Master

صدق ناس ما عندها سالفة كل يوم يتشكون على المدرسين، ياما انضربنا وانحبسنا في المدرسة ، لا اشتكينا ولا كتبنا في جرايد ، طلعونا على الأقل رجال، اسمها تربية وتعليم خلهم يربونهم

بكل هدوء

أنا في رايي ان تقدر المعلمة ان تسأل عن اللي سوى الفوضىى تكلمهم وتوجه الطفل إلى أن اللي سواه شيء خاطئ و يحافظ على هدوءه داخل الصف و تشجع المعلمة الولد المؤدب عشان الباقي بعد يتشجعون وبهدوء هذا حل سلمي و يرضي الطرفين.

جيل دليع

واولياء أمور ادلع منهم بعد ضاعت الرجولةمع الاسف

ربو بناتكم

المعلمة اصلا انحبست مع الطالبات في وقت راحتها لكي تربي بناتكم

بس دلع عاد

زين تسوين فيهم

قمة القسوة

هل نعيد زمن سلب الطالب ابسط الحقوق وهو
الدفاع عن نفسه ,, ان تحبس طالب عن الخروج
الى الفصحة هي قمة بالقسوة عليه ,, هل تعود
اصحاب القرار على الاعتقالات حتى وصل الحال الى
طلبة لاحوله لهم ولا قوة ,, هناك طرق افضل من ذلك
لمعاقبة الطالب المقصر اتمنى البحث عنها .

الشكوى الثالثة

إي والله المدرسة الي قالت عنها الأخت انها تحبس الأولاد في الفسحة .. هذا الكلام صحيح كل يوم بحجة ايدربون الأولاد ما أدري على شنو لا وحابسين المدرسات غصباً عليهم مع الأولاد وينكم أولياء الأمور ما تتكلمون لو بس على المعلم الي حبسهم حبس تأديبي لا وخلاهم ياكلون ( مدرسة سعد في مدينة حمد ) وأني ولية أمر

مساكين المدرسات

احنه يوم كنه في المدرسة كانوا المدرسين يضربونه ضرب , بس صج سونه ارجال
مو طلاب هالزمن دلاليع
وانا استغرب من اولاياء الامور الا عندهم قدسية على اولادهم
يقولون لو المدرس يقول ولدي مو زين ويشهدون وياه الطلاب كلهم ما اصدقهم واصدق طفلي الا اني مربتنه (والمشكلة الطيور على اشكالها تقع )
خلوا المدرسين يهذبون اطفالكم ويعلمونه صح وكفاية تعصب وتقديس الاولاد مو ما عندكم اولاد الا انتون

هذي شكوي ثانية اني احطها

يكون في علمكم مدرسة في مدينة حمد ابتدايئة للبنين في الدوار الثامن كل يوم ما يطلعون الاولاد فسحة يخلونهم ياكللون في الصف صراحه اولادنا يبون يطلعون بعد مو في سجن هم

حقوق الانسان مره وحده

حقوق الانسان مره وحده و حالة نفسيه شهل تخربط ويش يعني لو ما كلو ماتو من الجوع يعني عندهم اليوم بطوله يطفحون فيه

دللع

ويقولون زمان اغبر
اكيد اغبر من زود الدلع اللي حاصل
ع كل شيئ كبرو القصه
وصار الموضوع الحين ينكتب في الجرايد
نسيتون ايام قبل نتشلخ بخيازرين والخيازرين
تجي من الوزاره مع الكتب وادا سوينا مشاغبه
او ماحلينا واجب نوقف طول الحصه او الحصتين
على رجل وحده مقابلين الجدار وادا نزلنا رجلنا
جتنا لشطه ... تركو عنكم الدلاعه اقول وخلو اولادكم تطلع رجال مو اولاد اليوم البناتيه

دابت جبدنا

والله دابت جبودنا احنا المدرسات الي اندرس أولاد تعالوا الينا الصف وشوفوا العجب ولا أحد ايقول الينا اذا ما تقدرون تظبطونهم خلوا غيركم احنا ما قلنا ليهم ايخلونا اندرس أولاد ما نقدر عليهم نبي اندرس بنات والله حرام

ما كو احساس ؟!

بعد هذه مو اول مره ؟! .. يعني شنو جاهل يقعد طول النهار بدون اكل وراحه ..في جهال يجون الصبح مو ماكلين .. الجاهل ما يتحمل جوع .. لازم ياكل ويشرب ويتحرك .. ما كو احساس ؟! .. وين مخش انتين والجهال جواعه قاعدين يتشفقون على اكل .. وين الضمير ؟! .. هذه لازم تتحاسب ولازم ما يطفونها ليها .. اولاد الناس مو لعبه عندها .. الطالب لين سوا فوضه يحذرونه وبعدين يدقون على اهله .. بس انها تعاقب كل الطلبه عشان كم واحد سوو فوضه .. وين حنا قاعدين فيه .. خير .. ما في قانون ؟!

تربية آخر زمن

الحين اولياء الآمور نسو ان في الماضي كان هذا العقاب موجود وياما حرمنا من الفسحه وحبسنا عند حجرة السكريتير او المدير في نهاية الدوام وعند تأحرنا في الصباح تعرضنا الي ضرب فوق كفتة اليد بالعصاء او الخرزانة ايام البرد القارس والله زمان حلو وجميل

ام مو مستغربة

عقاب جدا عادي
انا بنتي عمرها 4 سنين واعاقبها بالحبس وحقا تتادب وماتعيد الكرة
هم في الرايع يعني 10 سنين فاهمين والمفرروض يعرفون سبب العقاب ويتادبون

معلمة

آنه معلمة بس العصر في بيتي و عندي خمسة تلاميذ بس ما آخذ اكثر و ادرس لمدة ساعتين فقط لكن مايطلعون من عندي إلا و آنه حالتي متبهدلة تعبانة عطشانة و كل يوم بندول ,,,الصراحة الله يكون في عون المدررسات و المدرسين على عيال هالوقت غير التدريس تأديب بعد شياطين و لسانهم طويل و يراددون المعلمة ((البعض )) ,,,الله يساعد المعلمات بعد الدوام بيجابلون عيالهم و يدرسونهم و بعدها أمور البيت من تنظيف و طلبات و في الأخير أبو العيال مد البوز و رقد ,,,,,,

افففف

زين يسوون فيهم ..
والله هالصبيان علل .. اني للحين ما صرت مدرسة .. لكن ادرس في البيت .. والله ما اجدب عليكم كان عندي صبيان 2 بسسسس عفسوا ليي شقتي مو أوادم .. جيل هالزمن ما يبي ليهم الا العيون الحمرة .. والكلام الوسخ في لسانهم وكسالة وقليلين ادب .. على شينه قوات عينه .. والله أمهاتهم ما تقدر عليهم .. شلون يبون معلمة عليها 25 طالب ,,, آاااااااخ يا قلبي لو اني اجيني انهيار عصبي واموت منهم ..
المفروض البنات للبنات والصبيان للصبيان

الصراحة مساكين هالمعلمات

للزم يسون جذي ادبو عيالكم في البيت علشان لا يصير لهم جذي لانه الوزارة محرمة المدرسة من اي تعامل فلازم بتقوم بهل العقاااب ومو كل شي ينكتب في الجريدة لانه على زمناياما انطقينه يعني شي عادي علشان يتادبون

لا للتدخل في عمل المعلمين

أتذكر قبل عشر سنوات
كان أخي يدرس في مدرسة معلماتها إناث
وهو هاديء ومتفوق وخلوق
وأحيانا يرجع إلى البيت ويخبرني أن المعلمة عاقبتهم جميعا
فلا أتحسس للموضوع من حق المعلمة أن تؤدب طلابها بما تراه مناسبا من عقاب لكي تسير العملية التعليمية بيسر وسهولة
للأسف الشديد إن التربيت على أكتاف الطلاب وتدليلهم رفع من نسبة الكسل والإهمال وسوء الأخلاق

تسوي لروحها المشكل

في طرق ثانية تقدر تعاقبهم فيها
بس مو حرمانهم من الاكل يمكن فيه طفل مريض مايقدر بدون ماياكل ليش تسوي لروحها المشاكل
تقدر تطلعهم اخر 10 او 5 دقايق بس عشان يتادبون بس ماتحرمهم من الفسة كاملة

مشكله

والله حاله قلنا في عقاب بس مو جذى والمشكله لى ما عنده اولاود ويجى يسوي روحه فيلسوف يعنى مره جاء ولادنا وجبينه متورم والدم ينزف وبعض المناطق الدم متكتل وش تسوون وش تقولون انا اقول حرمانه من الفصحه اهون من ظرب المدرس له بهذى الطريقه وكفايه شكوى ع المدرس با المدرسه وتحذيره فقط فى عقوبات تكون اهون من ثانيه بس لا نسكت عنها الازم نشوف شنو الصح ونعرف شنو الغلط

؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟
حرام عليكم

المعلمة معها حق والله يعطيها الاجر

بالعكس ان ماجوف فيها شيء ... ترى المعلمين قلوبهم على الطلبة ويبون مصلحتمهم بدل الدلاعة الزايدة اللي انتجت لنا شباب مايعين صايعين .... وين التربية الاول اذكر ان المدرس بضربنا ضرب وتخرجنا اطباء ومهندسين ومعلمين وطيارين ورجال اعمال .... نحترم الناس والناس يحترمون .... و هالجيل دليع

قم للمعلم

اشفيكم يا معلمات شكلها المعلم صايمة ذاك اليوم عشانجذي حرمت اليهال قالت مايصير اهم ياكلون وانا لا

اليوم مع مشاكل وزارة التربية !

تصرف غير مقبول من قبل المعلمة ويجب عليها المراعاة والتعاون وعدم التعدي على حقوق الطلبة واعتقد ان ما عملته المعلمة تصرف لا ارادي بدون قصد وكان يتوجب عليها ترك الموضوع للمشرف او المدير لكي تتجنب المشكله وتتركها الى اصحاب الشان ,, نتمنى ان تقدم هذا المعلمة الفاضلة اعتذارها الى اولياء امور الطلبة التي حرمتهم من الفسحة ونتمنى ان لا تتكرر هذه المشكله بين المعلمات او المعلمين وطلابهم

ما فيها شئ

ما تبغون اولادكم تتعلم وتتربى انا اعاقب اولادي بالحبس افضل من الضرب يعني ما اشوف فيها شئ! دائما اعلم اولادي ان المعلمة مثل الماما نحترمها ونسمع كلامها وانا اطلب من المدرسين اذا اولادي عملوا شيئا تصرفوا معاهم بالشكل الذى ترونه صحيح
الله يساعدكم يالمدرسين.... بدل ما نشكرهم نشتكي عليهم

جيل ماصخ

شنو هالجيل هالايام.. جيل دليع وخفيف وماصخ.. والله راحت ايامنا نرجع البيت وايادينا متورمه من الضرب ولا احد من اهالينا يدري بالموضوع والحين عشان طراق والا يحبسونهم وقت الفسحة العالم كلها تدري..
بسكم يا أولياء الامور تهويل للمواضيع البسيطة يعني ويش فيها لما طول اليوم ماياكل الطالب لسوء سلوكه؟؟

آنسه مزمزينه =)~

لكل المعترضين على هذه الحاله،،
وخصوصا (مدرسة)
انت لو ضرب طفلك وحبس من غير طعام ترضينها؟
انتِ ستقولين نعم،، هل تعرفين لماذا؟ لانك انتِ ايضا تعاقبين تلامذتك هكذا ومن داخلك لا ترضين على طفلكِ فالعقوبة ليست هكذا،، لان الطفل لو اخذت منه لعبته فيتألم
ماذا لو حبس ويرى الاخرين يلهون ويستمتعون بوقتهم وهو يائس من نفسه
أين الضمير؟

آنسه مزمزينه =)~

تربيه وتعليــــــــم
هل التربيه تأتي بهذا النحو؟
فالطفل يأتي بتربيته على اسس،، وليس على هذه الانظمه والقوانين(الضرب، الحبس،، وغيرها..)

هل يرضونها على انفسهم؟؟
لو حبس ابناءهم ماذا سيفعلون؟ هل يذهبون القضاة لانهم يعملون في التربيه؟
حب لنفسك ما تحبه لأخيك،،

ستراوي

لو تقصينا الحقائق لراينا العجب العجاب من الطلبة.فمجتمعنا ليس بالمجتمع المثالي ولايستطيع المعلم ترك الطالب على هواه فتصرفات الطلبة تزداد سوءا وانا مع فصل الطالب نهائيا من التعليم لمدة 5 سنوات اذا تكرر الخطا الفادح من قبله.لكي يكون عبرة للاخرين.

والله غريبة

صراحة كانت المدرسة في المدرسة تضربنا وكنا نروح نشتكي للماما كانت تقول مثل واحد يا بخت من بكاني وبكى عليا ولا ضحكني وضحك الناس عليا وكنا ننقهر من كلام امي حتى انها كانت تعين المدرسين علينا وكانت هي اللي تجيب العصى ما عرفنا اهمية كده غير لما طلعنا من اوائل الجمهورية انا واختي

بحرانيه وأفتخر

أقول جب بس جب
روحو المدارس اللي المعلمات ادرسون الطلاب وشوفو شلون الطلاب عافسين المدرسه والمعلمات ما يقدرون عليهم أصلآ اني قايله ان البنات للينات والساتذه لللأولاد
ما يخافون ولو أني منه جان من زمان فنشت وقعدة في البيت
احنه في البيت وما نقدر على اولادنه وهم جم واحد شلون لو 20 واحد في صف واللي اقول مو كلهم تحبسهم انتون ما اتشوفون الصف اشلون مهرجان أن شاء الله وش دراه من اللي مسوي ومن اللي مو مسوي وهي عاقبتهم اكثر من مره معناته سوه من قبل وما اتأدبو

أين خياراتك يا ولية الأمر هل عجزت عن التعامل مع....

القهرأن ولي الامرما يقدر يسيطر على واحد في البيت مو عفاريت صغار ..خل الي كتب يعرف شلون يتدرج في حل المشكلة اذا كانت مشكلة..العيب انك ماتتحمل تخلي عدةخيارات للحل رأسا رحت للجريدةهذا اسلوب انتقامي من المعلمةمو اسلوب حل واحنا ما سمعناالمعلمة شنهو قالت.. والله حالةهذي ولية أمر ما عرفت تتعامل مع موضوع فما بالك تستلم صف أعتقد من خلال النشر في الجريدة يدل على المستوى الثقافي الهابط لولية الامر لا أكثر وكان من الاولى الذهاب للمدرسة للنقاش حول هذا الموضوع لا الجرايد لارهاب المعلمة وحبا في الانتقام منها

ابسط شي

ابسط شي انه لو كان في هدا الصف احد من اولاد المعلمه هدي كان ما سوت اللي سوته ... بس هي البنات وطريقة تفكيرهم ولا عليهم حرج والله يكون بعون زوجها

دلللللللللللععع واااااااااجد الصراحة

يصرحون في الجرايد عفر ما يعرفون يربون كلا امخلينهم على راحتهم , وهم المسيطرين في المنزل على اولاياء الامور اللاهي عن ابنائه كلا معتمدين على الخدم وما يدريون عن شي لكن احنا نعرف متى يعاقب ومتى لا يعاقب على اخطائة هذا طبع الدلالاليع .
احنا والله شفنا التربية العدلة من ضرب وعقاب عادي لان الامور ماشية جدي إلا يغلط يعاقب تخاف من العقاب لا تغلط حاول ,,,,,, وصلت للجرايد على منعهم من الفصحة يمكن ولدها متين وادها ولدها ما يصبر عن ااكل

واحد شاغب شنو ذنب الباقي؟

نقدر عمل المعلمات ومعاناتهم بس شنو دخل باقي الطلاب بفرض عقاب جماعي على اللي سوى واللي ما سوى ؟؟

أم فاطمه

انزين ليش تحرم صف بـأكمله, تحرم الطلاب الي قاموا بالفوضى بعد تعميم العقاب على الكل غير منصف.. يتربون ما قلنا شي بس بعقاب عقلاني..

انزين واشفيها ؟

يعني ما تبون العقاب ؟ الحين لما صار المدرس يعطي العقاب تقوم الفوضة وتكتب عنه الجرايد وينفضح ؟ يعني الحين طلابنا ملائكة ؟؟ لا وصار فيها حقوق الانسان وعفسة ..

ان شاء الله عنهم ماطلعوا

الدلع الزايد ما شفتوا الا بالبحرين..روحوا شوفوا البلدان العربية الاخرى كيف تبيح ضرب الطلاب من قبل المدرسين وكيف يمر اليوم الدراسي من دون مشاكل ... العصا من الجنة والتربية ماحد المفروض يعترض عليها

؟؟؟؟؟؟؟؟؟؟

عن اي دلع تتكلمون ترى في معلمات قاسيات واااجد ، يعني اني بنتي في مدرسة تقول تخاف من معلمتها لانها دائما تصارخ وتقول كلمات للبنات ، بنتي تقول لي ماما انت علمتينا ان لازم الواحد يعلم غيره ان هذا غلط علشان لا يعيده مو على طول يضربه او يغلط عليه ( هذا كلام بنتي ) . وحتى في الامتحانات ما يشرحون اليهم السؤال

دلع

ممكن اولياء الامور يقترحون لنا أنواع العقاب المفروض ممارسة على اولادهم أنا كأم أفضل حبس ولدي على ضربه ومثل ما أحرمه من الطلعة المعلمة من حقها تحرمه من الفسحة ويااولياء الامور تدرون لمن ينحرم صف من الفسحة تحرم المعلمة ايضا من الفسحة لان بتكون محبوسة مع عيالكم واللي ماتدرون عنه سوايا هالجيل والله قبل يومين ما أخذت ثواني توني طالعة بروح الحمام وماخطيت سوى خطوات ويجيني الصوت بنت قامت وطاحت في الصف وتعالي عاد نياح وصياح رغم إني عطيتهم التعليمات بحل الانشطة ولولا الحاجة ماطلعت عنهم

..............................

عن أي تدليع تتكلمون , لما المدرسة تعاقب الصف كله بسبب طالبة معينة والله انا اشوفها قساوة قلب , والمعلمة هي اللي يبغي لها العقاب .
ياما مدرسات يطلعون حرتهم في الطلاب بدون سبب , الحين مو بس هذا الجيل تعبان حتى المدرسات مالهم زاغر لشيء .
أنا اقول أن المدرسات يبغي لهم اعادة تأهيل خلال كل سنتين لأن مهما كان هذه مرأة والمرأة غير عن الرجل لها طاقة محدودة و.........

وايد شايفين حالهم

صدق ماعندها سالفة هالمدرسة ماليها حق ابد باللي سوته اهي مدرسة وسوت هاعقاب الله يعين لو كانت المديرة شتسوي؟! والله اني اشوف الحين صايرة موضة كل من تعينت مدرسة شافت حالها وقامت تبهدل في الطالبات حتى معلمات التدريب اللي اهم مو ضامنيين حالهم في هالوظيفة هم يسوون جذي اشدعوة معينيينهم وزيرات؟!كل وحدة جاية من الصبح في بالها اي مشكلة تطيحها بروس اليهال وتعالوا ابي اعرف اهم يهال واهي كبيرة اظن بحسبة امهم يعني يحطون راسهم براس اليهال صدق ما عندهم سالفة ما اقول الا الله يهديهم ويهدي الجميع......

مدرسة

صج ناس ما تبي اولادها تتربى
يعني ضرب ممنوع
صراخ ممنوع
شلون تبون المعلمة تعاقب الطلبة على الفوضى
انا كمعلمة وكأم اشوف ان الطريقة مافيها شي
بسكم عاد تدليع في اولادكم
فهموهم انهم لازم يكونون هادئين ومنضبطين في الصف, كونوا مع المعلمة وليس ضدها لمصلحة اولادكم.

عرفتوا الحين ليش هذا الجيل خايب

والله حالة حتى على هذا يشتكي أولياء الأمور في الجرايد. ياما شلخونا المدرسين في المدارس ووقفونا على ريل واحدة مقابلين الحايط ولا أحد من أولياء الأمور تكلم عن حقوق الإنسان ولا شئ. يلا عاد بلا دلع كفاية مسختوها يا أولياء الأمور

..........

وايد اشوف هالحركة في المسلسلات الامريكية.. يعني يمنعونهم من الخروج بس مو من الاكل. يعني مب يديدة. الاهل وش يقترحون من عقاب؟

والله مساكين المعلمات

لا اعلم لماذا التربية لا تقوم بتوظيف مدرسين لتعليم المراحل الابتدائية بدل المعلمات اللواتي يعانون كثيرا في التعامل مع الطلبة ... انا سائق باص واقوم بتوصيل طلاب من المرحلة الابتدائية وانا لا استطيع السيطرة عليهم من المشاغبة فكيف بالنساء ... كل يوم ارجع الى المنزل راسي يالمني كثيرا منهم ...
وامر اخر هناك طلاب رسبوا لاكثر من سنتين وثلاث أي عندما يكون في الصف الرابع يكون عمرة 13
قولوا لي من يستطيع السيطرة علية فكيف بالمعلمات .. لا استبعد ان المدرسة المسكينة شاب راسها منهم ..