لمتى؟

واحنا الاحتياط ؟

همسة

للأسف الوزارة قاعدة تفقد الكوادر المتميزة في التدريس بسبب ظلمها

معلمة مجاهدة

تدرون فالتيني في مدرسة آخر البحرين
ولا عندي مواصلات خاصة
ولا الوزارة راضية توفر ليي مواصلاات

لما رحت أراجعهم قالوا ليي
احمدي ربش وظفناش
أنا أسأل وزير التربية هل هذا التعامل إنساني من قبل موظفيك الموقرين في الوزارة
ولا يفوتكم إذا تأخرت دقيقة يعني وصلت 7 و11د يحسبوني تأخير
وإذا الباص ما جاني وما داومت يقصون من راتبي
وأزيدكم من الشعر بيت ما أمدح روحي لكن الكل يشهد ليي في المدرسة بالجهود إلي أبذلها في سبيل تحسين مستوى طالباتي

شهالقلوب المريضة!!

مو ذابح الناس الا الحسد .. انتو شو بيضركم لو عدلوا اوضاع المعلمين ؟؟! شاطين روحكم و تقولون عندكم بكالوريوس .. الا ما عندكم حتى ثانوية !
لمعلوماتكم .. المعلمين يتعاملون مع عقول !! وهذي العقول معظمها طبول خاصة بعد ما جنسوكم لنا!
المعلم بأمريكا بعد عدة سنوات تدريس ما ينأخذ حتى بشهادته بالمحكمة من الدمار اللي يصيده بسبب التدريس و تقولون كيت كيت .. صدق جهّال !!

سمعة الوزارة صارت في الطين .. اللهم نسألك الفرج

أنا أيضا أتفق مع زائر 11

الصراحة كلامك عدل 100% إما إنهم كسالا ومقهورين من المعلمين لأنهم كانوا يعاقبونهم على إهمالهم في الدراسة،،،، أو أنهم معقدين نفسيا .....والنتيجة واحدة

زائــــــــــــر 11 .. بارك الله فيك

أتمنى من اصحاب التعليقات المقهورة قراءة تعليق الزائر 11 لعلهم يفقهون ، واطمنكم أن أوضاع المعلمين ما راح تتغير إذا في عقليات وتفكير بنفس مستواكم . فقروا عيناً .. لكن ما ضاع حق وراءه مطالب والله المستعان ..

انا معلمة وبقدم استقالتي

السلام عليكم،
انا معلمة جديدة توني متوظفة السنة هذي..
وانصدمت بهذا الجيل التعبان، يكفي ان احنا نستحمله تعب نفسي جيل مغاير تماماً عن جيلنا لا ادب لا احترام ناقص بس يضربونا...
بصراحة التدريس الأول راحة بس من كم سنة كل شي تعقد وصار التدريس مهنة لا تطاق من حيث تحملنا للطالبات ومن حيث عدم التقدير ومن حيث الوقت ( 6 ساعات ونص دوام + سبع ساعات متواصلة لشغل المدرسة ).

اتعب ما في مهنة التدريس

إنك تدرس ابناء جيل أفكار أولياء امورهم سطحية مما ينعكس بدوره على تفكير ابنائهم وسلوكياتهم
معلمة لا تريد زيادة في الراتب فقط تريد احترام مهنتها

مافي وظيفه مافيها تعب

كل وظيفه وليها تعبها والمعلمين تعبهم مو في التدريس بحد ذاته
تعبهم يا من الاداره او الطالبات نفسهم والا شرح الدرس مافي شي متعب

مطالبكم مشروعة يا معلمين

مطالبكم مشروعة يا معلمين وإن شاء الله الوزارة تستجيب لها. ومن ينتقد مطالبة المستضعفين لحقوقهم أقول حقهم طالبوا انتوا بحقوقكم بدل الذم والتنقيص في غيركم وللعلم أنا لا انتمي إلى قطاع التعليم

إلى المعلقين الحسودين

ليش كل هذا الحسد يا جماعة الا يسمع يقول بيقصون رواتبكم وبيعطونهم المعلمين أنا عاطلة جامعية ولست معلمة لكن الحق يقال إن المعلمين يتعبون أكثر من غيرهم فيجب على الحكومة إنصافهم وإنصاف غيرهم وتركوا عنكم الحسد يا بحارنة

الي ما يعرف عن التدريس شي لا يتكلم

اولا رواتبا ليست خيالية نصها في الديون ثانيا الاجازة من يستفيد منها اسعار التذاكر اذا نبي نسافر خيالية لان الاجازة في موسم السفر ثالثا اكثر من 150 ورقة يتم تصحيحها اسبوعيا بالاضافة الى الدفاتر والكراسات ناهيك عن تحضير دروس الكترونية باستخدام السبورة الذكية والتفاعلية وطبعا هذا ما يصير الا في البيت لضيق الوقت وازيد اكثر استراتيجية التعليم التعاوني والتمايزي اللي تتطلب تمارين بالهبل وكل هذا من حسابي. الحبر ما يمر علية اسبوع وشي وخلص والمدرسة دائما في ميزانية والهدايا اكيد مو من رامز تحتاج فلوس.

ليش الحقد على المعلمين

المعلم يتعب ويشقى واخر شي مافي تقدير انه معلمة لويرجع بي الزمان ما اختار مهنة التدريس وذلك لضيع حق المعلم وياريت يكون وزير الدفاع اوالصحة وزيرنا عشان يطالبون بحقوقنا وتتعدل الرواتب اللي كل وزارة عدلت رواتب موظفيها الا وزارتنا لي متى لكن ماقول الا حسبي الله ونعم الوكيل على كل من يقول ان المدرس عنده امتيازات احن حتى الطلبة صرنا نحسب لهم الف حساب لو الطالبة تغلط على المعلمة المعلمة مجبورة ان ماترد عليها وتتهزئ من قبل الطالبات ولما تشتكي الادارة يقولون كل من المعلمة ماعندها ادارة هذي مب ضغط نفسي

الرد على 6 و 8

أي رواتب خيالية وأي حوافز واي اجازات بالهبل اولا اجازة الصيف والربيع اجبارية يعني المدرس مايستفيد منها عدل حتى في اجازة الولادة فانا مدرسة بعد الولادة باسبوع قاعدة اسوي خطة القسم في البيت ناهيك عن اتصالات الادارة والاعمال المطلوبه ومدرسة ثانية معاي بعد ولادتها بيومين تم ارسال لها اوراق الأمتحان في البيت للتصحيح وعلى فكرة عمري ما اخذت ساعات الرضاعة كاملة الا في نهاية السنه بعد غياب الطالبات فضلا عن توصيل الطالبات للفعاليات المقامة وشراء الحبر من ميزانيتي لطباعة الأوراق اذ لايوجد ميزانية بالمدرسة

عجبني كلامك زائر خمسه

يامعلمين ويا معلمات مافيكم شده على التدريس خلوه لغيركم
مااعمم ولكن معظم المعلمين والمعلمات مايتعبون في التدريس ولا يهمهم فهم الطالب او لا ورافعين خشمهم بعد
في المقابل فيه معلمين ومعلمات ينحطون على الجرح يطيب فعلا يدرسون من قلب وظمير وراتبهم حلال

عليك نور يا زائر رقم 5

بصراحه اني ويا زائ 5 بعض المعلمات من تتوظف ظلت حمل سنويا ورضاعه وهامله الطالبات كلش كلش اخذت تحضير من صديقه ليها وجت تهره على الطالبات وفيه معلمات كل يوم استئذان وتعال ليهم في حجرة المعلمات كله سوالف وهرار وين التعب والمرض الي تتكلمون عنه والمعاشات زينه لكن الطمع وش يسوي في بني آدم

الى زار 7+8

أسئل الله ان يصلط عليكم من الايرحمكم ( انا ليس مدرس ولا مضف حكومه )

حقيقة المقهورين من المعلمين ..

انا اتصور كل اللي معارضين تحسين ظروف المعلمين -كأن قايلين لهم بياخذون من معاشاتهم وبيعطون المعلمين - هذولة كانوا اصلا في المدرسة كسلانين وحالتهم حالة .. فصادتهم حالة نفسية من المعلمين ودهم ينتقمون بس مو عارفين شلون فقالوا ما عندهم الا انهم يوقفون -ولو بالكلام- ضد اي فكرة او رأي لصالح المعلمين .. يبه روحوا تعالجوا احسن لكم .. تره حالتكم صعبة

لست بمدرس

لكن مهنة التدريس مهنه شاقه جدا يكفي المدرس يقف طوال الدوام ويشرح ويبح صوته وانا اتحدى من غير المدرسين يقوموا بتدريس او شرح ماده معينه ساعه متواصله لاحد من ابناءه والله ثم والله يمرض و ما اقول الا الله يكون بعون المدرسين المخلصين والاوفياء و اود ان اذكر شئ ان بعض المدرسين بعد التقاعد تجدهم اختلوا عقليا او لم يعمروا كثيرا ذلك بسب ما عاناه بسبب التدريس والذي استطيع قوله فقط عليه العوض ومنه العوض والله يكون في عونكم يا مربي الاجيال

مثل ما انتو تشتغلون حنا نشتغل

انتو تقولون ما يخلص شغلكم حتى حنا كفايه نرجع للبيت تعبانين ونرجع للاولادنا ونشوف طلباتكم الي ما تنتهي هي مشاريع هي اختبارات هي مراجعه وبعدين لكل وظيفه صعوباتها والا انتو على راسكم ريشه وماخذين مهنه التدريس انها مهنه غير الكل هذا قبل الحين مثل ما انتو تتعبون حنا نتعب ويمكن اكثر منكم والقهر كلما سألت ولدك عن المدرسه يقولك اليوم غايبه وقالت لنا الاسبوع اللي فات هذا الدرس بيجينا بالاختبار يعني التعب على ولي الامر يشرح الدرس بدل المدرس للولد صدق قبل المدرس غير كل شي عليه مو مثل الحين نص العمل عليه

يا كثر مطالبكم يالمدرسين

ملاحظه ان اكثر فئه تطالب المدرسين للعلم انهم اقل ساعات دوام بالوزارات واكثر فئه لديها اجازات وبعدين كل الوزارات متساويه ورواتبكم اعلى من اي وزارة هذا حنا بكالوريوس مثلكم ورواتبنا اقل منكم ومهنة التدريس كمهنة التمريض كأي مهنه ثانيه تخدم البلد ومثل ما انتو تتحملون مشاكل الطلبه حنا نتحمل مشاكل المراجعين وبالسابق فعلا مهنة التدريس مهنه انسانيه اما الان باتت مهنه حالها حال اي مهنه يدخلها الفرد وليس حبا فيها انما بالدوام والراتب اتاطالب اذا بزيادة الراتب حسب الشهاده كلنا نتساوى بالدرجاتوالراتب

الرد على زائر رقم 5

اشكره انك اجنبي اذا مو جلف - ومن الاسباب اللي خلت التلعيم يكون ليس بالمستوى سياسة وزارة التربية في توظيف من هم ليسوا احق بالتربية ناهيك عن التعليم لان البلد فيها الكثير من المتخرجين واليك دليل مني انا مدرس معاي مدرس مصري تكنلوجيا يازعم ما يعرف يقطع الورق بالقاطع اللي مجود في كل استديو ياعمي عندك حجي قوله للوزير وعلمه المدرس في الخليج اشلون مقدر ويعامل معاملة ورثه الانبياء واقل راتب في الخليج على فكره يبتدي من 1000 دينار يا جاهل

ليش الطمع يا جماعه

رواتبكم خياليه وحوافز وترقيات مستمره ولكن انتاج سيئ وضعيف ، دوام 5 أو 6 ساعات في اليوم و 4حصص أو أقل في اليوم اجازات بالهبل وغياب بدون سبب واجازات مرضيه واجازات الولاده المتعمده وساعات الرضاعه (اللي ماتنقطع عند أغلب المدرسات)ناهيك عن قراءة الجرائد والتسكع داخل الأداره والأستئذان المتكرر وووووالخ والنتيجه الطالب يصل الأعدادي والثانوي ومايعرف شرقه من غربه وبصراحه أكثر المدرسين الأجانب تعليمهم أفضل ومميزاتهم أقل مع احترامي للمدرسين المخلصين في العمل من البحرينيين وعددهم محدود

أذن من طين وأخرى من عجين

أتمنى الوزير يسمع بس هو معروف عنه سمعه ثقيل من جهة المعلمين ومثل ماقلت أذن من طين وأخرى من عجين ياليت وزير الصحة يكون وزيرنا لان شغال على جماعته وكل سنة يطلع قرار لصالح الممرضين أما نحن فانتكاسة وراء الاخرى خاصة في عهد هالوزير الحالي اللي لا يجيب ولا يودي ووجوده مثل عدمه يارب نسألك الفرج

محسوب عليه دوام

هذه من ابسط الامور بكالوريوس ورواتب قليلة هذا بالاضافة الاهم أن المعلم محسوب عليه دوام ست ساعات وأكثر قليلا الا العمل لاينتهي بانتهاء الدوام تخليلوا معي أن عندك 4صفوف فقط×30طالب يعني 30دفتر=80دفتر ×صفحتين فقط لاأكثر160صفحة تقرأها يوميا ×دقيقتين لكل دفتر-الوقت خيالي طبعا-واذا جاك تعبير اهني الكارثة غير التحضير غير شراء بعض الادوات باختصار المعلم يداوم بعد دوامه أكثر 8ساعات عمل في المنزل ...الله يساعد هالفقير على هالوزارة والعيشة الكديشة

لم اكمل

لم أكمل للأن

لم اكمل

لم أكمل للأن

من ينظر بعين البصيرة

هذه أقل المطالب للمعلم لكن هل من مستجيب لهذه المطالب البسيطة ، الله معكم أيها المظلومين مع المسئولين في هذه الوزارة .