أبطال سترة والله أبطال

لمحال ما تعرفه لمحال

أبطال سترة ترفع الراس

وفوق المنصة ترفع الكاس

روح العزيمة كانت الساس

أبطال بحارتنا أبطال

ما نقبل إلا بالبطولة

والبطل يحتاج الرجولة

واحنا رجولتنا رجولة

لمحال ما نعرفه لمحال

أبطالنا بالفن يلعبون

بتخطيطهم والجد يكسبون

وعند التحدي ما يهابون

مثل الأسود تخوض لهوال

أخلاق وحريّفة ومهارة

ورمية ثلاثية وشطارة

كلها حصلناها بجدارة

وصرنا عقبها مضرب أمثال

والفوز ما منه غرابه

ما دام كل شيّ بحسابه

ونادي المنامه ما نهابه

ومن القوي ما تهاب الرجال

أبطالنا أبطال ستره

آمالنا فيكم بكثره

معقودة نبغي الدوري بكره

لا تخيب يا نادينا الآمال

ستراوي في كل لعبه معروف

حماس وبالحرفنه موصوف

ركوب المنصه صار مألوف

في القدم والسله والأثقال

وجمهورنا يعرف طريقه

ويساند بقوه فريقه

وكل واحد يشوف الحقيقه

يعترف ستره ما له أمثال

جمهور عند الموعد يكون

الأندية منّه يغارون

الأشواط كلها ما يهدأون

وأصواتهم في الصالة زلزال

حسين إبراهيم طوق