كفو هي ما لها الا واحد مثلك شديد الباس الى ضاقت على الحر الكريم وخانت ظروفه كفو من أول حدود الأمل لآخر حدود الياس ولا به ياس دام انك هناك ولك بها شوفه أبو نواف . . أبو كل النوايف رافعات الراس

ولد عبدالعزيز اللي حياته كانت حتوفه

طلال وقبل أحدر حاجتي يرقا لها قرناس

كثر عرفه بجهلي شفت أنا جهله بمعروفه

جلس مثل الرضا في قلب من صلى العشا بنعاس

وقف مثل العفو هو .. فيه مثله ساعة وقوفه؟

عزيز في الحياه ليا صمد ما كن فيه احساس

ذليل في الصلاه اليا سجد ما قام من خوفه

كريم والله انه يستحي من ردت الأنفاس

الى منه عطاها للهبوب وردت لجوفه

وش أكتب يالقلم يالمحبره يالليل يالقرطاس؟

تعزبت المعاني ... والمعاني كانت ضيوفه

كفو ما هي كفو اللي صارت لحي الله من الناس

كفو للي كفو لو كملوها صارت كفو...فه