خذ الكفوف البارده بين خمسي

أرجي الأمل واشرب بقايا سرابك

وحلو السوالف بين يومي وأمسي

لا ثار شوقي واحتواني شبابك

ضاع الحكي من نظرتك بث همسي

والحاسد اللي قد عذلني يهابك

وصدق الشعور اللي سقى ذبل غرسي

يحيي الأماني بجيتك وبذهابك

سألت حالي لا غدا نور شمسي

كن المزون تكاثرت في غيابك

وكن الجروح اللي غدت نبض نفسي

اتضاحكت من فرحها في جنابك

اشلون تقصر خطوتك خاب حدسي

وكل المكان اللي جمعنا زها بك