صدفةٍ من دون ميعاد ووعد

كل منّا ينظر الآخر قبيله

ينظره وتسيل دمعاته بعد

صابنا ذهول في لحظه قليله

به سعدت وهو أيضاً بي سعد

قال: تذكر يوم كنّا بالمسيله

يوم كان الجو به غيم ورعد

من هذاك اليوم روحي بك قتيله

مستهيمه لين حبك بي صعد

صار مثل الدم من ضمن الفصيله

ما يتناقض طول عمره إن قعد

من عقب لحظات عشناها جميله

انصفق وجهه وجسمه ارتعد

قال جاء أبوي بالله شالوسيله

المهم السبت في نفس الوعد

راح يمشي كالذي ضيّع دليله

ايتلفت لين عنّي ابتعد

وافترقنا كل واحد في سبيله

غصب عنّا افترقنا يا سعد

غطرسة شارون

سلام الله على شعبٍ وقف قدْم اليهود حصون

وقف وقفة شموخ وكلّها بعلو وسموّه

وقف وقفة شرف واخلاص وإيمان وثبات الكون

بجاه اللي نصلّي له إله الخلق والقوّه

إلهي وأنت جاهي من تغطرس بالفعل شارون

تسوّي به كما سوّيت في فرعون من سوّه

تشمّتنا بهم ربي شماته ما بعدها لون

تفرّجنا عليهم يوم ما يصفى أبد جوّه

تخلّيهم بعد عبره كما الخاين أو الملعون

رضى وإلا زعل كيفه يموت وحسرته توّه

تحرّك يا جنون الشعر حرّك داخلي مسجون

يبي يعبّر عن احساسه بكل إصرار ومروّه

جنين العز والهيبه جنين الصامد المطعون

تخاذلنا بموقفنا ولا واحد بنا نوه

قضى كل الكلام ولا بقى غير السلاح عيون

نفاوضهم على خشمه على ناره على ضوّه

لنا مبدأ نعيش القدس امان وواقعٍ مضمون

مثل ما قالوة قبلي دفعنا روحنا خوّه

دفعناها لجل تبقى تعيش القدس لا للهون

ولا عزّه لنا إلا سوى الإسلام بعلوّه

عفريت شعري

عفريت شعري انتفض واصرخ بصرخه من جديد

هز المشاعر حرّكه حتى تهيّض خاطره

صوغ المعاني بلوره وارسم من الدمعه قصيد

لجل العقول التايهه تقنع بفعل الشاطره

غديت مثل اللي غدا يلوج بالصحرا وحيد

يوم الزمن ضده قسى خانت بحقه فاطره

مصيبتي يا كبرها ما يحمله قلبٍ بليد

دام الوعَد اللي مضى اقفى وبعدي ناطره

من عقب ما جوّي صفى تعكّر بعجٍ شديد

جت به رياحٍ عاتيه والأرض طبعاً ماطره

أخذت أحسّب واحتسب وآحاسب العمر العتيد

واقسم الناتج واضربه تطلع معي مخاطره

هجرت قاع المعركه شفت الخصم ما هو عنيد

يكفيني فخرٍ واكتفي ذكراي تبقى عاطره

ثمان ورود

يا بحر شوقي تعدّى حيل حدّه

ما قويت الصبر والله ما استطيع

من شهر راودني احساسي بشده

واتجاهل لهفة الشوق الفظيع

كنت أسلي خافقي باللي اوده

افتكرت انسى زهر فصل الربيع

لي ثمان أورود وأرعاهن لمده

لين يقوى عودهن يصبح رفيع

من حياتي ريّهن روحه ورده

وإن بغن أكثر لهن خادم مطيع

إنهبن قلبي وآزيت استرده

من فداياهن مع عيوني جميع

ما هقيت إن الغلا ملعون جده

يودع الرجّال كالطفل الرضيع