حزين من الشتا ولا حزين من الظما يا طير

دخيل الريشتين اللي تضفك حل عن عيني

دخيل الما وملح الما... وحزن الما قبل لا تطير

تهيا للهبوب اللي تصافق في شراييني

دخيل الغصن والظل الهزيل وهفهفات عصير

دخيلك لا تشح بنجمتي والليل ممسيني

ترفرف يا فقير الريش ضيقه... والنهار قصير

علامك كل ما ليّل جناحك جيت ساريني

انا ماني بخير وجيت يمي وانت منت بخير

وانا ياطير فيّ من الهجاد اللي مكفيني

ترى لو شفت لي ظل ومهابه في عيون الغير

ترى كل الزهاب اللي معي جرحي وسكيني