كل الأصوات غابت... وأنت صوتك بقي

صوتك اللي على صمت الطريق أكتبه

أسأل الساعة الولهى متى نلتقي؟

وأسهل الوقت بغيابك يصير أصعبه

للسعاده سعيد وللشقاوه شقي

واختصرت التجارب معك في تجربه

لو سألتك سؤالي... واضح ومنطقي

صوتك يعيش فيني أو أنا اعيش به

ارعدي في العيون المجدبه وابرقي

وامطري كل أرضٍ بالعطا مجدبه

وانبتي في ضلوعي وازهري واورقي

ظلليني... حياتي كلها متعبه

أنتي الشمس في كل اتجاه اشرقي

مهدبه هالليالي والخطى مهدبه