شيبي قهر ما هو بشيبي كبر سن

عانيت يا جاعد وشفت الغلايب

مصايبٍ راحن... بعَدْهَا ترى جن

ومصايبٍ للآن تلوى مصايب

سنّي صغير وقاسي الوقت ما حن

اجتاحني والرعب بالقلب دايب

احتلني جيشه وأنا أقول له من

مدري عدو وإلا رسول الحبايب

دار الزمن يا اللي عليك الزمن عن

خلاّك دوارٍ عقب منت نايب

يا مهيّض المقهور لا تسئله لن

شنهو سبب سود الشعر صار شايب

لي ون قلبي جاوب الساني وون

حتى المشاعر عنّه الضحك غايب