تفضــل إكشـف المستور وافضـح خافي احزاني

أنا مـا عــاد يعنيني يبين الجرح أو يخفى

تمنيت الفــــرح مـره بـدرب العــمــر يلـقـاني

وتمـنيت اننا ليـلـه بزفـرات اللــقـا نـدفى

حبيبي وانت بالفرقا غرست السهد باجفاني

تخيّل وش بقى نحـصـد إلى منّ الفـرح أقفى

احــبــك... كـثر تمزيق الطعون لقلبي الواني

وكـثـر مـا قد تمنيت السنين لخافقي ترفا

أحـبـك... مـا بقى عـندي كـــلامٍ غــيـرها ثــاني

احـبـك كلـمـةٍ توصل برغم الجرح والمنفى

رسمتك امسي ويومي... سرى حبك بشرياني

وهبتك كل احاسيسي وصرت من الوفا أوفى

واذا قلـبـك بعد هــذا نســاني... أو تناسـاني

ترى ما عـاد يعنيني... يلين القلب أو يجفا

أنا البحــار وعــيـونك مـلاذي... بـس حــرمــاني

وقف مابين رغبات السفين ولهفة المرفا