ماضويت الليل وعيونك مدينه

لاولا أطفيت في عيني سراجك

لو يذوب الحلم وتهزني سنينه

ما تبعثر هاجسي وبكا مزاجك

لك مشاعر تغري القلب وتدينه

لا توشح فالمدى ريح اعوجاجك

من عشق نورك تهايق لك حنينه

دام كل النوم ميعاد ابتهاجك

من يحبك ولعت شمس ابجبينه

لا تزايد بالسما نور انبلاجك

ليت روحي في سنا برقك رهينه

لاحظنتك والزهر غطى سياجك

من زرع ثمرك تكاثر ياسمينه

لا تهيض خاطري والشوق هاجك

وان قسا وقتك وعاكسني يقينه

عاتب الوجدان غيضك وانزعاجك

كيف اعافك والجفا ذل وغبينه

لا ذكرتك والهوى يقدح هماجك

جيت افاخر بك واسامر هالسكينه

دام كل الطيب يا قوتك وعاجك