تقدم النائب عادل العسومي باقتراح برغبة بشأن منع بيع المواد الغذائية المنتجة في المنزل عن طريق مواقع التواصل الاجتماعي ما لم تكن حاصلة على رخصة رسمية، وذلك لعدم توافر الاشتراطات الصحية مما يهدد سلامة المستهلكين.
ويهدف المتقرح إلى أن من يريد مزاولة نشاط إنتاج المواد الغذائية من المنزل فعليه أن يحصل على التراخيص اللازمة من الجهات المعنية للتأكد من استيفاء المنتجات الغذائية وعدم الإضرار بصحة المستهلكين.
يذكر أن مقدمي الاقتراح إلى جانب النائب العسومي هم النواب: محسن البكري، عبدالحميد النجار، غازي آل رحمة، حمد الدوسري.
اللي يمد واير من غير تصريح ممنوع وغرامه ٥٠٠٠ دينار
والحين بعد علي للي يبيع مواد غدايه ومواطن مطحون
الله المستعان وافوض امري الي الله ان الله بصير بعباد
الله كريم والحمدالله شكراًلله
خلصت كل المواضيع ما حصلوا إلا هالموضوع ،، قطع الأعناق ولا قطع الأرزاق ،، خافوا ربكم ترى اليوم انتون على الأرض بكره بتكونون تحت الأرض ما يفيدكم لا كلامكم ولا مناصبكم ،، نشتري من البيوت مافي يوم شكينا من تسمم أو غيره بالعكس أحسن من أكل المطاعم ،، هذا بدل ما تفتحون مواضيع توظيف المواطنين تقعدون تجيبون مواضيع ما منها فايدة ،، صلى المصلي لأمرا كان يطلبه لما انقضى الأمر لا صلى و لا صام ، هالمثل ينطبق عليكم في الإنتخابات كلام غير و الحين غير ،، الحمد لله ما انتخبت أحد منهم وحتى في المستقبل ما بنتخب أحد
حرب اشكره .. ما وراكم الا مضرة الناس ثقوا ان اسمائكم ستسجل في مزبلة التاريخ ... جان طالبتون للناس برواتب عدلة وسكن ملائم وعيشة كريمة عشان ما يبيع في وسائل التواصل تحاربون الناس في لقمة عيشهم قطع الله أرزاقكم واعناقكم
اعوذ بالله هذوله مو نواب عن الشعب عذولة نوائب على الشعب
الظاهر خسران
الظاهر عنده مشروع مواد غذائية وخسران ياليت انعرف مشاريعه عشان انقاطعه
..
سمعت عنده ( أو أحد أفراد أسرته ) مطعم درجه أولي أو ثانية، الله أعلم .
البائع راضي و المشتري راضي انتو شنو حاشرنكم في الموضوع؟ أقول رحوا ناقشواالجزء الثاني من موضوع التفلة
اكلنه من المطاعم غير التسمم ما ليقنه واكلنه من اكل البيوت الي يبيعونه على الانستغرام والحمد لله ما يوم سمعنه احد تسمم اقول انت يا سعادة النائب شبعان روح شوف الفقارة واطمئن على حالهم مو تقطع ارزاقهم الناس لو محتاجة ما طبخت وباعت على الانستغرام اقول ليك قطع الاعناق ولا قطع الارزاق
يعني مضيقين على المواطن الفقير حتى في رزقه انت نائب عن المواطن لو ضده؟
مانبي شي منكم !!
حسبي الله عليكم يانواب !!
فشلتونة فشلتونة وفشلتونة ، الله يذكرك بالخير سعادة النائب السابق علي شمطوط هذي وقتك للرد لأنك نظيف ولا تعرف التمييز بين الطائفتين الكريمتين
والله حاله
وفي شهر رمضان تبي ترخيص بعد ؟؟؟؟
باعة الأ طعمة في المنازل
اولا هذا مشروع أسمة صنع في بيتي
الأسف الطعام الي يصنعونة أنظف من الثوب الي تلبسة هذي الصنعة يبي ل أليها سمعة او يفقد الزبون أنت أصنع سمعة اذا أستطعت
خلو الناس تترزق الله ، والقصد من هلموضوع يجمركون الباعة في التوصل الاجتماعي
مجلس النواب الباحثين عن الثراء على حساب الشعب المطحون يبتكرون الطرق للتضييق على الفقراء والمعدمين
إيه صدق المثل اللي يقول : عمره ماتبخر تبخر وإحترق
الاسد
اقتراح ممتاز ... على الاقل تكون الشغله منظمه ونظيفه .. واساسا هو ترخيص .. واللي عنده يبيع اكيد قادر يطلع ترخيص .. والواحد يشتري ولا يدري بنظافة مطبخ البائع .. على الاقل هناك جهة تفحص
الرجال عرض رايه
لا ممتاز ولا شي
الوزاره موقادره تفتش علي المطاعم المرخصه والمقاهي القذره من كثرهم، راح تقدر اتابع البيوت وتكشف عليها؟
عملية متابعة المطاعم والمقاهي يفترض فيها أنها تكون علي غفلة وفجائيه حتي لا تعطيهم فرصة لخداع الرقابة، هل يمكن للجهات الرقابيه القيام بالعمل نفسه مع البيوت ودخولها متي شائت ودون إخطار مسبق للتحقق من نظافتها ؟؟؟
وكم موظف سيحتاجون لتغطية كافة المطاعم والبرادات والبقالات والمقاهي والبسطات والفرشات ومحلات بيع الاسماك واللحوم والفنادق وغيرها ؟؟
الفرق بين البيت والمطعم
إذا المطعم صار فيه تسمم والناس تضررت منه ممكن يغلق بالشمع الاحمر وهل يمكن غلق البيت كذلك بالشمع الاحمر ؟؟ !!
وهل يمنع أهل البيت ومعارفهم من الاكل في البيت أو الطبخ لأفراد الاسرة والمعازيم إذا إجراءات السلامة لم تتبع ؟؟
هذيله هم بعد مواطنين والدولة مسئولة عن سلامتهم ؟
اذا ما تقدرون تسوون شي للشعب على الأقل سكتوا و خلوا الناس تتصرف
أريد أعرف النواب ليش أفكارهم مو في الجانب السياسي وتحسين وضع البلد وإِثراء القوانين التي تصب في مصلحة الشعب وأعني بذلك القضايا الأهم والشائكة .. ليش يتكلمون في تفاصيل التفاصيل وأمور هامشية في حين هناك قضايا رئيسية عالقة وقوانين يحتاجها المواطن لتحسين وضعه ككل.
اخواني انا عندي خاله طباخه تبيع اكل في البيت اخذت رخصة ل استغرام و التواصل ما عرف كيف لكن سمعتو من زوجتي بالعكس جيد مافي شبء ألي يبي ياخذ علدي هذا ضمان لعيالكم ولكم
والله عيب وحرام عليكم بهذه المطالبات خلكم عن الحقد و الحسد وخلو الناس تعيش كفايه ضيق العيش المستشري في هالبلد ترى الناس بتموت من القهر ياريت تناقشون أمور تفيد المواطنين وترفع من معيشتهم .
فعلا كما كتبتم هنا " و يهدف المتقرح ... " لا بدّ أنّ له هدفاً ، و إلّا ما كان اقترح !!!!
ويش تسوي في هالديره ..(( واحل الله البيع وحرم الربا )) هذلين يترزقون للعيش فقط لا للترفه ..
لايرحمون ولايخلون رحمة الله تنزل، انتم نواب عن من!!!!!؟
استغفر الله العظيم... ما في حدا بالكون يقدر يمنع رحمة الله.... استغفر ربك وأنسى هذا المثل
يا عادل
بفيدك بمعلومة بأن أكل البيت انظف والذ بشرط ان تطبخه الأسرة وليست الخدم.
انت نفذ برنامجك الانتخابي اول وبعدها تكلم
ارجوك
هذا اللي فالحين فيه قطع أرزاق الناس لكن لروحكم تشتغلون بكل قوة لزيادة إمتيازاتكم في المجلس الفاشل. مجموعة نواب كل همهم محاربة الناس في أرزاقهم!!!
يا شباب هم يقصدون المنتوجات الايرانيه الله كريم
لا اعتقدهذا… لأن المنتجات الايرانيه لا تباع في البيوت..
بوعلي
بصراحة اغلبهم اسعارهم فوق الي يبيعون عن طريق التواصل الاحتماعي كانة فاتحين محل ويدفعون الايجار والرسوم ولا نشوف في الصور غير والواقع غير
.......
صدقت
ماذا قدمت للشباب منذ دخولك المجلس..؟
محرقي : احنه على الله ثم على اكل عيال الديرة من بيوتهم ما شاء الله عليهم نظيف وطيب وصحي الله يبارك لهم في بيعهم وزيدهم من فضله .. جرب يا ولد الزين عندنا في البيت والشين حولينا ..
..
ما احد اشتكى ليكم يا نواب
ليش المواطن البحريني محارب في لقمة عيشه لازم تشيلون اللقمة من بوزه وبالغصب، اللي عندكم ممنوع في الكويت على سبيل المثال هذا مشروع صغير ومو شرط يحصل عليه ترخيص
يالناس تكون عبيد لكم ويشتغلون بأخس المهن يا تسحبون اللقمة من بوزه
متى بس الله يفكنا من شروركم
باقي بس يقولون ممنوع تطبخ في البيت إلى عائلتك. ...هموم النواب وإنجازات النواب ضد الشعب
صح
هل النائب يمنع توزيع الاكل المطبوخ في البيت علي الجيران بالمجان ؟؟
وهل يطالب بالكشف علي المطابخ في البيوت وطريقه إعداد الوجبات في البيوت حتي لا يتسبب في مرض من يتناولونه من أفراد البيت والجيران والضيوف ؟؟
وانته ويش عليك ..
اكيد عنده برادة وزابائنه كل اثيوبيات وفلبينيات هدو برادته ويطلبون من الانستغرام او تويتر ههههه طلع حسود النائب ههههههه
اهوو زين و مو زين
زين انه نضمن الشي اللي ناكله
و مو زين لان مو الكل يقدر يطلع رخصة
و ثانيا بعض اللي يبيعون على الانستا
طباخهم واايد حلو و ما تحصله بره
يعني المطاعم المنتشرة كلها نظيفة ومضمونة!؟
كل مرة يتقفل مطعم بسبب تسمم في الأكل وغيره
هالنواب يجيبون للشعب نوايب..
يبون يفرضون على الشعب نظرية جورج اورويل 1984 "الأخ الأكبر يراقبك"
ويش هالحالة
لماذا ؟؟؟!!
الاكل المسوى في البيوت انظف من المطاعم وبدل ماتدور شي زيادة تضايق في المواطنين اللي يشتغلون عشان يعيشون روح حارب التمميز والطائفية اللي منتشرة في هالبلد واحنا اللي طايحين فيها
يعني تحاربون العالم في لقمة عيشهم
والله فشلتونا
وغيران من هالعالم الي تكد وتكدح للقمة عيشها بالحلال؟
والشعب يقترح
عدم وضع اي اقتراح منكم في وسائل الاعلام لما تسببه اقتراحاتكم من امراض مزمنه مثل الضغط والقلب وظيق في التنفس والعيشه
خله ...
.
اعتقد ان ما يباع في البيوت من اطعمة اكثر نظافة مما نشتريه في المطاعم والناس لاتشتري الا اذا تاكدت من نظافة الطعام وان الناس ليست مجبورة على الشراء مما يباع في البيوت