في السابق، عندما كنت ترى شخصاً يرتدي حذاءً رياضياً، تعرف أنه متوجه لممارسة الرياضة أو لعب الكرة، ولكن هذه الأيام يبدو أن الأحذية الرياضية لم تعد مقتصرة على اللاعبين في ميادين الرياضة، كما أنها لم تعد إشارة إلى أن الذي ينتعلها يتمتع برشاقة، إذ أصبحت اليوم مترافقة مع شتى الأزياء حتى الرسمية منها.
فبرأيك... هل إقبال الناس على ارتداء الأحذية الرياضية هذه الأيام دليل على وعيهم الصحي بضرورة ارتداء أحذية مريحة تساعدهم على المحافظة على صحتهم، أم باتت مجرد موضة، وسيتم تركها إذا انتهت؟
زائر 35 لا وعي ولا شي لو بيوتعون اوتعوا لاشيا ثانية ههههههه اصبر شوي وانطر الهبة الجيدة بتشوف شلون الناس بتنقل اليها احين كلشي بالموضات وشنو لبست الفاشينستا وشنو حطت لا وعي ولا خرابيط
الحين كلهم بيطلعون رياضيين
شعب متعدد المواهب
انا كنت اظن بس موضة... ولكن الناس اعتقد صار عندها وعي لصحتها خصوصا النسوان
يختلف من شخص الي اخر .الكبار السن يلبسونه لأن عندهم مشاكل في المفاصل الركبه أو القدم في الحذاء الرياضي مريح نوعا ما..والبعض نفس الشباب يلبسه الي الرياضه. أما البنات دائما مع الموضه أو تقليد...
سابقا كنا نلبس كعوب حاليا الظهر ما فيه فايدة وصرنا انصلحه بجواتي الرياضة
وعي صحي اكيد
يختلف ناس تلبسه لانه موضه وناس تلبسه وعي صحي
وانا شخصيا البسه لانه طبيعه العمل تتطلب
وعي صحي
ههههههه الي مستنكر ان قلنا موضة ما يشوف بعيونه ان هالنوع من الاحذية قبل سنتين وشوي كانت غير متداولة والناس ما تلبسها الا القلة القليلة الي يقول متعود على عيني وراسي بس الي اشوفه واعرفه والاحظه ان كثير من النساء وخاصة النساء اتجهت لهذا النوع من الحذاء لان موضة ما كنا نشوفه قبل
اكيد موضه مئة بالمئة بعد بتخلص هالموضة وبتجي غيرها واذكروا كلامنا
موضة صح بس حاليا الناس صارت واعيه صحيا اكثر واتدور الراحة
انا يومية وي العمال في وسط الشغل وعفايسه وما احب البس جوتي سفتي وانا ادري بأهمية السفتي لكن البس جوتي رياضة وادري انه خلال شهر واحد من لبسته بيتشقق من حوسة الشغل فيه. الزبدة انه موضوعكم اليوم مامنه فايدة الواحد يلبس جوتي رياضة لو نعال زنوبة المهم يريحه ويناسب هيئته.
صح كلامك... كل واحد يلبس الشي الي يريحه... عن نفس ما البس الا زنوبه وفي الشغل البس جوتي بس من اوصل المكتب افصخه
مادري ليش بعض الاجابات (أكيييد موضة) وبعضهم (أكيد أصح)
والله ناس بتلبسه لانه موضة
وناس لان تهتم بصحتها
وناس لان وضعهم الصحي مايسمح الا يلبسون جوتي رياضة
بالنسبة ليي اختار جواتي الرياضة الا تكون عملية ومريحة بحكم ان عندي فلات فووت واتعب بالجواتي العادية.
نعال وبس
النعال افضل... الجوتي لحكرت الرجول
لاهذا ولاهذا اني وحدة البس رياضي لكل طلعاتي لان بصراحة اريح واخف للحركة
يعتمد على عمر الشخص مثلا رجال شخصية ﻻزم يلبس حداء رياضي يناسب الزي مثل الثوب يكون الحداء لونه اسود يركب... مثل سروال رياضي على حسب لونه اللباس وانا من محبين الحداء الرياضي الخفيف هو صحي للجسم وافضل من الحداء رديئ الصنع يئدي المفاصل وخصوصاً اﻻشخاص الدين يعانون الم المفاصل والظهر.
فقط موضة واللي زيدها أن إهية جت مريحة هالمرة.
موضة صحية :)
رأي ان الشباب واليافعين البعض موضه، والبعض الآخر وعي صحي
وإن أكثر كبار السن وعي صحي
وعي صحي
بالنسبة لي ولعائلتي هي وعي صحي وليست موضة
الا..موضة ونص. .وين حذاء الرياضة من قبل. كل واحد يطالع الثاني. لاتقصون على نفسك. والله هو من زماااان صحي ومفيدوينكم عنه من قبل .صراحة
موضة بعد ويش
موضة اي وع اي بطيخ هههههههه
موضة فقط! كلام فارغ واستهزاء... موضة أم لا، وعي أو لا وعي المهم صحي، من الجيد ارتائه في المشي لمسافات طويلة والسياقة.
صحي اكثر
كبير السن مايقدر يمشي ويرتدي حذاء رياضة بتقولون موضة فهموني وين الموضة
أنا احس موضة ..
موضة
موضة ولو تطلع موضة نعال الحمام مكرم السامع بعد بيلبسونها
واقعا، هو وعي صحي، اكثر مما هو موضه
مجرد موضة يعني مالها علاقة بالرياضة ولا شي
موضة .
اريح للمشي صراحة من الكعوب و الجواتي المسطحة اليابسة ..
موضة يصنعها الاغنياء ليكذبوا بها على الاغبياء
والله جوتي رياضة على ثوب او بدلة
الحذا الرياضي حلو و خفيف
لكن انا ما يقهرني الا اللي يلبس ثوب و عقال
و تطالع تحت تشوفه لابس سكيتشر
موضة
اكيد موضة وبيتركونها اذا راحت والله هذولا الناس وينهم ووين الصحة لو يعرفون الصحة تَرَكُوا التدخين والشرب وتركوا الاكل الغير الصحي
الاثنين ولكن الاثنين شي اجابي ف الحداء الرياضي الاصلي مريح اكثر من الاحذية الرسمية
توجهت اليه بشكل دائم ، بسبب الحاجة لوضع قطعة طبية في الحذاء ولبسها بشكل دائم
دليل على وعيهم الصحي بضرورة ارتداء أحذية مريحة تساعدهم على المحافظة على صحتهم،