قولي بس.. وشفيه زايد!! عن بقايا الخلق قولي؟؟

طبعه!! قلبه!! روحه حلوه... شكله كيف يكون شكله؟؟

منهو ذا اللي علمّك معنى المحبه... والتخلي؟؟

عن غرورك... عن جنونك... كيف صوب القلب تسله

قال... اول مره شفته!! قلت كالعاده... يولي!!

أيه مملوح الوصايف!! بس منه شفت احله

اقترب مني وعدى... كنى ماني ذاك اللي

لا مشى بين الخلايق... قلبهم غيّر محله

قلت يمكن أعمى ولاّ.. جايز انه عارف اهلي!!

ولاّ دارى عن دروبي حيل صعبه... ما هي سهله

ثاني مره شفته صدفه... وتغير حال خلي

ما سأل بي!! صد عني!! كن ما في الكون مثله

من قهر قلبي وفضولي... باللي يمه رحت اهلي

يمكن الفت انتباهه!! يا عسى يسأل وعله!!

صاحبك اطرش يا قلبي... مدري وش سوي يعقلي؟؟

يعني حبيته!! لالالا... يمكن اشغلني بفعله!!

قلت بشغل بالي عنّه... وش لي بالتفكير... وش لي

رحت ابعد عنْه لكن... شفت نفسي اقترب له

قلت اللي فيها... فيها... بسأله وش بيحصل لي؟؟

قلت له... يسعد صباحك... يا هلال واااااااالفين سهله

لو سمحت بقلبي كلمه... تشتعل فيني وتغلى

انت احساسك وجنسك... ينحسب من اي مله؟؟

كل عاشق... حلم عمره... يلتقي بمعشوق شكلي

ربي اعطاني جمال... حتى الاعمى!! يلتفت له

شف مكان البدر فوقك!! هذا في الغالب محلي

كل من ناظر عيوني... زاح عنه الهم... وله

قولي... وش اسباب صدك؟؟ يعني ماني اللي املّي

عينك... تخبي سوالف... قلي شلموضوع كله!!

قال... ادري باللي قلته... وانا مثل الناس... ادلّى

واعترف باللي ذكرته... بس احس انها مذله!!

اني ابدي لك غرامي... وتبتدي انت التغلي!!

أو تصد عني وتكابر... وتنحسب في حقي زله

قولي هل مربحياتك... صادق الاحساس مثلي

حبك... بقلبي حبسته... انتظر همسه... وافله

قلت هذا يوم سعدي... يوم صبري منك ملي

يوم اتعبني فضولي... وقال ريحني وسئله...

حتى تذكر... كيف كانت ردة احساسي وفعلي

يوم شفتك ثاني مره!! ابتدى الخفاق شغله

يا هنا قلبي بعاشق... حابس الاشواق... لجلي

قلبي لـمّح لي بنبضه... مثلك بهالكون... قله