رسالة من قلوب الناس لأم الناس معها إجلال

رساله حبرها دم القلوب وكلها تعبير

رساله كلها حب وحنان وللجبال نحال

من الناصح من المخلص تحيه للجميل تسير

أنا واحد من أحفادك من عيالك صدق لي قال

يهون الكل في عينه ولا هنتي ولك تقدير

أنا واحد من أجدادك من إخوانك وأب وخال

يبيع الروح والعالم ولا يجتاحك التحقير

أنا ما أنسى جميلك وأنتي اللي تصنعين أجيال

أمانه سقتها بين الجموع وللكبير تشير

تسامحني مع كل القلوب ولا رميتي شال

حضنتي دينك الطاهر ولا طعتي هوى شرير

عفاف وطهر في معنى كبير يلطم الضلال

ملكني قلب من صانك ولو إنه عليك يغير

رقيتي في عيون الناس قمه تتعب المحتال

تعاملتي مع الهجمه تعامل يتعب التفكير

وأظن الكافر الفاجر يعيش الهم والولوال

من حجابك من خمارك يزيد الحرب والتنفير

دعيتك شوفي الهاجوس والتعذيب والغربال

يبونك تتركين الستر من شان الهوى تبرير

أمانه قولي إنك تتبعين الدين في كل حال

وقولي قول للفاجر يكف الكذب والتزوير

ألا لو تسمعين اللي يبي يتبع سراب اللال

كلام ينقذ اللي عايش بالوهم والتخدير

أبي يسمع كلام الحق يفهم ما عناه البال

إذا حانت منيته لا يفكر ينعطى تأخير

ترى من تابع التشريع عاف الغوص في الأوحال

ومن تابع هوى المفسد يشوف الويل والتكدير

ألا لو يفهم الجاهل خطاب الشرع بالأحوال

رقى فوق النجوم ويرفع الأصوات بالتكبير

ألا يا عمتي يا خالتي يا زوجة الرجال

وألا يا طفلتي يا بنت عمي سمعي التحذير

ترى من صان نفسه حقق المطلوب والآمال

رسالة سقتها والنور ما يحتاج له تنوير