تدريب السياقة فري قير اعتبارا 1 -1 - 2011

ارجوكم يا عالم سو تدريب السياقة فري قير للأن جميع السيارات متطورة حتى الهند بريك صار تحت ما عليك إلا تدوس برجلك اليسار فهل يعقل الى الأن نتدرب بالقير العادي في دولة الكويت التدريب فري قير ليش اوهما مو احسن منا يكفي انا صرنا مملكة

سيم سيم ,,^^

^^
انا بعد مثل حالك خوي،،
خلوني اكره القانون واحترام القانون،،
وبــكل صراحة ندمت كثيراً لاني احترم القانون،،
اول ساعة يقول لي روح خل احد يدربك بعدين تعال ..!!
ومن ثاني يوم بدلته..!!
يعني عدلة يا ادارة المرور الي يحترم القانون يهان من ادنى الناس،،
وين صارت هذي..!!
والي اخس من جذي يحسسونك انك غبي لانك كنت تحترم القوانين ..!!
لكن وين الي يحكمهم؟؟!
الله ينتقم من كل ظالم ..!!

مواطن مظلوم من مدرب سياقه

شباب باقول قصتي ويا مدربي السياقه
اول ما رحت وجا بيدربني
شافني ما افهم شي في السياقه لأني ولا مره تجرأت و جودت سكان من قبل
يعني بالأحرى انا رجال قانوني ما اسوق بدون ليسن
الا المدرب معصب و يصارخ عليي يقول ليي بلهجته ( انت شفيك يا لمدمق , ليش ما خليت ربعك يعلمونك , ياي لي وما تفهم شي كلش )
انا استغربت اقول عجل انت ويش شغلتك
بس تبي تنهب بيزات على خرطي
وقفت على جنب عقبها و بدلت المدرب يوم ثاني

طلب من ادارة المرور ..

انا اطالب بمكاتب مربين اخلاقيين لمدربين السياقة،،
بكل صراحة الكثير منهم يحتاج الى تربية لان درجة الوقاحة وصلت لمستوى لا يطاق،،
الله ينزع البركة من اموالهم الحرام الي ياخذونها من افواه الناس،،
الله ينتقم من كل ظالم،،

با إدارة المرور

هاذلين جمبازية وما عليج منهم. رصّيهم رص يا إدارة المرور مثل ما قاعدين إيرصّون المتدربين المساكين ويستغلون حاجتهم.

الوصطات في البحرين

واصطات كل مكان حتى لو بتشتغل فراش هده مو ديرة لعبة ما في قوانين عدة وصارمة

مواطن بحريني

سنتين وانا ورا هلمدربين الجشعين لمين ما مزقت الكجة ورميتها في الزبالة وأنا حالياً أمشي بدون رخصة قيادة والله أنكم جشعين وزارة مرور كلها اجانب ومدربين مغرورين

لابد من التكاتف

عشان يوصل صوتكم للمرورو ولجمعية المدربين ..
لازم تتكاتفون وتسوون جمعية مناهضة للمدربين ههههههههههه
يمكن أحد يحس بمعاناتكم.
اييييييييه من قدهم الساعة بخمسة دينار .. صاروا مليونيريه وتكبرووووا على الشباب اللي يطمح لليسن.

حراااااااااااااااام عليكم يا ادرارة

انا صار الي 3 سنين عندي الكجة وادور مدرب اللي يوعدك ولايجي واللي مايقدريواصل معاك واللي يدربك على ساعات متباعدة ولا تقدر تفهم شي واهو يسحب منك فلوس وانت تتعب وانت تبي اتركز اشوي ما تقدرالى متى يا ادارة تعبنا احنا محتاجين ضروف الحياة مو راحمتنا وانتو مزيدينها علينا يالله شوفو حل سو شركة وغيرو نظام التدريب الى فري قير(اتومتيك)يعني مو حالة هذه قضية احنا قاعدين انعيشها بس ايادينا مكتوفة مو قادرينانسوي شي قلناواشتكينا وتعبنا والادارة ولا على بالهايقولون احنادولة تواكب التطور واحنا ليسن موقادرين انيبه

أين العدل؟؟

العدل ان يتم انشاء شركة خاصة تعنى بالتدريب حتى لا يسرق الطلبة من قبل المدربين ولا يجلس الطالب 3 الى 4 سنوات مجددا للكجة فقط دون ان يتدرب فالمدربون كما هو معلوم يفضلون الأجنبي على المواطن ويجعلون المواطن معلق فلا يعطونه كلمة وموعد محدد للتدريب

طلب من إدارة المرور

أنتوا تعبتوا تدورون مدربين وأنا تعبت ابي أصير مدربة وكل مرة يقولون الطلبات موقفة ألحين والناس تنتظر بالسنتين وال3 معقولة يعني

تعبت حدي من السياقه

اصبح همي الاكبر ماذا افعل في ظل تعجلاف المدربيت وتعاليهم على الناس هم وضيق وعوار راس التعامل معاهم يبغون الواحد اللي يجيهم عارف كلش ما يبغون يتعبون روحهم ويشرطون بعد يدربو اتراين فقط لين رسب الو احد مايبغونه يقولون دور غيرك

نقطة مهمة

للأسف تدريب السياقة يعطي الواحد بس رخصة سياقة في حين أنه ما يأهله إلى السياقة في شوارع البحرين
عشان جذي تشوفون الحوادث زايدة

مشكلة الحصول على مدرب

والله تعبت من كثر ما أدور على مدرب كلهم يقولون ما نقدر جداولنا مشحونه حدها ويش أسوي؟وشنو الحل؟ حتى طلبت من مدرب من العائله وولده بعد مدرب إن يدربوني ورفضوا ، واتصلت في المرور في العريف (فتحي) وخبرته عن مشكلتي وبعد وعدني ان يدور لي مدرب وفعلاً حدني على مدرب وما فيه فائده والحين رخصة التدريب انتهت وأخذت أكثر من سنه من انتهت ، عطوني حل ويش الحل لمشكلتي لأني يأست. وأقترح لو يسوون التدريب خصخصة أفضل إذا فيه حل لمشكلة التدريب.

يا جمعية المدربين

أول شغلة راقبوا المدربين وتأكدوا انهم يؤدوون واجبهم بشكل صحيح وبعدين طالبوا ليهم ..
انا ما ادرب الا شركات . انا ما ادرب بنات . انا ما ادرب صبيان . انا ما ادرب الا واحد عنده شوية خبره ههههه هذا قتلني من الضحك على باله طالبة وظيفة . انا ما عندي مجال الا بعد سنة . انا ما اقدر ادرب تعبت مريض. انا ما اقدر لالا اوكي بتصل بعد اسبوعين ههه وبعدين لا حس ولا خبر .
لا عندهم ضمير ولا حس مسؤولية .. الله يعيين ما ادري لمتى بنظل كأننا نطر الليسن.

ابغي مدرب

تعبت الانتظار ويش اسوي

اندور مدرب ولا محصلين؟

8 شهور اندور مدرب لبنتي مو حصلين هذه حالة ؟ متى صارت هلخراطة ! شغلوا مدربين زيادة كا عاطلين وايد

هههه مصخرة هالمدربين لو تدرون بس

هالمدربين اولا مايدربون بحرينين بس الاجانب ليش لان ياخدون منهم اضعاف المبلغ وكلامي موب من عندي ...يجب جلب شركة لهم مافي الا هلحل مو اي شركة نبي بحرينية مو اسيوية

عسولة الشيخ

على فكرة لو منكم مانفذت طلبات هالمدربين .. لانهم مايستحقون هالشي
لاني صارلي 3 سنوات ماعندي ليسن بسبتهم
مالت عليهم كلهم مابي اتدرب

متى سأتدرب ظروفي صعبة

أنا والدة معاق أحتاج السيارة لنقله ومراجعة الأطباء وتعبت من البحث عن مدرب أو مدربة سياقة و بعد أشهر تنتهي رخصة التدريب ، ما هو الحل؟ لماذا أزمة المدربين؟ نريد مكاتب ونتعامل بأولوية التسجيل ، نسأل الله الفرج.

الله لايسامحكم يامدربين

المدربين الحين استغلاليين بشكل مو طبيعي، ياليت يخصخصون التدريب، ويخلون شركات الي تتعامل مع التدريب، أخويي سنتين عنده رخصة التدريب وللحين ماحصل الليسن، تدرب عند مدربين، الاول دربه من اول محاضرة قال ليه ما اقدر اواصل معاك، لان انت ماتمشي من قبل، يقول انه يدرب فقط الي يمشون من قبل>ليش ياخذ فلوس اذا يبغي واحد جاهز؟والثاني دربه فترة بسيطة ونفس السالفة، قال ليه دور ليك واحد ثاني، والحين هو معلق ومو محصل مدرب. بس الي بيصير انه بيمشي بدون ليسن، الواحد مايمشي في هالديرة الا بمخالفة القانون.

طب لادارة امرور

متة بتسون تدريب سياقة اوتوماتيك

طلب من الوسط

طلب من صحيفة الوسط تروح وتصور المهازل في مدرسة السياقة ، حرام شباب يقعد له سنتين ونص يدور مدرب سياقة !