كان الفضا أوراق

في درج مكتبتي...

وكنا ثلاث عشاق

انتي... وأنا... وانتي...

لا

لا تطلب الغيمه

ليله من الرذراذ...

ما للطلب قيمه

دام المطر: شحاذ...

أسئلة

يا هل ترى السراب يشوفنا سراب؟

يا هل ترى هذا بكا غصنٍ ترك حريته في الغاب؟ ولا... صرير الباب؟

ومن من... أو ليه... ولمتى؟

تبقى الخطاوي هاربه؟

ليه أول احبابي: سؤالٍ مستحيل؟

وآخر احبابي: اجابه كاذبه؟

وطني

أحبك كثر ما احبك... أحبك واكره الإملاء...

هو العشق: احتمالات التطاول في البنا «قبل: الألِف»

منّح البنفسج فرصته للركض «بعد الياء»..