(أ‌) محمد آل مبارك وقصة وقت... قصة طفلة، يعمد فيها آل مبارك لرصد شفاف يكشف عن رهافته.

شعر - محمد آل مبارك

علام الوقت يظلمني يعـيشني بزمـان اشبـاح

صغيرة سن وانياب الزمن تخدش لي افراحـي

انا قطرة ندى سالت مــن اعيونٍ بيديها جـراح

هدبها مات من كثر العتـــب في دفتر اجراحـي

نسيت الضحك وايامه نســيت البسمه والأفراح

تخيلت الفرح بسمه حــسـافه صارت اشباحي

كفايه ما مضى يكفي كفايـه يـا زمـان ٍ راح

كفايه ما بقى كثر الذي من دنيتـي راحـي

تمنيت الزمن ياخذ يدينـي للوصل مصباح

واشارك كل ضحكات الزمن فرحي واتراحي

تمنيت الوصل ياخذ خـفوقي للغلا مفتاح

بعد ما ضاع من بين الأيــــادي امس مفتاحي

رسمتك يا فرح فوق الرمال وبعثرتك ارياح

وانا اللي من زمان انطررياحٍ تعكس رياحي

حسافه بس يا وقتـي تمنيـــــت الفرح يرتـاح

ولكني اشوف الهم سعيد بــــدنيتـي ارتاحـي

صغيرة سن ضيعــــها ظلام ٍ تملكه أشباح

وغير الحزن ما لاقـت يصير لقلبها وشاحي

(ب) غياب شعرنا به... وإطلالة جديدة تليق بشاعر إنسان بحجم محمد آل مبارك. أهلا بك مجدّدا.