بدأت الشابة فانيا أمس السبت (21 ديسمبر/ كانون الأول 2013) حملة بسيارتها للبحث عن منازل تأوي كلابا أليفة للتبني، حيث قامت بتعليق لافتة كبيرة على سيارتها بعد ايقافها بأحد الشوارع بمنطقة سار. وتقيم الشابة فانيا منذ مدة بالبحرين، والاهتمام بالحيوانات أحد اهتماماتها، وعادة ما تقوم باطعام الكلاب والقطط الضالة في البحرين، وقد قامت يوم أمس بالبدء في حملة للبحث عن من يريد تبني بعض الكلاب، وذلك بايقاف سيارتها أمام المارة.
العدد 4124 - السبت 21 ديسمبر 2013م الموافق 18 صفر 1435هـ
سيارتها لونها سوداء شفتها امس
صحيح كانت تبحث عن مأوى للكلاب الي عندها وكانت ترافقها بنت ثانيه وسيارتها سوداء لكن للاسف ماتدري ان احنا الي يبي لنا مأوى ما اقول الا الله كريم .
حمايه حقوق الحيوان وإزعاج وأذيه الانسان ،،،،،، الرجاء منها أخذهم بالقرب من منزلها
آذتنا هالادميه تلعوز لينا حوالي البيت من أكل الجلاب وفوق كل هذا كلهم مرضه ويتنافضون وع طول تدخل في ممتلكاتنا لتنضيفهم وأخذ الماء من الكمبوند مالنا وفي أنصاص الليل وتزعجنا وتخرعنا !!!!
والله حاله ...
خلنا نحصل الينا بيت نسكن في بعدين بنشوف بيت للكلاب
صج لين قال المثل...
الللي... ماعنده شغل خله يختن السنانير // يعني القطط//
فاضية
وش اسوي
هذه معاشها اضعاف ولد البلد خلها تستظيف الحيوانات
في منزلها.
ابو محمد
هههههههههههههههههههههههههههه هاذي الي تقول تطلب من الحافي نعال الناس مو لاقيه ليها بيت تسكن فيه وانتين الله يهداش تبين مأوي للجلاب
العرين
محمية العرين هوه الحل -
عندها اخلاق الاسلام
و حكومتنا للبشر لم توفر سكن
احسنت .. ....
احسنت .. ....
بنت عليوي
أنتين خلينا نحصل ناكل ونأكل عيالنا وبعدين تعالي طلبي منا نتبنى، أنتين شوفي الفرق بس بين القطط والكلاب ايام زمان كانوا مليانيين من الخير اللي بالزبالة ما يلحق يقص الجيس إلا طلع له البوفية ( سمك لحم دجاج عيش ريش روبيان جنعد حتى الكيك يحصله، الحين مساكين من يقصون جيس الخمام ما يطلع ليهم إلا القواطي والقراطيس والحفايظ، بطنهم لصق في ظهرهم مساكين، وكلها سنتين بعد ترتفع الأسعار وراح تلاقين ولا بحريني مكرش ماعدا عيال الهوامير
ضاقت علينه بقو الجلاب !
حياهه سند فريج الجلاب فطسنه منهم و من النباح طول الليل و النهار عسى مانطلع بره يلحقونه مالنه حال .. شكلهه الاخت فاضيه ماعندهه شغله
أتمنى من الانسة: فانيه
أن تزورنا في مدينة حمد وتشتري كل الجلاب اللي في البيوت (بيوت جيرانا) اللي مسوين لنا ازعاجات على طول 24 ساعة وتفكنا منهم .. أرجو ممن يعرف الانسه فانيه أن يدلها على أصحاب لجلاب اللي في معظم بيوت االلوفرية في مدينة حمد وله الشكر الجزيل وندعو له بطول العمر.
*****
عادي يالسين امعززين امكرمين على المواطنين, ولمواطن صاير مثل الزل اللايراني!
بشتكي عليها
غربلتنا بهالجلابو تجمعهم صوب البيت مانقدر انام مثل الناس. كنت افكر اشتكي عليها في الشرطة. بغض النظر عن الأزعاج, كل الكلاب اللي فيهم أمراض و منبطحين في البراحة و يتنافضون من الأمراض
الظاهر انك بتورط روحك
ويا جمعية الرفق بالحيوان وستتهم بـ (اهانة الحيوان) عاد كيفك !! أنا أقول تصبر على أصواتهم واعتبر أصواتهم سمفونية مثل ما احنا تعودنا على عدم النوم سواء ليلاً أم نهارا في معظم بيوت مدينة حمد وما لنا الا الله سبحانه وتعالى.
الحل بسيط
عليك مراجعة وزارة الاسكان
وبعد كم يوم والبقية تأتي !!!
الله المستعان على عجائب هذا الزمان يوم خصي لجلاب ويوم مشروع اسكانهم وبتطلع لنا وحده غير حق السنانير، وبعدها بتطلع وحده حق الفيران ، أما الإنسان يعني (بني أدم) يخلف الله عليه ما بجي دوره الا في بيته الأخير اللي مقاسه على قد جسمه !! هذا بعد اذا ما طلع قانون طلب قسيمة القبور قبل الموت !! صدقوني لا تستغربون احتمال أن السنانير يحملون لافتات ويحتجون عند بيت الـ(فانيا) يطالبون بالأولوية والأحقية لهم في توفير السكن قبل أولاد عمهم لجلاب (كرمكم الله)
القلوب الرحيمه
ما اروع القلوب الرحيمه ... ياريت حمله تشمل القطط ... ادا كان في قلبك رحمة على الحيوان تأكد ان قلبك رحيم بالانسان
ارحم من بعض المسلمين
بعض الناس يتعمدون يدعموا القطط والكلاب في الشوارع بلا رحمة والاسلام حث الرفق بالحيوان بينما تجد غير المسلم يطبق الاسلام وهو مسيحي
عجب
الحين شايفة الناس محصلة مأوى عشان يوفرون لها مأوى للكلاب والله حالة مع هالاجانب خلها تويهم في بيتها اكيد فلة بيتها
ازرق
ززق لقطاوه علي الهاملات