على صدر الزمان اللي عبر همه علي وجار أسطر قصتي للي فـ . . يدها العطف ملتمي

أنا يا امي أنا يا أمي أعيش بوحشة الأقدار

رحى الأفراح لو دارت تدور ولاتجي يمي

أحس الهم بي يبري وأشوف الوجد بي جبار

ولا املك غير أساير وقتي الجبار وآسمي

دفنت الهم في صدري وصبرت ولو جرعت "امرار"

هموم الناس في كفه وكفه شايله همي

أنا يا امي جرعت أكدار وتهت بغبة الأبحار

وخضت العالم لوحدي شتات .. وودي ألتمي

تعلمت التقى حتى كرهت الميل والإنكار

وتعلمت الوفا حتى وفيت فـ .. سمعي وشمي

وقريت أحزن روايات الأسى في عالم الأسرار

لقيت أأسى روايات الحزن في قلبي ودمي

سيم جدى تعليته عساي أنسى بعض ما صار

بغيت أرقى شموخه حيل لكن يا كبر غمي

أنا يا امي أبا آقضي حياتي في كنف لازهار

أبا ارجع للحياه اللي قريبه لموجي ويمي

أبا ابدي في حياة غير لا هم ولا أكدار

أعيش بعالم البسمه ويجري الفرح في فمي

أنا يا امي كتبت أشجان همي في حروف أشعار

ولا أدري ذا الشعر شعري أو إنه من بعض همي

أنا يا امي مسافر والقصايد بالدروب "أمهار"

ولا أدري وين مرسانا ولا أدرى وين هو يمي؟