جمر الخيانه حرقته تقتل الروح

يزيد نار النار جمر الخيانه

طعنه تسدد رمحها هم وجروح

في داخل اللي كان وافي زمانه

الموت كل الموت لاصرت مذبوح

من يد خاين فيك مروي حنانه

ليت الاسى ينفع واجي فيه واروح

بدموع قلب غررته الميانه

شاف العطا كذبه على كف مفتوح

وشاف الوفا خدعة زمان ولعانه

شاف المطر غيمه بلا غيث وافروح

وشاف الضيا ظلمة غريق ومهانه

شفك وشافك خاين مالك صروح

تهاوت بقلبي نوايا مكانه

إن خنت خنت اللي بداخلك والروح

وأنا وفية نفس ما ارضى الاهانه