يا اللي كسرتي

كل مرايا هالمكانْ

ما عاد وجهي هْناكْ

يلمّني عطرك فضا

مغسولْ بسْكاتكْ

واستغفرك... أستغفر الحيره...

ومرايتي...

يلعن أبو وجهٍ نسى

يخْضَرّ فـِ مْراتكْ...

***

باحْجِرْ على يدَّي...

أخاف أعمى تقودني

وآقول من قدَّي؟

وانا فقير أشيا

أخاف حزن آمدَّها

وانسى أنا... منهو أنا؟

وآضيع في حدَّي...

***

كنتي على باله...

هالوقتْ في ضيقهْ

يتلعثم بركعة فجُرْ

والنوم ماجا له...

***

هالخارطه غلطه...

هالخارطه تبغي تقول:

انّك خطا جغرافيا... سقطه...