مهما أروح بعيد يبقى حب الوطن بالنسبة لي غالي

ومهما أبتعد يردني للوطن شوقي وينشغل بالي

وما يغنيني عن ديرتي وطن ثاني لا من أول ولا تالي

بديرتي ألقى كل أهلي حولي وينشدون عن أحوالي

ألقى أمي الغالية تحاتيني وتداريني

وألقى والدي الطيّب لو احتجت لعيونه يعطيني

وألقى كل هلي وناسي وإخواني ودفى سنيني

عسى الله لا يبعدني عنج يا ديرتي البحرين

دار عنوانها الطيب معروفة به من سنين

وما يغنيني عنها حتى الملايين

وعمر الملايين عن عزة الإنسان ما تغني

وأنا عزتي في ديرتي ديرة العز وأبد عنها ما أستغني

وما يستغني عن ديرته إنسان يعرف العز وش تعني

ودامي من البحرين أكيد بكون شامخ الراس

وأكيد بكون سعيد دامي بين أعز الناس

واللي ما تعنيه ديرته أبد ما فيه أي إحساس

وأنا مهما أسافر ومهما أشوف بدنيتي

بتبقى الأولى بقلبي ديرتي

وأبد ما أتخلى عن ناسي وأهلي وعزوتي

وإذا أنت جربت الغربة بتعرف شمعنى الوطن

بتعرف شمعنى الحنين والشوق وقسوات الزمن

وبتعرف أن الوطن ما يغنيك عنه أي ثمن

تهاني عباس حسين

مدرسة الحورة الثانوية للبنات