يعلم أهلها بأنها تدخن الشيشة، إلا أنه يصعب عليها وهي البالغة 34 عاماً أن تخبرهم بأنها خارجة لأحد المقاهي، (ع.ا) سيدةٌ التقتها «الوسط» في أحد المقاهي ترى بأن المجتمع البحريني لازال لا يتقبل فكرة تدخين السيدات للشيشة العادية، والأمر ينطبق على الشيشة الإلكترونية والتي وصفتها بـ»الموضة».
وأضافت:» نظرة المجتمع للمدخنة لا تتغيّر بسهولة سيما بالنسبة للرجال أو السيدات الغير مدخنات، وإن رفض البعض وكابر إلا أن كثيراً من أفراد المجتمع يرون المدخنة بنظرة معيبة وهذا أمر غير منطقي فالتدخين لا علاقة له بالأخلاق».
مرت أربع سنوات على تدخينها للشيشة والتي كان من أهم أسبابها الصديقات، هي اليوم تدخن بمعدل ساعة ونصف الساعة يومياً، إلا أنها ترى بأنها قادرة في أي وقت على التوقف، وعلى رغم أنها جامعية وتعمل في أحدى المؤسسات الحكومية وتعي جيداً مضار التدخين بكافة أنواعه، إلا أنها ترى بأن تدخين الشيشة يجلب لها الكثير من الراحة النفسية ويعطيها مساحة للتخلص من ضغوط الحياة كما ويسهم في تمضية الوقت.
العدد 5015 - الإثنين 30 مايو 2016م الموافق 23 شعبان 1437هـ
مجتمعات "تدعي الفضيلة" فتستنكر الخطأ إذا وقع من إمرأة أما إذا كان نفس الخطأ قد صدر من الرجل فتتوقف غيرتهم على الفضيلة. تناقض!
الخطأ خطأ بغض النظر عن الفاعل. والخطأ يعيب الفاعل بغض النظر عن كونه رجل أو إمرأة.
ما يعجبني
كسيدة و كأم ما احب اكون من مرتادي المقاهي و تدخين الشيشة لازم اكون قدوة امام اطفالي و اساسا التحضر يكون بالتزام الحيا و الحشمة و مو بهالمظهر اللي يقولون حرية المرأة و هرار هذا اسقاط لها ... شخصيا انظر للبنات و النساء من هالنوع نظرة دونية و اشعر انها متخلفة و اشفق عليها
شدخل يعني انتو ماادري وش فيكم مرضى تره التدخين مومكتوب عليه لرجال فقط وبنت اذا شربت يعني ماستوت موشريفه ، وبل اخص وش يفرق بين شيشه و القدو ????
مافؤ اعتراض ع التدخين
والدتي تدخن لكن مو قدام اللي يسوى و اللي ما يسوى ... في البيت او في الماتم ويه نسوان مو شاهر ظاهر ... الاعتراض ع تدخين الشيشة في القهاوي وسط رجال و الدين و العادات ضرب الحائط
مجتمع متخلف دايما نظرته عنصريه
تناقض .. يعني شرب الكدو حلال والشيشة حرام؟ ترى نفس الشي ويش الفرق
افهم يا عميي
مظار القدو والشيشه ما بنختلف عليها لكن كلامنا وين نسوانا المحترمات الا يشربون القدو في بيوتهم او في المواتم إلى بنات اليوم في قهاوي وشوارع وبسطات لمنتصف الليل مع رجال لا اخلاق ولا غيره والعياذ بالله
ههههههه ماادري شلون تفهمون بابا امهاتنا الي تتكلم عنهم يدخنون القدو في البيوت ومسكرين عليهم الابواب الا القلة القليلة الي ت ضطرهم الظروف مثل اذا مسافرة وبعد هذا مو عذر بس اشرح لك متى المراة شفناها تشرب مو احين روح القهاوي وشوف البلاوي هادي حالة يعني قال ويش تناقض اي تناقض اي بطيخ الاول بعد ينخشون داخل القهاوي احين يبسطون برة ويشيشون وردا على الي يقول ان نعتبرها مو شريفة ويش هالحجي من تكلم على الاعراض احين قالوا عيب غير محبب للنظر خلكم على الحرية الي تنادون فيها بنشوف وين توصلون والله يحفظنا يارب
ما ذبح المجتمعات وزاد الفساد الا الحرية شخصية كل شي درجتونه صوب الحريات الشخصية لحد ما راحت المجتمعات لوراء وما ندري لوين بنوصل عجيب امركم
بتقولون الاول المراة تدخن صحيح المراة الاول تدخن بس في مكان ساتر بعيد عن اعين الرجال داخل البيوت مو احين شهار ظهار روحوا مدينة حمد وانت راجع من الهملة شوفوا البلاوي بس صوب القهاوي بنات تدخين وسيلقة والخافي اعظم الله يجيرنا من الجاي
اشربي قدو وفكي روحش
لوعتوه جبدنا والله
انتوا اول صيروا رجال اشتغلوا وكافحوا واتركوا عنكم قعدات القهاوي بعدين حاسبوا المراءة المكافحه من الصبح الى الليل
مااقول الا مالت عليكم
انتين الظاهر من قوم الفيمينيست الي يسوون روحهم مول، القهاوي اماكن تجمع الرجال والشباب مو اماكن تجمع الي خبرش انرزوا في بيوتكم وتركوا عنكم احلامكم الوردية مال المسلسلات التركية
لا عيني انا مب تبع مسلسلات تركيه ولا الاحلام الورديه
انا امراءه وقد حققت لنفسي ولاولادي بفضل الله وكفاحي كل مااتمناه من خير ونجاح
انا امراءة افضل من رجالا ينامون بالنهار ويسهرون بالليل في القهاوي
تنزعجون من امراءة تشيش ؟؟؟
عجبي والنسوان الي يشربون قدو عالشاطى او المنتزهات !!! لا يكون شرب القدو تسبيحات ؟
عرب متخلفين
والله ان الرسول (ص) ابتلش فيكم
شكل غير مقبول تماما .
هذي حريه شخصيه ..
كل شخص له وجهة نظر اخرى
فلحد يغلط او يتعدة حدوده على شخص الاخر
اذا ماعجبك الشي خلاص ..
اهم ششي هي مقتنعه في الي تسويه
الحريه الشخصيه على راسي ولكن
كل تصرفات الناس تحت اسم حرية شخصيه تتعارض مع القيم والعادات وقبلها مع الاسلام ولها من الضرر الكبير في نفوس الاخرين وكل شخص مسؤول امام الله عن افعاله وخصوصا ان كان لها تأثير على الآخرين مادري شلون تفكرون واي حريه شخصيه تتكلمون عنها
الله يهديش
اي حريه واي خرابييط خلي عنش الدين والشرع بالله مقتنعه ان هذي عادتنا وتناسب بناتنا بنات العوايل العدله المتربيه !!!
اهكذا تكون مربية الاجيال ... على الدنيا السلام
الحياء زينة يا اختي
الله يهديش خيو لو بس تدرون وش نظرة المجتمع ليكم لما فكرتم بحضور هذه الاماكن دقيقه وحده ولكن الهدايه من الله
الحياة تجربة