قلت: ظلما، وتنشد آخر الدرب وين؟

كنك اللي وقفت وكني أمشي الدروب

تجرح الضحكه العبثى خفوقٍ حزين

وانت ملح السوالف في حياتي تذوب

وين ما اذكرك: قلب، ووين ما أنساك: عين

مثل غصنٍ ضعيف... وكل ما بك هبوب

لا قويتك... تكسّر عنك بوحٍ دفين

وان قواني غلاك أقبلت كلك ذنوب

أذكر اليا نشدني عنك هم السنين

هب برد الشمال وطاح قلبي جنوب

واعرف اني نبت في روض روحي حنين

معشبٍ... وان طريتك فز وردٍ طروب

كنك اللي تجيني والمسا جمرتين

فـالوصال البخيل وفـ الوداع الهروب

وكنك اللي تغيب وفـ الحشى ضحكتين

صوتك العذب والوعد الصدوق الكذوب

آه يا اللي مسافر تنشد الدرب وين؟

عاد توك لقيت اللي يعرف الدروب !!