الحق الاول لي اهالي كرزكان ودمستان مثل ماقال بوعلي طول الله عمره بوعلي

دام اهالي كرزكان انانيا وما يتعايش معاهم ليش كل هالحقد وهالحسد والتعصب على سووى اعتصام في ديرتهم ؟؟
والشي الثاني كل مشروع لسكان في كرزكان في ناس من خارج القرية يعني لاحد يجي يتكلم وهو ما يدري

متى سوف تنظر وزارة الإسكان في أمر عوائل ( ذوي الاحتياجات الخاصة). الا يوجد مراعاة لهم و تسهيل حصولهم على بيت العمر . أمضينا 10 سنوات انتظار حاليا ؟ ( مواطن من سكنه المنطقة الغربية )

يا وزاره وزعوا حسب الاقدميه مو لازم كل واحد يطلع ليه بيت في ديرته من كبر البحرين الله يخلي السياره تودي كل مكان

تقديم صورة مغلوطه???
من الي يقدم للناس صوره مغلوطه 25 سنه ننتظر يطلع البيت ولين طلع ندفع فلوس لمدة 20 سنه عشان نمتلكه ولما نمتلكه 10 سنوات ما نقدر نبيعه وفوق هاي يقولون البيوت هبه اي هبه اي بطيخ

المدينه الشماليه نصها انباق لو ما باقو منها جان ناس واجد بتحصل بيوت

وزعوا حسب الاقدميه

انا ضد توزيع البيوت بنظام المحافظات لان ناس طلباتهم 2013 حصلوا بيوت وناس طلباتهم 1994 وللحين ما حصلوا
جهالهم عرسوا وهم للحين ما حصلو بيت

إن لم تستحِ فقل ما شئت

لا لنظام التوزيع الجديد بحسب المحافظات
كيف للمحافظة الجنوبية ان تبنى فيها الآلاف من الوحدات السكانية
ويتم تغطية طلباتهم الى 2013 وباقي المحافظات لا زال اصحاب التسعينات في الانتظار

ماذا عن المشاريع الاسكانية في الزلاق وجو وعسكر والبسيتين والحد وقلالي
يتم توزيع الوحدات في هذه المناطق بالخفاء ولا تعطي الى عامة الموطنين

يا وزارة لماذا بعض المناطق وصل طلباتهم الى 2013

تقاعس طلبات التسعينات
عدم حصول اصحاب طلبات التسعينات على سكن بسبب تقاعسهم عن المطالبة بحقهم
يجب تكوين لجنة لأصحاب طلبات التسعينات من مختلف مناطق البحرين
ووضع عمل خطة للمطالبة بحقهم في الحصول على وحدة سكنية
مثلا اعتصامات او رفع عريضة الى رئيس الوزراء
والمطالبة بتخصيص المدينة الشمالية للطلبات القديمة فقط

يعني الحين لما البحرين كلها هبت على مطالب.. حصلتها يعني؟ والا بالاصل هم متقاعسين؟

عجبتني جملة ان الاعتصامات قد تؤدي الى تقديم صورة مغلوطة.
ياريت المسؤلين في الوزارة ينشرون احصائية بعدد الطلبات الموجودة عندهم مع ذكر مجموع الطلبات في كل سنة علشان تتوضح الرؤيه وتكون الصورة مو مغلوطة.

اي مواطن في اي بقعة من أرض البحرين له الحق في اي أرض تمتلكها الدولة ما دام لم يحصل على حقه وهو البيت .

100%
نعم الكلام

موضوع حفظ النسيج الاجتماعي للمناطق بدعة ابتدعت لأن هناكمن لايريد لهذا المجتمع ان يتعرف على بعضه وهناك مناطق يراد لها ان تكون قلاع حصينة اجتماعيا ضد اللون الاخر، هذه البدعة جائت لمنع اللون الاخر من التواجد في الرفاع أو قلالي أو البسيتين أو الحد أو الجنوبية، مع العلم ان اسكانهم جدا مختلف عن القرارير التي توزع في القرى، وروحو للنماذج وقارنو بينها، هذه البدعة كانت لغرض وعندما تحجج بها اللون الاخر في مناطقه بدأت النعرات المنطقية بين اللون الواحد، لو أننا كنا نسيجا واحدا لما احتجنا لحفظ الانسجة!!

للإنصاف أعطوا أهل كرزكان والمنطقة نسبة معقولة فهذا آخر مشروع على أرضهم ووزعوا على أصحاب التسعينات بالأقدمية فالاثنين على حق ويستحقون صراحة.

يستحق القديم فقط
كرزكان شبعوا من المشاريع و الخدمات
غيرهم أولى و أحق

نطام الاقدمية منصف الي جميع الطلبات فعلينا القبول به والقانون يطبق على الجميع خصوص ان بعض المناطق لا توجد بها مساحات لبناء وحدتت اسكانية بها يعني ما يحصلون مثل باقي الناس .

الله يسهل لينا
العيال قريب يعرسون

التوزيع بحسب الأقدميه هو المعيار الصحيح للتوزيع و لا شيئ آخر..اما ما يقوم به أهالي المنطقة من إعتصامات للحصول على منزل بحجة أن المشروع على أراضيها فهي غير شرعيه ، وكل من حصل على منزل بمثل هذه الحجه هو مغتصب للحق العام

نعم للاقدمية

ليش يا مفتي الديار؟ الأراضي مكدسة عند المتنفدين وتميلك بالهبل ومشاريع إسكانية توزعت في الجسرة والحد والزلاق ويقولك الوزير إن في 2018 الجنوبية بتحصل 2013.. وينك عنهم،،، لو بس أبوي ما يقدر إلا على أمي.

بس في مناطق مافيها وحدات سكنيه ابدا ولا أحد يفكر فيهم مثل منطقة النعيم و المنامة

مدينة عيسى و مدينة حمد كانو افضل مشروعين من ناحية التوزيع
الكل استلم حسب الاقدمية و على مستوى جميع مناطق البحرين
نتمنى من الوزارة التوزيع نفس الشي عشان الكل يكون راضي
و مرحبا بأخي البحريني من أي منطقة كان

كلام عدل
يحي العدل

لأنك مو متضرر
الدراز تضررت من الشمالية
وكل يوم يندفن شي
ومشكلة البعوض وغيرها
ولاحد مفتكر في الدراز

وزارة الإسكان ليس لديها أجوبة او ردود على استفساراتكم المحرجة مثلا على لماذا قل الي لم يطبق عليها قانون الأقدمية لا الرفاع ولا البديع بالرغم ان البديع ليست بعيده عن بني جمرة او الدراز ولا عن المدينة الشمالية والبيوت التي وزعت عليهم لها امتيازات خاصة أيضا ؟؟؟!!!

انانيه تم بناء بيوت على اراضيهم واخذوهم كلهم والحين يبون في منطقة مو لهم على وزارة الاسكان النظر

سؤال الى أهالي كرزكان وأتمنى العقلاء تواجب
ليش توافقون تروحون القرى المجاورة و ماترضون احد يجي عندكم ؟ هذي فعلا انانية ..
كم شخص من كرزكان في دمستان والمالكية وشهركان .. او وقت ما تبون ليكم ليكم او وقت ما تبون تعتصمون
طلعوا من المشاريع الأخرى له .. لانكم تبون ارضكم على قولتكم ..
ما شفنا الا انتون بس تتطلعون فيها بصراحة ... شقال ارضنا ضحكوني كاتبين في اللوزي هذه ارض كرزكان والأرض مغتصبة ههههههههههههه

أهالي كرزكان يمتلكون وثائق تثبت كرزكانية الأراضي المقام عليها الإسكان والتلاعب بالمسميات لن يفيد الوزارة وأهالي كرزكان لازالو يضبطون النفس وحكمة اللجنة تساعد على ضبط النفس ولكن نحتاج لتعاون الوزارة مع اللجنة لكي لا يفلت الوضع من يد اللجنة

ارضي كرزكانيه تملكها الدوله يعني ملك عام مو ارضكم وبسكم هرارو انانيه وثائق هرار ليش لايكون مسجله بالسجل العقاري باسمك

الجنة بعد تصير في كرزكان الظاهر!!!!!

الحل سهل
التوزيع بالاقدمية حق للجميع
و البحرين للجميع

سلام عليكم اللي يقول مو على اراضي كرزكان خله يجي ونعطيه الوثائق مال الاراضي هذا شي والشي الثاني اللي يقول انانيا يا حجي هذي ديرتي وانا احق منك في الاراضي والبيت روح طالب ....اللي نهبوا الاراضي اللي بديرتك مو تجي تغلط وتتهجم على خلق الله

بو احمد

كل منطقة يصير فيها 120 وحدة و الثاني 200 وغير 80 وحدة هدا ما راح نخلص ابد طالع مشاريع دولة الكويت البداية عشرة الاف وحدة هدا الصح

لا لا هذي ارضنا

انا بحريني وهذي ارضي وطلبي 99 وانا من مدينه عيسى ولي حق فيها هههههه

ولكم ملينا

الارض مو ارضطم .. لو ارضكم ماخذتها الحكومه بسكم مهاترات وتمثيل وانطرووو مثل غيركم ..اعوذ بالله من هالنفسيات

بارك الله بالوزاره

زين تسون ..كل مره اعتصموا وكل كلمه قالوا الارض ارضهم ؟؟؟؟ مصدقين عمرهم يبون بس ينطون على الطلبات القديمه بأي طريقه لازم تنطرون دوركم

وطلبات ٩٤ الي متا يا وزير الاسكان تعبنا وحنا نراجع حتا الوكلاء ما يريدون يقابلونه يعني وين نروح يا وزير

حرام نعتصم، وحرام نقول ان طلبنا من ٨٦ وللحين ننتظر المفروض نشكر الحكومة للحين عايشين في قرقور الوالد رحمه الله

احسنتم بارك الله فيكم

اسلوب الغاب هذا احنا نرفضه التوزيع لازم يكون بحسب الاقدميه كفايه هرج

تعبنا من اهالي كرزكان و المناطقية

ليش في مناطق معينه يتم فيه مسؤلي الاسكان زيارتهم وايجاد حل لمتطلباتهم والمناطق الثانيه لا يوجد احد يدري عنهاهذا اجحاف في حق هذه الفئه من الناس

واحنا تعبنا طلبنا من 2005 ولأن طلعنا من المنطقه لضيق المكان فالوزارة لا تحسبنا على المنطقه الجديده ولا قديمه يعني نسكن بشارع حرام عليكم

تفضلوا و اعطونا الصورة الصحيحة عن الاسكان اذا
خلونا نسمعكم
شرحوا المواطن شلون زحلقتوا آلاف الطلبات للمربع الاول بقائمة الانتظار بسبب قانون دمج راتب الزوجين
و بعده الغاء القانون
ناهيك عن المواطنين اللي اصبحوا غير مستحقين للخدمات الاسكانية بسبب هالقانون اللي تم الغاءه بعد ان طاح الفاس براس المواطن

الوزارات لاتستحى ولا تخاف من المواطن لانه بلا قيمة. شكرا لمساهمتكم في طحن المواطن وإخراس صوته.

يعطيكم العافية ياوزارة الاسكان
بس لا تنسون أهالي كرزكان فالمشروع على أرضهم

انا ضد هذي السياسة ... من غير المعقول انتظر عشرين سنة وغيري لمجرد ان المشروع على ارضهم يحصله في خلال خمس او ست سنوات :(

الظاهر البحرين كلها لكم و احنا ما ندري
باقي بس تغيرون اسم البلد!!!!!!!!!

ثقة زايدة !!!!!!!!!!
على ارضهم هههه؟؟؟؟؟؟

نعم يا وزارتنا، فالإعتصامات تضرك و تشوه صورتك
و لكن ألم يشوه صورتك إنتظار آلاف الأسر من غير سكن مسقل ل 20 و 25 سنة؟
لم لا تتفقد الوزارة حال هذه الأسر ؟؟
و أي سياسة تلك التي ينتظر فيها المواطن عشرون سنة ليستقل في سكنه بعد المشيب؟؟

المنطقة 100% في عمق كرزكان واللعب بالمسميات لا يفيد وزارة الاسكان ...الناس تريد ما طبق على الآخرين أن يطبق عليهم ....وعدد الوحدات يفوق بكثير طلبات الأهالي ...يعني لازم ناس تروح وتترجى حتى تحصل حقوقها ...

أوه
هالقد كرزكان مساحتها كبيرة اكبر من قارة آسيا
كل ما يطلع مشروع يقول مالهم
خوش و الله خوش

...‘

انتو بس وزعو حسب الاقدمية مايهمكم اعتصاناتهم

عجبتني سياسة المساواة
خلهم يوزعون وحدات الجسره والزلاق والبسيتين على البحرين كلها

لجنة كرزكان صار لها حوالي سنة لو أكثر من طلبت لقاء الوزير وهو يتجاهل ويرفض الطلب والحين جايين تتكلمون عن القنوات الرسمية؟

ترى لبيوت ١٧٠ متر..يعني عن نص بيت ..قبل لا احد يطالب ويتعب روحه يروح يشوفه يمكن يغير رايه وينتظر بيوت المدينة الشمالية

خافو من الله ناس ماتو عند استلام ا لبيت هذا يدل على اليأس والفرج جاء متأخر والعدالة وين بعد يصير الاولاد طول ابوهم ولايطلع له بيت اشلون اصير اصحاب طلبات العاصمة متى حصلو على بيوت بعد المر والمرارة الله يساعد المواطن ويصبره

وين عدالة التوزيع؟ يالله،،، خلوا العداله في إسكان الحد وجو وعسكر مو مشكله قابلين ،،،

اولاً لااحد يرد على الهواتف ثانياً انتو اللي تجبرو الناس على الاعتصامات لاتقابلون احد ولاتسمعون لاحد. حرام عليكم هذا كلامكم في الاعلام فقط والواقع شئ ثاني.

لماذا نحن فقط
لماذا يطلب الآن فقط من أصحاب الطلبات تجديد وطلبات البنفت وغيرها الألف استفادوا دونها لماذا تدفع الطلبات الآن ثمن كل شيئ

اكبر جريمة في حق شعب البحرين قامت بها وزارة الإسكان هي التوزيع بحسب المنطقة ضاربة بعرض الحائط اقدمية الطلبات مما سبب العداوة بين قاطني القرى والمدن ممن ليس لهم امتداد

مأكول خيره هالكلام
بعض المناطق مثل قلالي وعراد والرفاع تم تخصيص اسكان لهم ،، واليوم الدراز اكبر متضرر من الشمالية ومافي خبر ليهم
على معارضتنا لسياسات الحكومة الا ان الإسكان حق لنا ونحن أولى به من الغرباء

اللي يسمعهم يفكر معتصمين على اراضي مالت ابوهم...يبه دي اراضي استملكتها الوزارة للصالح العام ويجب ان توزع على الصالح العام بحسب الاولى والاقدم وليس بحسب قرب فريقم من المشروع الاسكاني

كرزكان شهركلن وامس السنابس...زين والله اليوم بعتصم وباجر بحصل البيت...الله يديم الرخص!!!!

لا اعتصامات ولا هرار...ليكن طلب بتاخذون بحسب الاقدمية حالكم حال بقية المناطق التي ليس لها امتداد والا على راسكم ريشة؟ يكفي اللي انعطوا ظلما بحسب المناطقية وغيرهم اقدم منهم للحين ماحصل وشكله بيموت ولا بيحصل غير قطعة ارض في المقبرة

هذا الوزير مثل سابقيه ركن طلبات أهل المنامة ولم يوليهم اي اهتمام. لم نرى منه إلا التصريحات الغير ملموسة

العيبة عليكم يا وزارة الاسكان عاطينهم وجه والرد المقنع هو التوزبع بحسب الاقدمية فماذنب اهالي مناطق مثل المنامة ليس لها امتداد لينتظر الفرد فيها لحد الان وطلبه 96 بينما مثيله فيما يسمى امتدادت القرى حصلوا طلبات 2006 التوزيع المناطقي ظالم

هذا الواقع

السياسة الاسكانية خاطئة ورغم جهود الاسكان في انشاء الاف الوحدات السكنية الا انهم يلغون الاف الطلبات بحجة عدم تطابقها مع شروط الاستحقاق رغم ان الوزارة تعلم ان طول فترات الانتظار هو السبب، هل من المعقول ان ينتظر المواطن 10 سنوات واكثر ولا يزيد راتبه عن 900 دينار!
على الوزارة التوقف عن سياسة الغاء وتحويل الطلبات

صراحة وللانصاف وزارة الاسكن من انجح الوزارات
حتى على مستوى الموقع الالكتروني دائما في تحديث للمعلومات والبيانات
يعطيهم العافية
ونتمنى ترجع اسعار النفط للانتعاش مرة اخرى حتى يستمر الانجاز!

لا احد يعتصم يا جماعة كلها خمسة عشرين الى ثلاثين واتحصلون بيوت واللي يمون قبل لا يطلع ليه بيت فاليمت وهو مطمأن فالورثة بيحصلونه بداله

الاسد

الواقع انه لا توجد اي انجازات للوزاره .. فقد صرحت سابقا انه سيتم الانتهاء من تلبية الطلبات الاسكانيه بحلول 2016 و 2017 ... وما زالت التصريحات تتكرر عند تعيين كل وزير جديد .. رغم المارشال الخليجي .. الا ان المواطن لم يستفد شي من الاسكان الا ورقه .. وياليتها وثيقه بعد !!!

صراحة ماعليها لوم الوزارة والوزير أثبت جديته وجدارته والمراقب بانصاف بلاحظ حجم الانجاز الي تم
كل فترة واخرى نقرأ خبر تسليم وحدات،توقيع عقود،زيارات ميدانية،اجتماعات مع الاهالي
لكن للاسف بعض الناس دائما يعيشون جو المؤامرة ....
صح كان في تعثر بالاسكان الا انه مع مشروع الاصلاح شفنا عجلة الاسكان شلون دارت
يجب ان يتعاون المواطن مع الحكومة ويختار الطرق الصحيحة، في مسؤولين بالوزارة،في نواب،في بلديين
اما الاعتصامات اعتقد انها اثارة للبلبلة وكانه في تقصير من الوزارة وهو امر مو صح

شي مضحك

يعني شيء مضحك فعلا تصريحات الإسكان كل ماتسوي مشروع قالت إن راح يغطي كل طلبات التسعينات وهذا الكلمات نسمعه من أكثر خمس سنوات مضت وإلى اليوم ماخليتو طلبات التسعينات عجل متى راحت تغطون طلبات الالفينات وهل طلبات التسعينات بالملايين علشان بعدها ماخلصت شيء عجيب واضحك فعلا

زين و الي وقفتون عنهم علاوة السكن من بداية السنة ليش تردون عليهم في الصحف المحلية حتى لا أحد يعطي صورة مغلوطة على سياسة الوزارة

أين الأقدمية في مشاريع قلالي والبسيتين والحنينية ام الأقدمية ماتصير الا في مشروع اللوزي هذا اولا وثانيا على حسب قول الوزارة بان هناك لقاء مزمع عبده غدا الأحد وانه تم إلغاء لقاء سابق بسبب اجتماع طارئ وهل الاجتماع الطارئ يكون في قرية اخرى وعلما ان الوزير اجتمع معهم من قبل.. اي نهج تنهجه الوزارة من اجل خلق حساسية بين الأفراد وأمري الامر على الأهالي وتقول انهم يسببون تاجيج المشاعر…والاجتماع الذي يلغى يجب ان تعقد مكانه ولمن طلبه لا ان يشرك فيه أطراف اخرين

هذا الخط الساخن ما حد يرد عليه ...

ادا كل واحد يعتصم تعطونه اللي يبيه تصير الديرة غابة
القانون يجب تطبيقه على الجميع
الاقدمية احق منكم
البحرين وطن الجميع
لا يكون تفكرون كل شي لكم
بلا انانية
بس عاد
تعبنا منكم

تخلف وانانيه تم بناء بيوت على اراضيهم واخذوهم كلهم والحين يبون في منطقة مو لهم على وزارة الاسكان النظر

و اصحاب طلبات القسائم متى بتوزعون عليهم قسائم سكنية من فترة طويلة ما وزعتوا قسائم

الارض ارض كرزكانية . ولكن التوزيع على اساس الاقدمية في الطلبات . لان هناك طلبات قديمة . فارجوا من اهالي كرزكان التفهم .

كرزكان طل
لا يكون قارة و ما ندري!!!!