال
التلفزيون ليه فترات من الصبح للظهر للجهال... والعصر للمراهقين وفي الليل للاب... اما الام فمسكينه الوقت الي تفرغ فيه تنام وهكذا كل يوم
الوقت الي فيه ابويي ما نتهاوش
بس اذا ابويي موجود... لكن من يطلع تشتعل حرب البسوس من يقعد مكانه ومن يمسك الريموت... فله لكن عقب هالمعركة... امي تحسم الخلافة تبند التلفزيون واتقول بشتكي عليكم... ايام
يا ما ويا ما
والله احنا الاول كنا نتهاوش انا وخواتي على الريموت... ويا ما انضربنا بسببه لان الي اتحصله لين عيروها من القهر تفلته على الارض... وااااكيد لازم ينكسر
يووو
للحين ناس اطالع التلفزيون... حسبته انقرض هههههخ
اني خاطري
زوجي دائما اقول ليه انت ديكتاتور... دائما الريموت في ايدك... وهوه بره انا اشتغل في البيت ولما يرجع بنطالع التلفزيون... يا مباريات يا اخبار لا ثالث لهما
للحين
للحين اتصير معارك بس مو بين الكبار... الا الصفار الي كل واحد ليه قناة
الرموت
انا اقول الأخت الكبرى بعد الأب والام
الأطفال يحكمون
الأطفال يحكمون وانا و امهم نطالع رسوم غصب رغم وجود الايفون والجلكسي عندهم لأكن ماقول الاحكم القوي على الضعيف.
بوعلي
انا منزل برنامج في تلفوني اقدر اتحكم في التلفزيون مثل الرموت اغير وقت ماابي اي واحد يتكلم ماليه الا الصراخ الا اذا واحد عندة اسلوب دبلوماسي يقدر يقنعني
كنت ملكة الريموت
هههههههههه محجوز لي وما ينوسون ياخذونه
الحين ماطالعه بالمرة
انتهى زمن التلفزيون
احنا في البيت بشهر مايشتغل التلفزيون حتى الجهال مايعترفون فية
الوالده اتخش الرموت في شنطتها ادا غربلوها الجهال يوم الجمعه حطة ليهم رسوم ...لو التلفزيون ليعا بس
بدون زعل
بصراحة وأتمنى من القراء إنه محد يزعل ترى الريموت إلي بالصورة نفس إلي عندي، وأحبكم واجد.
الوالد التلفزيون عنده مثل حوض السمك، أي يشتغل للزينة فقط، ولو قلت له أغلق الصوت أو بدل القناه لقال لك أنه يشاهدها ولا يستطيع فعل ذلك، وأسوأ مافي الموضوع أن بعض القنوات الأخبارية التي لا تحترم المشاهد تعرض صور أشلاء وقتلى بدون سابق إنذار، وعند اذ في وقت الغذاء الحجي لا يكتفي بالمشاهدة لوحده بل يلفت نظر الكل لما يعرضه التلفزيون بقوله "لا اله الا الله" أو "اوووه طالع المساكين" وعند لومنا له يعطيك الفتوى "أنزين!! يعني الواحد ما يطالع أخبار؟".
....
كله هوااش عليه الريموت
طبعا اذا يكون عندي و يتهاوشون وياي يبونه
مصيره في الطوف
نشتري ريموتات اكثر من الاكل
بالدرزن
...
جان قناة العالم بتختفي نفس قبل
بنفتك
24 ساعة عليها
لايعة جبدنا
عندهم الميادين لو بندوا العالم، نفس الشي بل اسوأ لأنهم يحطون اناشيد في الفواصل ويعيدونها خمسين مرة، الفرق الوحيد بينها وبين العالم أن المذيعة سفور!!
ابو حيدر
انا اسوي قرعه بيني وبين ولدق وزوجتي اذا وقعت القرعه عليي اقول لهم ان هذا حق واذا وقعت عليهم تبتدي غريزت اتسلط واقول لهم انا رب الاسره واقمع القرعه من اساسه ههههههههه
المدام مديرة الريموت
تطالع او تعطي الجهال بس الرجل مسكين اذا كلهم طالعين عنده مجال
اتابع الأخبار فقط
عند وجود الأطفال لا يمكننا انا و زوجتي سوى مشاهدة التلفاز ففي عصرنا الحاضر الأطفال هم من يستخدمون الانترنت ولا يرغبون في مشاهدة التلفاز
الحين الهواش على الچارجرات مال التلفونات ..
محد يتهاوش على تلفزيون الله يهداكم !
!!
الغلبة للأطفال في النهاية ، الآن لا يكتفون بالرسوم فقط حتى المسلسلات التركية والهندية لها أولويةً كبيرة في المشاهدة والأب والأم نصيبهم التلفون فقط
ولد زويد
ولدي هو المسيطر على الريموت دون منازع
هههههههه
نعيمي
من سبق لبق
يصير الهواش على الريموت عندما :
يأتي أحد من العائله مثلا ويريد قناة كاذبه والتي تستخف بعقول الناس بأخبار مزيفه وتافه... هنا الريموت ماله إلا أخذه بالقوه وإغلاق هذه القنوات التافه فورا أو يتم تكسير هذا الريموت.
ابوجعفر
ده كان زمان اللحين ما احد يعطيه وجه .
داك الزمن و لا تصير حرب البسوس علشان الرموت ، يصير ضرب البكس و في الاخير واحد يخلي ايده ع الرسيفر و الفاني في ايده الرموت هالزمن محد ليه زاغر تلفزيونات ، عن نفسي نسيت شيء اسمه تلفزيون بسبب التلفون ، الرمود على مدى الساعه عند الحجية و خب لين حضرو الجن الجهالوه مايمبون الا رسوم ، متابعتي المباريات و الافلام و الاشياء ف التلفون
بالغصب
بالغصب اقدر اطالع مسلسلات هندية اذا مو موجود.. اما اذا موجود... دائما اخبار
والله من يطب الفارس المغوار خلاه تحت فخده ومن اخبار لاخبار لين ما يدور راسنا وننام ،، وساعات يحس لروحه انه مملنا ومملل روحه يسوي روحه ها تبون وين اتابعون ،، لا توها الناس يالطيب ولايعرف للتلفزيون وكله يتحلطم يقول خراب
دائما زوجي
كل مباريات
قضينا ع هالسالفة
بغرفة نومي تلفزيوني.والمجلس تلفزيون ابو الإولالاد والإطفال بعد عندهم تلفزيون لذرجة الشقه كلها تلفزيونات باقي الحمام ونرتاح
خوش موضوع
اذا الوالد حاضر نخليه عندنا بس نودي القناة الي يبيها
اما اذا مشى كلنا الاخوان متفقين على قناة يعني ما يصير هواش
مضحك
ماهذا السؤال الغريب ؟ انتم تتحدثون عن زمن كثر فيه استعمال الهواتف واللابتوبات ، من يستعمل التلفاز الآن بعير متباعة المباريات؟
الابناء
الكبير يبي افلام والصغير يبي كارتون .. والام اذا بالغلط صار عندهاا الرموت سحبوه من عندها وبدلوا القنوات ..