طالب النائب الوفاقي جواد فيروز الحكومة والقطاع الخاص بتقديم صرف رواتب الموظفين في القطاعين العام والخاص إلى ما قبل عيد الفطر المبارك ليتمكن المواطن من تغطية كلف ومصروفات عيد الفطر ومصروفات العام الدراسي الجديد الذي سيبدأ بعد إجازة عيد الفطر المبارك.
وقال: «إن وضع المواطن البحريني اليوم في ظل ارتفاع الأسعار وضعف المستوى المادي يتطلب التفاته خاصة من قبل المسئولين في الحكومة وفي القطاع الخاص ما يدعو إلى العمل على صرف رواتب شهر سبتمبر/ أيلول قبل عيد الفطر المبارك ببضعة أيام ليتسنى للمواطنين الكرام العمل على شراء وتجهيز احتياجاتهم لعيد الفطر المبارك واحتياجات السنة الدراسية الجديدة والذي ستبدأ ما بعد العيد ما يتطلب صرف الرواتب قبل 20 سبتمبر ببضعة أيام». وذكر فيروز: «إن مصاريف شهر رمضان استنزفت موازنة الأسر والعوائل من رواتب شهر أغسطس/ آب، ما سبب لدى الكثيرين عدم القدرة على تغطية كلف العيد المبارك وكلف السنة الدراسية المقبلة للأبناء الطلبة»
العدد 2550 - السبت 29 أغسطس 2009م الموافق 08 رمضان 1430هـ
..
نطالب بمكرمة مو تقديم رواتب !!
و اذا تقدم صرف الراتب و انصرف و بعدين اشلون بنعيش باقي الشهر ؟!!
كل اسرة عندها اولاد الي بالروضة والي بالمدارس والي بالجامعات و شهر رمضان و العيد و كل واحد له احتياجاته و المعاش مايكفي شي .. بدل ما تطالبون بمكرمة للشعب تطالبون بتقديم الراتب الي يمكن يفيد في البداية لكن بعدين شنو بنسوي في باقي الشهر ؟!
ياريت اطالب بتوظيف العاطلين
العاطلين لى قاعدين بلا مشغلة ولا عندهم شي بروحهم يبغون اعانة بعد من اهلهم
مالت
روح طالب بعيدية للشعب المكافح طالبو بعيادي للناس اللي تنطر مكرمة شعبية مب مكرمة اسكانية شنو نستفيد حنا من الشبابا والشابات حقوقنا كلها مهضومة مالنا الا رب العباد روحو وخر انتخاباتكم طل بويوهكم ضيعتو اتلديرة
خوش نواب؟؟
صارت شغلة النواب الوحيدة قدموا الرواتب, واخرو الدوام, واسمحو للمبرقعات بالسياقةووو....
وخالين قضايا الشعب الاهم من تجنيس وسرقة اموال عامة وغيرها ...مالت عليه من مجلس نواب
مساكين يا المدرسين..... وما نبي نصير مثلهم بعد
لو سمحتون ما نبي رواتبنا تنصرف قبل الوقت وبعدين نقعد حاطين يد على خد ..... سنين والوالد مدرس ولا عندة مصدر رزق ثاني واذا صارت الإجازة عطوهم ثلاث رواتب مرة وحدة وانصرف في اول اسبوع على ديون الفيزا كارد وظل ثلاثة شهور يد
قدام ويد وراء .. ما نبي نصير جذي خلونا مثل ما احنا او زيدوا رواتبنا
طالبوا الملك برفع معيشة الناس خمسين بالمائة
ياحاجي فيروز انت وغيرك دخل الرلمان من دون استحقاق لانكم وظفتم الدين من اجل تزيد كروشكم ودخلتم البرلمان وحصلتم علي امتيازات تحلم انت وغيرك تحصلها لو بعد 50 سنة عمل وخلال 4 سنوات جصلتم علي راتب تقاعدي والله غريب عجيب واليوم تطالب بتسريع دفع رواتب شهر سبتمبر ليش الراتب كم مرة يوزع واذا انصرف الحين بعدين شنو اسوي ابن الحلال اروح اطر في الشارع بدل ماتطالبون لكل مواطن علاقل راتب عيدية اسوة بباقي دول النفط او علاقل عيدية 300 دينار لكل عائلة او كل موظف في قطاع العام اصحاب الرواتب الضعيفة والله حرام
ام علي
مشاركاتكم فيها ظلم للنائب والي يتابع الصحف يعرف اشقد يتكلم بالحق لكن انتم تعتقدون ان النواب عندهم عصا سحرية اتغير الواقع قاعدين بالسي وتبغون البلد تتغير وانتون رجل على رجل وحتى الي يدافع عنكم ما يسلم من السانكم ما يقدر على لحمار وانتو بكرامة يقدر على البردعة
ليش ؟!
هو زين زهو شين حلاتك تقول يالنائب زيدوا معاشات هالفقارة عشان يقدرون يتحملون اسعار الثياب اللب زادت اضعاف اضعافها موو يصرفون الناس معشاتها عشان تخللص على الثياب وهم بقيه الشهر من وين يعيشون اذا فلستونهم بدايته ؟
هناك مطالب أهم
شنو ضحك على الناس. عادة تعود عليها الناس حتى قبل البرطمان (البرلمان) ان الحكومة تقدم الرواتب في مثل هالمناسبات يعني كسرتون علينا جميل يا سعادة النواب بهالمطلب التعجيزي؟ الحمد لله والشكر.
شكراً لك يا فيروز
لكن مو هاي هم البحريني
اللي يده بالماي غير اللي يده بالجاي....
لو رواتب البحرينين عدالة وحق كان ما احتاج الشعب البحرينين الى انه ينذل وقريبا يتشرد...
لا حول ولاقوة الا بالله العلي العظيم
ليش مو ماتكون مكرمه
احنا مانبي تقدم الرواتب واذا قدمتها ونصرفت بعدين شلون بنصرف وجايه المدارس وليش ماتكون مكرمه من عند الملك والله الحياة صعبه يعني اغراض رمضان والعيد والمدارس شيبقى من الراتب وغير القروض الله يعينا لو رواتب عدله جان اشوى بس شنقول الحمدلله على كلشي
طيب وين غلاء المذلة
دام بطالب يقدمون راتب شهر سبتمبر ، طالب يوزعون 50 ملطوش ع الناس اللي للحين ينتظرونها ع احر من الحمر،،
صدقوني
وأنا صايم وما أكذب عليكم وأنا من أصحاب الرواتب القريبه من المتوسطه تصدقون اني متحير من وين بجيب زكاة الفطرة شلون الفقير ياربي
والله طماعين هالكتلة الايمانية وينكم من علاوة المذلة الاماشفنها
ياحجى بدل ما تطالب بمطلبك كي تملىء خزائن بنكك المفجوع انظر لهذا الفقير الهايم الغائب عن السمع والبصر ومحكوم عليه السكوت من تقواكم وايمانكم احنا ياايها الحجى فقراء ولكننا اغنياء برب العالمين عاطلين لكن غير متسولين على ابواب السلاطين وينكم عن علاوة الاذلال وينكم موذلتونه انتون اكثر من ما ذلتنا الوزيرة صج انكم ماتستحون والا اختشوا ماتوا ياحجى ولو اني واثق ماتركب عليك لانك بعدك ماحجيت لانه الحج مايجى فى نوروز
مواطن بلا هوية
ياحجي فيروز لاتطلب على تقديم الرواتب الشعب
مو محتاج طالب بهذا المطالب روح طالب انت والنواب الكرام بعيدة للمواطنين شنوة تقديم الرواتب
الشعب متعود على كل شئ ومستعد حق العيد بتقديم الرواتب او اخروه انت وجماعتك النواب الكرام
طالبوا بمكرمة من الملك بعيدة العيد حق الشعب الفقير والمسكين عرفت ياحجي فيروز وشكرا