لحدان ما فاد الحكي لو تكلمت

من يقتنع باللي نبيه ونقوله

ما للكلام اجدال في عالم الصمت

وما للرجوله غير فعل الرجوله

تعبت من كثر الألم لا تألمت

عجزت من ليل السهر زاد طوله

عانيت من قل الصحيح وتعلمت

ما كل رجال يغرك بزوله

دنياك لو فيها تكدرت ونظمت

وشفت المذله واضحه في أصوله

اصبر ترى بالصبر لا من تحكمت

توصل مناك اللي بعيد وصوله

صليت لله استخاره وسلمت

ناجيت من أرسل علينا رسوله

طاب الشعر يا سيد الشعر لا دمت

غيرك ترى ما همني في حلوله

انصف لي القاله معلم هل السمت

إن المواقف والمواقف خجوله

إليا متى يا حاسدي تضحك بشمت

وإليا متى تبقى الدموع مهموله

عز الكلام إليا انتهى حلمي ونمت

واللي بقالي بالقصيده بطوله