خَلَفْ مِنْ راح وُخَلُوْنِي بَعَدْهُمْ

بَلاوِي هَاالْزِمَنْ وِالْبِيْنْ بَعَدْهُمْ

بَعَدْهُمْ فِي وُسُطْ يُوْفِي بَعَدْهُمْ

يا يُمَّهْ يا خَلَفْ مِنْ راح لِيِّهْ

***

يا كِلْ عُمْرِي وُوِجْدانِي وُلِفّادْ

يـا شِيْرَةْ حُبْ بِلْسانِي وُلِفّادْ

فِي قَلْبِي إِنْتِي يا يُمَّهْ وِلِفْ فادْ

يِعادِلْ كِلْ واْحِدْ فِي اْلْبَرِيِّهْ

***

وُقايِهْ إِنْتِي لِي يُمَّهْ وُقايِهْ

يا يُمَّهْ إرْضاجْ لِي مَطْلَبْ وُغايِهْ

سِبَبْ مَنْجايْ مِنْ نارٍ لَغايِهْ

بِرَحْمَةْ رَبي عَلامْ اِلْخَفِيِّهْ

***

مالِي يا خَلَفْ مِنْ راحْ مالِي

غِيْرَجْ يا بَعَدْ عُمْرِي وُمالِي

لِي خانْ اِلْحَظْ بِي وُاْلْوَقْتْ مالِي

يِخَفِفْ عِلِّتِي وِيْحِنْ عَلَيِّهْ

***

يِفِزْ اِلْقَلْبْ لَجْ وِيْحِنْ جَدْ مايْ

مِثِلْ عَطْشانْ في صَحْرَاءْ وِجَدْ مايْ

جَدْ ماجْ إِسْبُقَتْ يـا يُمَّهْ جَدْمايْ

لِفِعْلْ اِلْخِيْرْ وِاْلْعِيْشِـهْ اِلْهَنِيِّهْ

خليفة العيسى