على مدى أيام الشهر الفضيل سنكون معكم في زاوية تتناول بعض التصريحات الإعلامية الرياضية التي تخرج على صدر صفحات الملاحق الرياضية المحلية سواء من مسئولي الاتحادات الرياضية أو من أعضاء مجالس إدارات الأندية الوطنية أو من المدربين والإداريين واللاعبين المواطنين.
ولن يقتصر تناول التصريحات الإعلامية على الساحة المحلية فقط، بل سيمتد ليشمل التصريحات الخليجية والعربية والعالمية، ونتناولها بأسلوب ناقد الهدف منه توضيح بعض الملابسات والحقائق على أرض الواقع، مع الأخذ في الاعتبار وجود بعض القصور في العمل والمنهجية التي تسير بها الجهات الرياضية، مع التأكيد على احترام حرية الرأي وحق الشخصيات في التصريح بما يراه مناسبا من وجهة نظره، بالإضافة إلى احترام الجهات المعنية والتقدير لعملها وجهودها في الشأن الرياضي.
مدرب الحراس حمد الرويعي في تصريح مثير: الشرقي واثق الخطوة للعودة وأقول هاردلك يالملكاوي مقدما
على شنهو هاردلك يا كابتن، ترى أولاد المالكية ما بينسون هذا التصريح وراح يمسكونها عليك، ويش لك تصرح ضدهم، وعلى العموم المالكية بقى في الأولى وفريقك ظل في دوري الظل، وعلى فكرة يا رويعي ترى التصريح ما كان في وقته وما كان إليه تأثير سلبي على فريق المالكية والدليل نتيجة المباراتين.
جماهير الفارس تعزف ألحان أفراحها على أنغام تصريح الرويعي
خخخخخ ... جمهور المالكية ترى مجنون بحب ناديها ولاعبيها وفريقها، ونصيحة لك إياني وياك تقرب صوبهم مرة ثانية يالرويعي، بس الصراحة تصريحك مو عدل يوم قلت بتفوز على المالكية.
الشرقي لن يجدد للرويعي ... ويتجه للحارس الدوسري.
ليش عاد يا إدارة الرفاع الشرقي لا تقولون كله من التصريح مال المالكية، بس ويش دخل عبدالله سعد الحارس في الموضوع، وليش بتتعاقدون مع حارس الرفاع حمد الدوسري، يمكن فيه صفقة قاعدين تسوونها بتاخذون كم لاعب من الرفاع وبتعطونهم لاعب أو لاعبين مثل الموسم اللي راح، بس ليش ما جددتون مع الرويعي أكيد من التصريح السلبي اللي قاله قبل مباراتي المالكية.
الرويعي: سيناريو لقاء سترة والأهلي مُخطط له وبممثلين ومخرجين محترفين.
الرويعي التصريحات والتعامل مع الوسائل الإعلامية فن لا يجيده كل شخص، واتهاماتك كانت قوية وبدون دليل، لا ترمي أخطاءك على الآخرين علشان ما يجيك الرد قوي مثل ما قال موسى حبيب، واتهاماتك أساءت لنفسك، بس بسألك عرضوا الفلم لو بعده لو بخلونه للسنة الجاية.
الرويعي: رفضت اللعب مهاجما فطردني سيدكا من الملعب.
هذا التصريح من زمان وتحديدا يوم 25 أغسطس 2002، والرويعي يوضح فيه ليش طرده سيدكا من الملعب والمنتخب، والسالفة باختصار ان الرويعي رفض يلعب مهاجم في أحد التدريبات وقام سيدكا واستبعده، وهذا جزء من الانضباطية والالتزام اللي يحاول كل مدرب يفرضه على اللاعبين، بس بسألك حمد ليش ما لعبك حارس في التقسمية لأنك الحارس الثالث.
العدد 3961 - الخميس 11 يوليو 2013م الموافق 02 رمضان 1434هـ
ولد الرفاع
شبيك مع جماهير المالچيـة
جنيت على نفسك لاتبرز الدواء گبل الفلعة
أبنا فارس الغربية
يارويعي لاتحط رأسك أو رأس الفارس
سنذكر بالتصريح ألي گلته فبل المباراة لا ولن ننسى يا رويعي لا تحط روحك في هذه المواقف الصعبة
ماله داعي هذا النهج بتصير عداوات
بتكرهون الادارين في تصريحاا وبتخلون محد يصرح للصحف وحزتها ولابنشوف تصريحات حماسيه تشعل المباراة و للاسف هذا اعلامنا السئ الي مايتعلمون من الدول لمجاورة الي عندها سياسه الفن الاعلاميه اما اهني يكرهون الواحد انه صرح
وينك الرويعي
بل صدق جماهير المالكية لن ينسونك يا الرويعي وكل مرة تطلع فيها راح يذكرونك بالسقوط