(أ) شوقي العامري كما عودنا دائما: شاعر مختلف، جزل العبارة وسلسها.

شعر - شوقي العامري

ماغفت عيني ولا سقت الوصل بعنـاد

دام روحك في عناقيـد الوفـا زهـره

لا ولا بعت الأمانـي والهـوى وقّـاد

وين ماشمسك ضوت جيتك على الفطره

شاعر ٍ ينصب شروقك للفـرح ميـلاد

لا تناثر ورد ليلـك وانتشـى عطـره

شاعر ٍ ملّت مشاويـره شقـا وأبعـاد

لين تاهت كل دروب الوقت بك عثـره

شاعر ٍ غنّت حروفـه للحنيـن أنشـاد

لاتلاشى نبض قلبك واحتـرق صبـره

شاعر ٍ فاضت عيونه من جفاك أسهاد

يوم كـلٍ بالليالـي مـدّ لـك جسـره

شاعر ٍ يكتب شموخـك للوفـا ميعـاد

لاتراقص غصن شوقك وأنثنى خصـره

شاعر ٍ أشعل حياته من ضياك أعيـاد

لجل طيفك يكتحل من واهـج النظـره

شاعر ٍ أمسى خفوقه للجـروح أبـلاد

كل مادق هاجسك في خاطـري نجـره

جيت أضمك والعشق رحلة عنا وجهاد

يوم قلبك فلّ شوقـه وانتثـر سحـره

سامح الله كل جرحٍ مـن جفـاك أزداد

سامح الله غيرتك والحـب والعشـره

(ب) طال غيابك أيها المتميز. حضورك يضفي الكثير من الأهمية فيما نطلع به على الناس.