متقاعد

هذا البنك العين يقص دينار من احسابي اذا نقص عن عشرين دينار مع العلم اني متقاعد وماينطبق على القرار كلمتهم كم مره بس لا حياه لمن تنادي

كل واحد يبي يطلع فيها .

اللي يقول الديره كلها مساجد ههههههههههه.
روحوا الفنادق وشوفو الخراب بكبره بس طبعا التصريح موجود.اللحين البنوك طالعين بسالفه الرسائل المخله ههههههههه يعني ابي اعرف هالرسائل تخرب الموظف او الموظف بيخرب الناس؟
وطبعا العذر احنا دوله اسلاميه دوله اسلاميه في البنوك ودوله غير اسلاميه في باقي الدوله؟والله حرام تخسرون اقلامكم يا جريده الوسط وتطبعون مثل هالمقالات عن ناس فاضيه.

مسكين يالبحريني

مسكين يالبحريني محد حاس فيك الله يعينكم وهذي انتو احسن بنك في الارباح!!!

اسلوب غير حضاري

اسلوب التربص للموظفين غير حضاري وطريقه العلاج ماساه توثر علي سمعه الموظفين والبنك هذي الشغله تصير في كل مكان والحل يكون في حظر الاستلام مو في تخريب سمعه الناس

الرزق علي الله يالبان

تاكد ان الله موجود واكيد بياخذ الحق منك

رد علي الموظف السابق في الاهلي

شنو ذنبك وانت تستلم الايميلات ؟ احنا استلمنا بدون مانطرش وحصلنا انذارات يعني لو كنت للحين في البنك كان حصلت انذار معانا ..( ها للحين مصر انه من المدراء العالمين ؟)

الا بحرينين عااااااااااااااااااادي ( حق الدوس )

عادي هذا حال البحريني !!!!!! للحين ماتعودتو علي الدوس ؟؟؟؟؟؟ (اللبان ) اتخذ هلقرار وبهل اسلوب لانه متاكد ان محد بيحاسبه .........( الا بحرينيين) :( بس خل يتاكد ان الله موجود

يا ( لبان ) هكذا تحل الامور ؟؟؟؟؟؟؟؟؟؟؟؟؟؟؟

ياجماعه احنا موب معترضين علي العقاب كل الاعتراض علي الاسلوب (الرخيص) بنات يحضرونهم جدام الكل للتحقيق والرملاء (الاولاد) واقفين يتصيدون الفريسه ....لو قلنا ان الموظفين اغلطو هل هذا الاسلوب الصح في حل المشكله؟؟؟ سوال للسيد ( اللبان ) لو لك بنت وغلطت ؟؟؟؟ بتعالج غلطتها بلفضيحه؟؟؟؟؟؟؟؟؟ انا وحده من الموظفات ( والله العظيم ) مظلومه في السالفه والحين اعاني من الابتزاز من بعض الاشخاص المجهولين بسبب سياسه ( السيد اللبان) اصحي ياضمير ( الله ياخذ الحق ) اذا تعرفون الله

زين يسوي فيكم

بعض الموضفين قليلين ادب بدال الشغل يلعبون ويتسلون بالوقت ويرسلون اشياء قليله ادب زين سوا فيكم وياريت يحاسب كل اللي سولت له نفسه انه يخفف دمه بهالطريقه

موظف سابق في الاهلي

عادل اللبان هو من افضل الاداريين العالميين وانا لو كنت في مكانة لاخذت نفس الموقف .فأنا مللت من الايميلات التي يرسلونها لي زملائي القدامى بالبنك وإنها عااااااار حتى اني احذف بعضها قبل الفتح

حجه في حاجه

عظم الله اجركم يا موظفين وموظفات البنك الاهلي. انتون صدق اللي سويتونه غلط لكن الادارة كانت تبي عليكم حجه عشان الزيادات السنوية والمكافاة اللي يعطونكم اياها كل سنة.

مو جديد

البنك الأهلي من زمان يتبع سياسة التطفيش ويا موظفيه
استغرب منهم صراحة بنك بهالمستوى وبهالقدر من الارباح ولا موظف وياهم مرتاح لا المدير ولا الكستمر سيرفس
شققققققد اعرف موظفين طلعوا منه كله بسبب عدم التقدير
بالاخير بصير بنك الهنود بتشوفون

دائما نزعل من الحق

لعلم الجميع أن الأيميلات التي تداولت بين الموظفين في البنك لاترقى ومستاهما الوظيفي والأجتماعي، وأنصح النقابة بالتدقيق في الموضوع قبل التشهير فيه، أنا رأيت بعض هذه الأيميلات واستغفر ربي أنني رأيتها. ماقامت به أدارة البنك هو أقل من المفروض أن تعمله، وللعلم رسائل الأنذار أرسلت فقط للذين يرسولوم ويستقبلون هذه الأيميلات باستمرار دون حياء.

يا أخي يا

زائر بحرني , هذا ليس عين صواب أنت موخطأ , أذا كانو لموظفين مخطئين فمثلا هذا لخطأ لا يستحق أندار نهائي ,لاكن عملية تسريح لمواطنين أصبحت موضه بسبب ضعف وزارة لعمل في أتخاذ قرارات حازمه وشكرا

عندما ( يبدع ) المسؤول

عندما تكون هناك مشكلة و يطلب من شخص حلها البعض يفكر بالاسلوب التقليدي و البعض الاخر يفكر بطريقة مبتكرة و ابداعية . مسؤول هذا البنك كانت امامه مشكلة وهي : كيف يمكن تقليص المكافآت و الترقيات و الموظفين اذا امكن وذلك لزيادة الارباح ؟ , هذا المسؤول سمع عن التفكير الابداعي ففكر بطريقة اعتقد هو انها ( ابداعية ) واتخذ هذا الاجراء , ولكن شتان بين ان ( تبدع ) و ( تبتدع ) .

بل بل بل

المداخلة المعنونة ب"بل بل بل" واحدة من السلبيات العكسية لمثل هذا التهور الإداري والعشوائية في حل الأمور في المؤسسات المصرفية، لست بصدد التهجم أو الدفاع عن أحد ولكن خروج الموضوع إلى الرأي العام مشكلة يجب الوقوف عليها وحلها بسرعة

عجمي وافتخر

الصراحه اللي يسويه مسرحية من مسرحيات الشركات الكبرى للحد من المصروفات والخسائر من بونس وترقيات ويا بحراني خلك محل الجماعه اذا جاك ايميل وانت ما اتعرف شنو فيه وفتحته وصادوك على انك مذنب وليس متهم شنو راح يكون ردك ( ياللي خايف على اذهان المواطنين ذيج الحزه ما راح اتخاف الا على مستقبلك يا فهيم )

بحراني

الصراحة اللي يسويه المدير اللبان هو عين الصواب اذ ان الرسائل المخلة بالاداب تنتشر خارج البنك وعليها توقيع البنك وهذا ما يشوه صورة البنك وسمعته في اذهان المواطنين

بل بل بل

السلام عليكم
بل بل بل
توني بفتح احساب في البنك الأهلي
أي أمبله أفتح عندهم وأوضاعهم جذي