بعد الأبوه في حياتي تغيّرت

صرت اقتحم أعتى واهم الميادين

علّيت من قدري كثير وتطوّرت

ياما من ابداعي قلبت الموازين

أول أعيش بقلب واحد وعمرّت

صدري بجنب القلب خليت قلبين

نعمه من الله في جزاها تحيرّت

أغلى من كنوز الذهب والملايين

(علي علي) نوّرت نوّرت نوّرت

عضيد ثاني من بعد الاول (حسين)

فنّان شعر وبالمعاني تخيّرت

جواهرٍ تسكن عقول الكثيرين

لكن فهذا اليوم بالذات احترّت

وشلون اصيغ مْن الفرح بيت, بيتين؟

لو كان بيديني من ايام قرّرت

اكتب من احساسٍ غمرني دواوين

الله عطاني فوق ما آنا تصورّت

ابغي ولد واحد عطاني هالاثنين

كلما تأملت بعطا الله وفكّرت

من زود فرحي بيّنت دمعة العين

بمناسبة قدوم ابني الثاني (علي محمد الجلواح)