للحب/ للأشواق لقلوب هالناس

للطيب/ واحساس المحبه أغاني

للدار واهل الدار يفتل قرطاس

وتصير أجمل أغنيه في زماني

من ناي شاعر يعزف الشعر باحساس

ويهيض المركب ويشجي المواني

من قلب ما يعرف أبد كلمة الياس

ومن جيتها كن الفرح ما نساني

يا دانة البحار يا عقد الالماس

يا لي تغيض بضحكها هلاغواني

يا تحفة العشاق يا أعذب من انفاس

عذرى ايتلعثم لي طراها لساني

يا مملكة حب وأماني وهوجاس

الشعر قبل اسمك شربني وضماني

في صدر شاعرك الشجر ينتظر فاس

من شان يحطب هالغلا في كياني

يا مملكه ويحيط اسمك باقواس

لانك على الأوراق غير المعاني

عطشان يالبحرين عطشان الاحساس

ودي اضمك واشربك لو مداني

بعيش لك عمرين من غير مقياس

وان ما كفاني جبت لي عمر ثاني

قومي فديتك واضحكي جعل هالراس

ينام في حضنك وقولي حناني

يزرع بوجهك شوق ويبعثر الياس

واقول ضميني واردد عشاني

ويتقلب بوسط المحاجر هالانعاس

وانام في حجرك بعشق الاناني

واناغي الفرحه على صدر كراس

واتخيلك في غرفتي وفي مكاني

عيدك غلا/ حب/ ومحبه ونوماس

فرح ايتراقص من غناه المباني

في عيدك الفرحه مثل فرح الاعراس

ننثر عبير الورد ضحك واماني

للحب/ للأشواق لقلوب هالناس

للطيب/ واحساس المحبه أغاني

من ناي شاعر يعزف الشعر باحساس

جيت ابحر بشوقي وابيك المواني