"رد على قصيدة الشاعر محمد بن جاعد الظفيري"

يا محمد الجاعد تكرمت وأسهمت

في وصف وضع فيه ناس جفوله

لوك ضربت الحي بالسيف وأجرمت

شفت الرجوله في بعضنا ملوله

وش عاد لو دار الكلام وتأزمت

النفس فيني ما تذل بسهوله

من دنيتي يا خوي شفت وترنمت

بأن الرجوله غير معنى الفحوله

كل ما بغيت أقول علمي تلعثمت

إني أعالج ناس فينا ذلوله

من بعد هذا يا لزيمي تحلمت

حطيت غيظي للغدر في حموله

مثل الأسد هذاك شفني تكرمت

كرمت نفسي عن مواقف جهوله

أصبر على الآلام واللي تسلمت

ما همني غدر الليال وميوله

يا محمد الجاعد على النفس حرمت

ذل من الدنيا وناس امهبوله

واللي ضحك هذاك منه تفهمت

عند المواجه ما تشيله ارجوله

هاك الكلام وقول عني ترحمت

على زمان عاف معنى البطوله