أصيبت مواطنة بحرينية عصر أمس (الأربعاء) بإصابات متفرقة، بعد أن اصطدمت سيارتها بسيارة أخرى قبل أن تتهاوى إلى أسفل «الكوبري» المتوسط بشارع خليفة بن سلمان.
وجاء في التفاصيل أن المواطنة كانت مقبلة بسيارتها من شارع الشيخ عيسى بن سلمان باتجاه الملف المؤدي لشارع خليفة بن سلمان عندما أرادت التجاوز قبل أن تصطدم بسيارة يقودها شاب بحريني، الأمر الذي أدى إلى اختلال التوازن لديها، لتصطدم السياج الحديد لـ«الكوبري» وتنقلب عدة مرات ثم تستقر أسفل الكوبري. وأدى الحادث إلى إصابة السيدة بإصابات متفرقة نقلت على أثرها إلى المستشفى بواسطة الإسعاف لتلقي العلاج، فيما باشر أفراد شرطة المرور تدعمهم عدة دوريات للنجدة العمل على التحقيق في ظروف وملابسات وقوع الحادث الذي خلف أضراراً جسيمة بسيارة المواطنة.
العدد 2953 - الأربعاء 06 أكتوبر 2010م الموافق 27 شوال 1431هـ
الله يقومج بالسلامه
يــآربي انا من قالو لي بالخبر وانا مب مصـدقه .. الله يقومها بالسـلامه ونشوفها معانا متخرجه
ليش
ليش في اوادم ما تخاف الله تطلع حجي ما عندكم خوات .. هاي الى دعمها ما يخاف الله هرب لعله ينقلب سيده المقبره
لى اللي كتب انها مسرعة
اهي ماكانت مسرعة بس طبيعي ان السيارة تنحرف لو أحد صدمها من الخلف
الحمدلله
الحمدالله الحين هي احسن طلعت من العنايه .. انشالله الى الاحسن بعد
الله يقومش بالسلامة
الله يقومها بالسلامة ان شاء الله وتتحسن حالتها والحين هي مرقدة في العسكري
ادعوا للامام الحجة بتعجيل الفرج
وادعوا ليها الله يشافيها الليلة الجمعة
أبن حسن الدمستاني
الله يسلمها ويرجعها الى اهلها
صبيان هل ايام
كلامهم ما يحترمون احد بايقين حلالهم احنا عيب بابا البنيه محدد يقدر يتكلم عليها طيوبه او وش حلاوتها الله يقومها لينا بسلامه
..
الله يقومهاا بالسلاامة ..
الله يشافيها
والله الشره على الي دعمها الي يسوق بسرعه لاتقعدون تعلقون على كيفكم لو سمحتون يعني
الحمدالله على سلامتج
على العموم كل من يرى الناس بعين طبعه
انت يالحسود وانت يالي ترضع هي انت وين قاعد كلمن يرى الناس بعين طبعه
ليش انت تبي السياره خذها قاعد تقول حاسدينج .. وانت يالي ترضع هاي العيب فيك او
مايصر جديهااا
ببجي مو مستحمله
الله يقومش بسلاامه او نستانس ونجوفش متخرجه
يارب ترجعين لمش او ابوش بسلااامه
يا دافع البلاء والبلوى
يدفع الله البلاء فى الحديد ولا في العبيد
هاي ما يحس؟
ص2
الي يعرف البنت
شصار وياها وين مرقده شنو اسمها انشاء الله ما صادها شي
نبض الزهراء
الله يقومشالسلامة خيوه
زائر 18
واضح انه الحادث مو هين من اللي صار في السيارة لكن الحمد لله على سلامتها و خطاها السوء و تعوض بأحسن من هذي السيارة كل شي يتعوض الا الروح ماتتعوض...
ادعو لها
يا جماعة الخير ادعو ان الله يقومها بالسلامه عن الهرار اللي تقولونه
امن يجيب المضطر اذا دعاه ويكشف السوء
الأخت العزيزة سترة نور العين ,,,,,,أم كشة
أفتقدنا تعليقاتج ,,,,تروحين و ترجعين بالسلامة و بأمان الله .سلامي للأخت عبير الورد .
حمد الله على السلامه
في الحديد ولا في العبيد والله يخليها ويهنيها بشبابها
اذا ما اتعرفون شي لا اتكلمون
الي دعمت ما كانت مسرعه هاي اول شغله ثاني شغله ما كانت في التلفون وثالث شي ان اهي داعمها واحد من وره او مشه فلا اتحجون بشي ما اتعرفونه او تقعدون اذمون او تتحلطمون ودعو لها اتقوم بالسلامه
القرواني
مبريه الذمه يا ستــ نور العين ــرة
إلـــــــــى الاخت ســــترة نور العين
تروحين وأترجعين بالسلامة وأدعي لنا . والله يسلمك
سندس
اتقوا الله يا عالم وادعوا اليها ربي يشافيها ويفرح امها فيها ترى هي غاليه على الكل واتحب الكل ربي يحفضها من عالي سماه ويشافيها بحق مريض كربلاء زين العباد عليه السلام. (امن يجيب المضطر اذا دعاه ويكشف السوء)
آآآآآآه
آآآآآه ثم الآآآآآآآآه يا المرور الى متى تسكتون عن تطوير شوارع البحرين لقلة الحوادث المروريه القاتله الى متى ؟ هل يعقل ان ليس لديكم اي حلول لقلة الحوادث ؟
وايد فوضه
حمدالله على سلامتج و خطاج السوا
بس صج البنات مو كلهم طبعا و في بعضهم شباب سياقتهم عله و متهورين الى درجه كبيره و الله قمت اسوق السياره و خايفه على عمر جميع حواسي تشتغل دام انه في الشارع
و الله يحفظ الجميع و يهدينا يا رب
مواطنات اخر زمن ..
قبل كم يوم في الرفاع مواطنة طلعت ع اسعاف ردته في الطوف !! ، والي قبله مواطنتين خسروا حياتهم على دوار .. والي بعده انا صادني حااااااااااادث :@ مواطنة طلعت علي من اشارة حمره !! ..
يا مواطنات ليش جذي ؟؟
نطالب ادارة المرور بإتخاذ اجراء اعادة التأهيل للمواطنات !!
الله الحافض
الله حفضش وكتب لش عمر جديد وماتشوفين شر
ستــ نور العين ــرة
الحمد لله على السلامة والله يعوضكم كل خير
اليوم بسافر أن شاء الله وارجو من الجميع براءة الذمة لي
مع السلامة وتحياتي للجميع
انتبهوا
شسالفه هالحوادث الزايده هاليومين يا ناس انتبهوا على روحكم الدنيا متسببه
عاد مايصير جذية
سمعوا الكلام بسكم زهق الارواح
الحمدلله على السلامة
الحمدلله على سلامتك والله سبحانه كتب لك عمر جديد وهذا واضح من خلال التلفيات الكبيرة في سيارتك والخطأ الذي ارتكبتيه كاد ان يودي بحياتك . التجاوز ممنوع الا في حالة عدم وجود سيارات في الطرف الآخر . الله يشافيك ويقومك بالسلامة
بنات هل الايام
بنات هل الايام كله سرعه بدون مايحاسبون .........
بحرانيه وأفتخر
بااااااال صدق الله طلعه أولآ حمد لله على السلامه
ماتستاااااهليين
ماتستااهلين الشييخة وماعليج شر وربي يقومج بالسلاامه انشاالله ,, شكلها كانت ترضع وجابلت فيها السيارة هههه يالله عاد هذي عبره لكم ياشباب وبنات لاااااااللسرعه بصووت واحد:D
السياج الحديدي
حمدالله على سلامتها نداء أوجهه الى وزارة الأشغال والمرور ياجماعة السياج الحديدي موامان ارتفاعه نصف متر وضعيف جدا فهل أحد انتبه له المفروض يكون مرتفع جدا .. والله اخاف لين أمشي على اي كوبري أحس أن بطيح تحت لا وبعد جسر البحرين والسعودية نفس الشي ندائى الى ولد العم عصام خلف وكيل الطرق بحل المشكله معروف عنك نشاطك السلامة للجميع
سرعة اكيد
السرعة بلوة
نسيم الصباح
الحمدلله على السلامة وربي يعوضك خير انشالله , القهر سيارتك حلوه هذي اكيد ضاربينك عين عليها ههههههههه ...
الحمدلله على سلامتها
مسكينة سيارتها كلش ماليها حل الله طلعها
واهم شيء سلامتها والسيارة تتعوض
يالله برحمتك
لا للسرعة يا جماعة الخير بروحها الدنيا متسببة