صحيح الورد ما يقوى على فصل الخريف يهيف

يناديني هواك الحين بعد ما جفت عروقه

ورود الحب ما تنبت على صحرى جراح الريف

ولو أشواقي بعيونه كفاني في الهوى بوقه

ذبحني بردك القاسي على ريح الشتا يا كيف

تغطي حبنا واليوم تريد الحب وشروقه

جمود الثلج في قلبك خذاني والعذاب مخيف

سرابي في غيوم الجو وسالت دمعتي فوقه

وهم زايف سراب اخضر بفصل من فصول الصيف

طوتني بالظما سيرة رسالة عشق محروقه

انا اشتاق لك وادري هواك انته سراب وطيف

حبيبي كلمة كانت شفى قلبي على ذوقه

ربيع ما حمل ورده خضار من السعف والليف

نخيل الصبر يتفتح إذا أرويه من شوقه

صبرت ووش يفيد الصبر إذا كان الزمن كالسيف

أسير شلون يتحرر إذا صار العنا طوقه

فصل خامس يجي هجرك أصول الزيف والتحريف

جذبني للعشق همسك ولون الغيم وبروقه

ذبل وردك قسى بردك وتاهت خطوتي بالصيف

ربيعك للصبر ينبت رسايل عشق محروقه