يلعن أبو الحب والتلويع والتضحيه

يلعن أبو كل جرحٍ بالحشا من يديك

يا ذاري الشوق بين احلامي المقفيه

ما عدت جاهل بتفكيرك وما يحتويك

جيتك وانا كل مافي نظرتي سخريه

لا تحسب اني حضرت وخافقي منتخيك

من ضعت بك ما شعرت بخطوةٍ مرضيه

لا مهتدي لو بعض نفسي ولا مهتديك

غب واعتبر كل شيٍ بيننا تسليه

لا تحسب اني بعد فرقاك اظل احتريك

لا انت بطموحٍ سرق ذهني ولا انت امنيه

مالت على قلب من حبك ومالت عليك!

والله لاعينك بعين الفاتن المغويه

ولا جمالك مضيّع كل ها الناس فيك

راحت بقلبي عليك النزعه المخطيه

والقلب ما هو ترى عبدك ولا عبد ابيك!

ذنبي وانا اشوف كلٍ خطوته مقديه

ما طعت عقلي قبل لا اطيع قلبي واجيك

يا الله حصل خير ونجوم السهر مضويه

من قبل اجي وابتديك وقبل اجي وانتهيك

الراس ما هو براس الوقفه المخزيه

والقلب بالعن أبو جده اذا ما نسيك