الجنون العاقل

وهمس الهديل فـْ شُرفة اللي يحبّون

تزرع بيادر وحدتك ناس... واحباب

وتقطف بوادر طيبتك جمر... وطعون

عبدالله الحارثي

الحسِن عمّه

على صوتك رقص طير الهوى بالصبح والاغلاس

ومن وصفك شرب وحي القصيد وطاب لي نظمه

هنيّا للقلم لى بك كتب والحبر والقرطاس

لقى حتى اكبر عيوبك يسمّيه الحسِن عمّه

أحمد المهيري

طيف ليلٍ

اختفى برق السحابه والمطر غيمه تجلّى

وارست قْنوفه على بعد النظر وابعَد خياله

هيه يا حلمٍ غمرني بالفرح والصبح ولّى

طيف ليلٍ ما يحقّق رغبة العاشق جداله

سالم وحيد

تهجيت الغمام

وجهك اللي من قريته، قلت: يا طول اغترابي

به تهجّيت الغمام اللي يتمتم به شتايا

ما اتّرفّق يا البياض اللي افترش وجهه كتابي

وين باخفي عطر (ليلى) لا انتخت خيلك وفايا

عوض بن حاسوم الكعبي

دم الهوى

والناس لو تدري وش اللي منك في روحي حصل

يوم انثنى لي غصنك الميّاس يا معشوقها

إن كان تعذرني لو ان الموت باسبابك نزل

بين الضلوع اللي جرى دم الهوى في عْروقها

الشريف منصور

أغلى الغنايم

الله على رقّته... الله على دمّه

أغلى الغنايم اذا غنّم لي علومه

أرتاح من راحته واهتم من همّه

واحزن على غيبته واسترّ بقدومه

سيف السعدي