القصيدة مرسلة إلى الأخ الشاعر راشد بن ناصر بن زميع القحطاني
هات القصيد العذب بوزميع هاته
خلنا على ما قيل نطرب وننسر
لك الشعر كله ولا الغير فاته
ذيك المعاني الطيبه حين ما اغتر
يا راشد الشاعر تقضّت حياته
عقب الغرور اللي على باله افتر
يظن اهو شاعر وحصّل كفاته
من الشعر والقاف قام ايتفاخر
هذاك ناظم ضايع في مناته
يبغي العذاب ويبغي الهم والشر
شعري أنا مهزوز في عين ذاته
وشعره هو الوافي مع الجو والبر
يقرا قصدي بالغلط من رداته
ما عاد يقرا صح صار يتعثر
وما كل من يشعر مع الناس جاته
ذيك المعاني الطيبه ويتخيّر
ما غيرك الشاعر وحاكم صفاته
تملك زمام القاف والغير يسهر
وأنا معك يا صاح بإيدي غناته
وآجمّل المعنى وجرّه بعد جر
ماني مثل غيري يسج بصلاته
من شان يذكر واحدٍ فحل يشعَر
كلٍّ على فاله يبّين شفاته
واللي يريد الزين عطناه وأكثر
حنّا نجيب الحيد من عالياته
والغير جاب القاع aلا ويتكبرّ
جانا الزمان اللي تكدر طراته
جانا وخلا الهم يكبر ويكبر
ما ينعرف فيه الرجل من خواته
الفعل واحد والوجن فيه محمر
والحر الأشقر بدّلوا به سماته
ويّا الحمامه صار في وسط محكر
والذيب ذاك الذيب خلا خلاته
على الشجاعه ذيك ما هوب يقدر
وإلا النمر شاقول شاقول لاته
ذاك الثعل والليث ما عاد يزأر
ذي حالة الدنيا خذتنا لواته
والكل منها يشكي الحال منضر
في ذا الزمن صرنا كما وصف زاته
تلعب بنا الأهواء والكل يشخر
صرنا ننام وقدسنا به غزاته
تقتيل في المسلم وتشريد وأخطر
ذاك السكوت اللي تزايد سكاته
مدري تكاتل أو تدابير مضطر
من وعد بلفور والتخاذل ثباته
مدري متى عن صمته الشين يظهر
الوقت يا راشد تعدّت عصاته
على الوفي تنمد من شان يكسر
وإلا الردي مرفوع ويّا حلاته
فوق النجوم الساريه صار يفخر
ماني بلوم الوقت مع مجرياته
أنا بلوم الناس بالحيل وأجهر
ما ميّزوا هام النخل من وطاته
ولا ميّزوا نبت الشجر حين يبذر
وأكثر بلاوي ربعنا لا شماته
الجهل والتفكير بالمال يكثر
وأشكي بعد يا خوي همٍّ سواته
جل الشباب الحين بالزيف مستر
شارك بنات الناس في مخطياته
ما ينتبه والقبر كل يوم يُحفر
منبوذ في عيني سبب معصياته
يبغي يفرّغ شهوته ويتكركر
لا من نصحته عدّد أغبى غباته
ويقول أنا يا شيخ مفتون مجبر
والله لو ينصاب منّا خواته
لا يونّ بأعلى الصوت والقلب محتر
يمكن يموت بحسرته وكظماته
وإلا يجن ويترك الثوب منطر
من بعد هذا راح شعري جهاته
وأطلب عسى قولي على الناس ينشر
وأشكي بنات الجيل وأكثر بناته
هن يفتنون الشاب والستر مظهر
شفت اللبس فيهن تزايد حلاته
يبغون عقل الشاب يا خوي يجبر
وقلت أكتفي لا زيد فكري عناته
وأترك لك الموضوع وأنت التخير
والختم هات القاف بوزميع هاته
خلنا على ما قيل نطرب وننسر
العدد 274 - الجمعة 06 يونيو 2003م الموافق 05 ربيع الثاني 1424هـ
