لو رمال البحر تتكلم كلام

كان قالت ما بقى عندي حكي

العذاب الصمت في دنيا الغرام

وان بكيت أيام ما فاد البكي

جيت تسأل من بعد ذاك الهيام

جيت تسأل أو تسولف يا ذكي

الغريبه ضايع بوسط الزحام

بس على ظلك تحاول تتكي

لو سهرت الليل كله ما تنام

صد وارحل لا تجيني تشتكي

يا رمال البحر دمعه والسلام

احضنيها واتركي كل الحكي

اتركيني مع جروحي والظلام

في طريق الحب ضايع مسلكي

ربي اللي قدره لي والختام

اتكتب لي اشتكي همي لكي