لا مو لهدرجة عاد النواعيد صدق بالشهرين اكثر او اقل لكن نعذر قسم الاسنان ..
اذا جاك واحد اسنانه كأنها قفص بط !! هذا يحتاج ساعتين تنظيف وفيها اضرار من رائحة العمبر هههههه

الحمد لله على كل حال ... من هالتعطيلة تركت المراكز ورحت على الخاص ... الواحد يضطر شيسوي بعد ..

السلمانية عطوني موعد شهر اربعة السنة الجاية ٢٠١٧ ، نقص كبير جدا في هذا التخصص

توني امس رايحة لاسناني وتوه فاتح المركز خلصو المواعيد
رحت ليهم فوق وقالت عقب ساعة تعالي يوم رحت ماعور راسه الدكتور كل شي بسرعة يسويه مع انه خلص مرضاه في ساعة ونص وباقي ساعتين ونص على انتهاء الدوام وش هاللعبة وين الرقابة
المهم اخد بس طلة وقومني وعطاني موعد عقب 5شهور يازعم قدموه ل4شهور يعني تطيح اسنانك وانت تنتظر موعدك وطلعت منهم ولا برجع ليهم
والله لو الميزانية مافكرنا فيهم رحنا خاص وفكينا روحنا

لو كل الناس تنظف اسنانها زين ماحتاجت حق مواعيد وترى نظام المواعيد من ٧ لي ١٠ طوارئ تحجز الموعد نفس اليوم وبعدها ربع ساعه استراحه وعقب المواعيد الى ١٢ والساعتين الباقي تروح في تعقيم الادوات و ترتيب العياده ولا ماتبون تعقيم ! لاتظلمون الموظفين اذا ماتعرفون النظام بالضبط

اخي انت تخدع نفسك .... الاوقات التي طرحتها لاصحة لها مع احترامي الشديد لك ...كذا مره رحنه طورائ الاسنان بالمراكز لاكن لم يسمحو لنا بالدخول

ارجوووك
اني شايفة بعيوني
ما ياخذون المواعيد وعقب هم مخلصين وماعندهم شي
ويعطون موعد لبعييييييييد
اني حامل ولازم موعد اسنان اثناء الحمل عشان يجيكون الميكروبات لا تاثر على الجنين
عطوني موعد عقب الولادة
هذا ويش اسوي فيه اني؟

موعدي الاسنان بعد 6 شهور

الاسكان بالسنين انا مثلا صار ليي 14 سنة انتظر بيت مو نفس الاسنان

فعلاً مواعيد الأسنان تتأخير بلا سبب ، اتابع مع احد المراكز الصحية وبعد كل موعد يعطوني موعد على الأقل بعد 3 أسابيع هاي اقرب موعد ، واذا تروح الصبح من 7 إلى 8:30 يدخلونك على طول !! اما بالنسبة إلى العمليات الجراحية في مستشفى السلمانية فأقرب موعد بعد سنة واسبوع من تاريخ اليوم !!!

وأطباء الأسنان البحرينيين عاطلين لم تقم الوزاره بتوظيفهم من ٣ سنوات !!

الحل الغاء العلاج الصحي المجاني وتعويض المواطنين بالتأمين في الشركة التي يختارها على حساب الدولة، وبجذي المواطن يحصل على علاج ممتاز وتقل تكاليف ميزانية الصحة.

لعبة في المراكز

صراحة المراكز الصحية لا رقيب ولا حسيب !!
تروح الساعة ١٠:٣٠ او ١١
يقول ليك ما في مواعيد خلصت
وتلاقي الدكاترة كلهم ماعندهم ولا مريض ؟!!
ماخذينها السالفة قنطراز
كل دكتور يگزرهاعلى كم مريض ياتحويل السلمانية او حده بندول
وين الإخلاص وين الانسانية
تروح الأسنان بعد نفس الشي
كل واحد ياخذ بس كم مريض ويقعد
السالفة قنطراز
والنَّاس تبي تتعالج ما ليهم احد
وهالقانون الفاشل
في اليوم من كل عائلة بس ١
الفقير ويش يسوي
عياداتهم الخاصة يتحملون فيك
بس العام ولا يهتمون ولا معاملة عدلة
لا حسيب ولا رقيب

انا كنت تنطر اتصال من مستشفي حمد كانو من سنة ولا جاني اتصال حق تنظيف وتعديل اسنان رحت ليهم بداية الشهر وقلت حق الدكتور ابي تعديل وتنظيف وقال لي الحين بس منسوي ليك تنظيف واذا تبي تعديل وتركيب حشوات عقب سنة شهور وانا من ساعة سبع الئ تسع مانادة احد وكلة يقولون مشغولين او الناس عندها بيزات ماجت ليهم الله كريم

لا تظلمون الأسنان وقتولون يخلصون من وكت شغلهم تكنيك وكسار ظهر ورقبة متعب مو بس كتابة أدوية وخلاص الظلم شين ولا المواعيد بعيدة بصراحة

هههههههه

احتمال يطلع لك بيت بس موعد اسنان ماعتقد تحصل

ماشاءالله

يعني بس الأسنان صارلي 6 أشهر وآنة أراجع أحد المستشفيات الحكومية ولة عارفين يشخصون مشكلتي بل رقم من أخذ عينة من الغدة وعملت مرتين أشعة او غير فحص الدم او لين أروح المستشفي على حسب الموعد أحس اني داش ورشة!؟

العوين الله

موظفين الاسنان في ستره الصحي عقب الساعة تسع يشيلون عليه ولا في رقيب

بدون ضمير اغلب موظفي قسم الاسنان في جميع مراكز الصحية الحكومية

عن قرب اتكلم لكم اغلب الي اشتغلنا معاهم بعد الساعة تسع مايبي يشوف مريض مستعد للهروب ويتحجج عليك ويعطيك مواعيد ثانيه وثالثه علشان ماتعطله عن الهروب ولا في رقيب

_

مرة عطوني موعد في السلمانية اذوني طامه عطوني عقب 5 اشهر يلا خير وسلامه عقب 5 شهور كد اذوني صحت ولا طمت من جديد بعد

استغرب المواعيد بعيدة
وهم والله العظيم واشوفهم بعيوني تصير الساعة 10 لو 11
ما عندهم مرضى
هذا مو حرام وفي ذمتهم؟؟؟؟
الناس تقول انا زين واصلي واصوم واروح المواتم لكن مو محصل توفيق
او مو محصل رزق
او مرضى او مو متوفقين في حياتهم الزوجية
المفروض يلاحظون تصرفاتهم
ظلم الناس هو السبب في عدم التوفيق
وبعدم ادائك لعملك باتقان هذا ظلم للناس ولنفسك اولا

مو بس مواعيد الاسنان
امي مريضة وراحت للمستشفى موعدها للاشعة للتشخيص شهر 6 / 2016
راجعت المستشفى من 8/2015
يعني قرابة 11 شهر

شكرا حسين
والى الامام
والمزيد من المشاركات
لكن هذا كأنه صعيدي مو بحريني (ههههه)

تجربتي في عيادات الاسنان الحكوميه.

اذا كان طارئ بسرعه الموعد .

الاسنان

نظفت جزء في شهر 3 و الباقي لشهر 12

اي والله حتى الواحد يكره يروح لهم هم متعمدين ما يبون يسوون ببلاش عشان الناس تروح للبيزات

مواعيد

حته مواعيد تنظيف الاسنان بعيده يعطونك بعد شهرين روح الساعة 11 ماعندهم شغل

بالفعل... يمكن اﻷرض لكل مواطن التي وعدنا بها اقرب من اﻹثنين راجعت عيادة اﻷسنان في شهر 3 الفائت وأعطوني موعد تنظيف في شهر 7 والفقير ما له الا أن ينتظر الفرج.

السلمانيه

مواعيد عمليات السلمانيه ابعد من مواعيد الاسنان بكل العيادات

الزمن غدار

اهلا وسهلا أتوقع تحصل موعد فى المقبرة قبل كل شئ بدون حجوزات