يـابنت انـا مـاني كـذا وظنونك تكذّب عليك

كـلي عـيوب وما قوت تخجلني ظنونك واتوب

اكذب عليك ودوم اخونك والبس الابيض واجيك

واعـشق معك الفين وجه ويمتلي صدري قلوب

احـلى الـكلام اقـوله لـك لوقلته البارح لذيك

يـوقف عـلى شْفاهي معك مراهقٍ صب لعوب

اكـذب ولا ادري لـيه اكذب اعشقك ما ارتجيك

اخاف من صدق الحقيقه في الهروب من الهروب

والله احـبك واعـشقك واعرف زمان اني ابيك

ولـكنها هـذي الـحياة تـعلمت مـنّي الذنوب

الـعين عـجزت تـعتقك الـقلب عيا يشتريك

فـي السجن خيّالٍ وفي في الصدر رجال كذوب

هـذي الحقيقة ما يجي في الكون اطهر من يديك

وانـا الـذي انقظ وضوء الغيم والما والهبوب

انـقل عـيوبي فـوق متني وانتي لعيبك شريك

وبـاكر تـبسم لي وجـيهٍ لـك يعبسها الشحوب

يـا طـاهره حـنّا كـذا والمظهر يكذب عليك

يـمكن يـجي يومٍ يجي نخجل من ظنوك نتوب