طـولـت لا بــالله تـمـاديـت بالـحـيـل

والشـوق لـك طـيـر مــع الجو حـايـم

أنــا أدري أن أيـامـنـا صـابـهـا مـيــل

والجـو عنـدك بعـض الأحيـان غـايـم

بعدك عذاب وقربك العشب والسيل

ولو غبت عن غيرك من الناس صايم

اتخيـلـك يــا أم العـيـون المضـالـيـل

وأنـا علـى هــاك المضالـيـل هـايـم

تعـال فاحـت دلـة الـشـوق بالهـيـل

وهبـّت مـن عـيـون القصايد نسـايـم

تعـال ما لـي غـيـر قـربـك محاصـيـل

مـا غيـر أنـا وهمـوم صـدري عـزايـم

أسهر مع الهوجاس وأناجي سهيـل

وأقـول يـا حـظـك تـشـوف النعـايـم

لكـن عــزاي تـزيـن لــي بالمقابـيـل

ومـن طـوّل الغيبـات جــاب الغنـايـم