الى سعادة الوزير ؟

سبب المشلكه بان المدرسين يطلعون من المدرسه قبل الطلبه و الكل شاهد على هذا الانحراف الوظيفى فى المدارس ؟

حسبي الله ونعم الوكيل

لا تعبون نفسكم يا جماعة الخير الوزير قال لكن مثل ما مات ولدي قبل شهرين في مدرسة بدر الكبرى وكان بسبب اهمال المدرسه الي تركت ولدي يلعب في الفرصه لما طاح ومات وشنو قالو مات بسبب مرض قلبي ما قالو الحقيقه حسبي الله ونعم الوكيل الوزير صرح وقال هذا الكلام عشان يغطون على الموضوع اصلا كلهم ما عندهم ضمير ويغطون على بعض لكن ان شاء في عيالهم يارب عشان يحسون واقول حق اهل البنت لاتسكتون عن حق بنتكم والحمد الله ان ما صار لها شي

الزلاق

بعد أمبا أذكركم بالمدير المساعد في الزلاق اللي ذبح عيالنا من دار كليب اسألوا عنو ترى كلا يطق عيالنا ويأذيهم

الله يرحم سيد جعفر

هالسالفةذكرتني بالجاهل سيد جعفر الي نسوه نايم في الباص ..

:s

بصراحة المدرسين والاشراف يتعبون وهذي مو وظيفتهم يروحون يدورون الطلاب في الصفوف يخلون ويش ويروحون لويش ! مشكلة الطالبة مفهيه

إليس الصبح بقريب

خب كلشي على المعلى كلشي على المدرس هذه ليس مهمت المدرس صراحة المدرس بعلم بأذب بيتحمل 34 طالب في الصف الواحد وبعد أولياء الأومور كلشي يبونه من المدرس يبون أبنهم يطلع على القمر من المدرس وهم يتفرجون . وكلشي يصيب المدرس هو المسؤال يسقط الوزير إين هو ليش ما يقول نسوي حل إلى هذا المدرس اللي تكسر في جسمة .
لكن .... يا وزير ... ويا وزارة الخايسة ما أقول
إلا المشتكا لله

اقتراح استبدال المرشدات بمرشدين رجال

لأنهم أساس المشاكل في المدارس لايستطيعون حل أتفه الأسباب نسمع كثيرا عن مصائب مدارس البنين تحت إشراف البنات اخرطي في اخرطي وينك يا وزير البطيخ

آلصرآحة

آلصرآحة ولحد يزعل آلخطآ من آلمعلمة نفسهآ وش هلآهمآل آللي فيهآ لهدرجة يعني مستعجلة على روحة آلبيت؟ آلمفروض يعني آذآ كآنوآ خآيفين على صفهم لآ يبوقوه آو شي يعطون كل معلمة مفتاح تتاكد ان كل الطالبات طلعوا من الصف وبعدين تقفل الباب ولين جت عاملة التنظيف تفتح الصف وتنظفه .. آلله يهديكم بس آشتغلوآ بضمير ترى آنتون محآسبين يوم آلقيآمة آزيد من محآسبكم هني .. ومسآمحة

وين المسئولين؟

الحمد لله على سلامتها .. احنا في مدرستنا المشرفات الاداريات والمشرفة الاجتماعية مسئولين عن خلو المدرسة من التلميذات والتفتيش في كل أنحاء المدرسة لدرجة أن بعضعن يبقى الى 2 ونصف أو أكثر حتى ذهاب آخر تلميذة لبيتها .. الله يعين اللي يطيع في راسه القضية .. لكن وزارة التربية تحاسب على شي وشي..

ستــ نور العين ــرة

الحمد لله على سلامه الطفلة والمفروض من آخر مدرسة تتواجدفي الصف بأن تتأخر في خروجها بحيث تتأكد من خروج جميع الطلبة وبعدها العاملة هناك تتأكد قبل اغلاق الصف والأطفال امانة عندكم يا جماعة بعد اهلهم والله يبعد الشر عن الجميع

اعرف الموضوع باختصار

اللي قفل الباب العاملة البنغالية وكان وقت تبديل نوبة الحراس وحارس نوبة نهار حارس بديل احتياط وبعد الدوام مادخل خشية ان تكون مدرسة بدون حجاب وكان لازال فيه مدرسات بس في الغرف وحضر اهل البنت يسئلون الحارس فأخبرهم انه الآن وصل ولا يدري ان كانت داخل أو لا فدخلوا وشافوا البنت في الصف تصيح والباب مقفل فقام الحارس بأبلاغ العاملة البنغالية التي في اعتقادي هي المسؤولة الأولى عن هذا الخطأ ونتمنى أن تكون الطفلة بخير ونتمنا من العاملين في المدارس الأهتمام أكثر خصوصا في فلذات أكبادنا ودمتم سالمين

شكلها بنت هوامير لو بنت فقارة جان محد درى عنها

والي قفلت الصف ماشافتها ؟ وين كانت لبنية ديك الحزة ..

معلمة إبتدائي

هذي موشغل المعلمة هذي شغل المشرفات الإداريات والأجتماعيات اللي عليهم أنهم يدورون على الصفوف بعد أنتهاء الدوام الدرسي والتأكد من خلوها .. تدرون أنه بعيني يومياً آشوف المشرفات يطلعون قبل ما يطق الجرس وفي ناس توقع عنهم في الكمبيوتر وين الألتزام وكل ذي وبعد يحاسبون المعلمين ويحطون المشاكل عليهم .. على فكرة مدرستنا لاعت جبد الوزارة من كثر ما تيي تبي تحل مشكلة المشرفات الأداريات اللي كل مشاكل المدرسة من وراهم لكن ما في فايدة ينقلون المعلمات ويخلونهم أهمه .. لكم الواحد شيقول حسبي الله ونعم الوكيل

مرشد اجتماعي

بسكم على المرشدين سنين مظلومين لايحق ليهم يصيرون مدراء مساعدين,مكروفين بكل شي,هو يعالج الطلبة,ويحل مشاكلهم وكذاب اللي يقول مايحل اللهم الاالعيارمنهم,يقابل الف زاته كل يوم, بعضهم حتى مشاكل معلمين وطلبة يوفق بينها, مجلس آباء,مجلس طلبة,معونةشتاء,تطعيمات,لجان خاصة,حالات خاصة,وغيرهابلاوي وتبغونه يظل ل3عنبومكينه؟!!صدق ناس ماتحس,لكن الشاهدالله مو انتون, وهالخطأواردوالمحاسب اللي قفل الصف فلاتكبرونهاواماالوزيرفلايطلع فيهاقضاياشكثرمايدري عنهااويتعامى لاتفكرونه كلش اللي تتشكرون فيه, بس تعاتبون وبس

لاتظلمون المعلمة

انا ولية أمر تلميذة وآخذ ابنتي يوميا من داخل مدرستها وأرى المعلمات وقد رتبن التلميذات طابور استعدادا للانصراف, فلربما هذه الصغيرة رجعت لصفها ناسية شئ ما, والله أعلم

رسالة الى رأس هرم الوزارة

اذا نسى هؤلاء الطفلة في الصف ولمرة واحدة فأنت قد نسيت المعلمين وحقوقهم من زمان، صحيح أن هناك تقصير لكنك تتعمد استغلال التقصير لاظهار سطوتك على موظفي الوزارة وأنك مراقب لهم وأنك متابع لكل صغيرة وكبيرة ولكن اذا اتت مطالبة المعلمين بحقوقهم بالدرجة الاستثنائية والبعثات والكادر لا نسمع لك أي صوت وأي رد وكأنك غير موجود أصلا، نتمنى لو ساويتنا مع الطلاب على الأقل في الاستماع للشكاوي

معلم كحيان

أن مدرس للصفوف الموت البطيئ ( المرحلة الاولى ) هذا الاهمال من كثرة الاشغال في المدارس والله ثم والله الوزارة ماتدري ماذا تعمل والادارة تريد نفيد كل شيئ حتى تركب المدرس داير راسه من الاوراق والتصحيح والعمل الله يعينه وبعدين الغلطان العامل الفقير والمدرس الكحيان ...الحمد لله على السلامة والله يعين ال بيلصقون فيه التهمة

أين الأشراف في المدرسة

مهمة الأشراف الأجتماعي بس أخذ تأخر وغياب الطلبة دون إيجاد حل لمشاكل الطلبة لأنهم غير مهيئين حل مثل هذه المشاكل

يا الله

يعني حتى في المدارس ما بنطمئن على اولادنا ، لازم قرار فوري لاخلاء الصفوف والمباني حتى الحمامات والتأكد من خلوها ، مواضيع كثيرة وكبيرة لازم تحلها الوزارة داخل المدارس وخاصة مارس البنين

هههه

ههههه اشله اللي قفل الصف فيه عمة الوان ما يجوف عدل ولا مسويين فيهة الدقة على قولت بعض الناس ولا منخشة تحت الطاولة جنهة قطوة ما يندرة هههههههههه

معلم متحلطم

ليس من مهمات المعلم/المعلمة التأكد من خلو الصف من الطلبة بعد انتهاء الدواء الرسمي، وإنما هي من مهمات الإدارة/المشرفين/عمال النظافة ... ما باقي إلا تعطون هالمعلم المسكين (مخمة) وتقولون ليه: نظف الصف... مع أنها صارت

حرام

وش ذنب هالصغيرة ! أنا مدرس ولكن أشهد بأن هناك كثير من المدرسين مقصيرين في أعمالهم. وتقصير مثل هذا مشكل أمره. إشلون الي قفل الصف ما أتأكد من خلوه. يجب محاسبة المسؤول محاسبة شديدة. هؤلاء يستحقون التوقيف مو ....بس اللي يقدرون عليه.

حرام

الله يساعد اهلها والله زين ما راحت فيها الفقيرة اهم شي البنت ما فيها شي والحمد لله على سلامتها. وين رقابة وزارة التربية والله الطلاب مظلومين من الباصات والمدارس الله يساعد اولياء الأمور والله الأول في حزم اكثر والحارس مفتح عيونه الحين زين اذا شفتونه واقف وحتى المديرة الاول آخر وحده والمشرفه بعد يطلعون بعد ما يتاكدون وكانوا شديدين الحين الوضع غير.

غريبة

اشمعنة الوزير يوصله الخبر في نفس اليوم و يفزع بعد الدوام و يستدعون ادارة المدرسه من الفراش الى المديره و اهلها في نفس اليوم العصر؟؟؟؟؟؟؟, و احنة اولادنة قاسيين المر من هذه الادارات و لاحد سائل , و مساكين العاطلين الي كل يوم يعتصمون على باب الوزارة يبغون يقابلون الوزير صارلهم سنه و عمك اصمخ , وشمعنة هذا الطالبه الكل هب علشانهه

أولياء أمور مدرسة سند يناشدون الوزير

بحل مشكلة العنف لدى الطلبة وخصوصا بعد مشاهدتهم امس ضرب احد الطلبة لمعلمة بالكرسي و وخلع حذاءه ليواصل ضربه من أمن العقوبه اساء الأدب

التلاميذ امانة في ايديكم

وين معلمة الصف الا يجب على المعلمة ان تخرج من الصف بعد خروج جميع الطالبات ثم اين دور الادارة والمشرفة الادارة و الاجتماعية الايجب على المشرفات التاكد من الصفوف ولكن مايحصل ان المعلمات والمعلمين هم اول من يخرج من الصف قبل الطلاب وكذلك المشرفين الاداريين والاجتماعيين هم من يغادر المدرسة قبل التلاميذ الا يجب عليهم مغادرة المدرسة بعد التأكد من خروج جميع التلاميذ نتمنى ان تركز الوزارة على ذلك حفاظا على سلامة ابناءنا

عبد الحسين عيد بسيرة

وصول الخبر في نفس اليوم إلى الوزير يعني أنه يتابع عن كثب كل ما يصل إليه بل ويتابع إجراء التحقيق فيه حتى النهاية تحية كبيرة لهذا الرجل الدكتور ماجد النعيمي فلم أرى يوما أو أسمع أن أحد الوزراء باغت أحد القطاعات المسئول عنها سوى هذا الوزير والحق يقال أن هذا الوزير ضرب عدة أمثلة رائعة في جوانب عدة كونه وزيرا وليكن قدوة لزملاءه الوزراء . الدكتور ماجد شكر لك

ويلاه

اننا نخاف ان يغلق باب دورة المياه على ابنائنا بسبب عدم صلاحية الابواب
واما ان يغلق صف فهذه قويه

اهمال في اهمال

لازم كل فصل دراسي تتكرر هالقصة

والله اهمال

نطالب بمحاسبة المسؤلين ..

سؤال بعيد شوي عن القضية

( وجه وفي اليوم نفسه وعلى رغم انتهاء الدوام الرسمي إلى التحقيق الفوري في هذا التقصير المرفوض، واستدعاء المعنيين بالمدرسة إلى مبنى الوزارة بمدينة عيسى، واستمر معهم التحقيق إلى مساء أمس ) ................. الموظفين الذين حضروا سواء محققين او محقق معهم والذين حضروا بعد الدوام الرسمي هل سيتم دفع اجر ساعات اضافية لهم ؟

لا حول الله

ناس كلش ماعندها مسؤليه الحين فرضا صاد الجاهله شي من الخوف
يلا الحمدالله على سلامتهاا

المطالبة ببدل مخاطرة عمل

يجب على المعلمات في مدارس البنين المطالبة ببدل مخاطرة عمل و ليس بالكادر

اولياء الامور تناشد الوزير بلتحقيق في قضية العنف

في مدرسة سند بنين بعد يأس اولياء الامور من حل المشكلة مع ادارة المدرسة و الاشراف وخصوصا بعد سماعنا و مشاهدة ابنائنا تعرض معلمة بالضرب بلكرسي و مطاردتها بالحذاء من قبل طالب لان لايوجد رادع لهؤلاء الطلبة و تجاوزاتهم .