خلهم

خلهم يطرشون الكمندوز الا عندنا ماشاء الله عليهم في خلال يوم واحد من الحدث يصيدون ليم 100 شخص خلهم يروحون يرجعون الولد لأهله سالم ادا فيهم خير

خطوة متأخرة لكن أفضل من التأخير

موفقين وقلوبنا وأموالنا معكم جميعا .. الشعب مابقصر معاكم... تحركوا بسرعة وخذوا معكم أموال أكثر وخلصوا ولدكم واتركوا الحكومة الماليزية ما بسوي أي شىء.

طمنونا

علي اخباره غايبه عنا من اسبوع وكلنا ندعي يارب يرجع لحضن امه بسلامه اسبوع ومنقطعه اخباره شلون بعدها راح تأمنون عيالكم في هالبلد الطائفي الخطير وما نتمنئ يتكرر هالشي مع اي انسان ثاني احفظوا نفسكم يا شبابنا وابتعدوا عن هالبلد اللي أحزنا بخبر علي

الجامعات الماليزيه متدنيه المستوئ وحديثه العهد ولا تليق بمستوى طالب جامعي فالجامعات لدينا افضل بكثير اما الجامعات الماليزيه المميزه هم ثلاث فقط الجامعه الوطنيه الماليزيه والجامعه الماليزيه المفتوحه والجامعه الماليزيه الاسلاميه وما دونها يعتبر متدني جدا وضعيف فنرجوا من طلاب ماليزيا ان لم يكونوا دارسين في احدى الجامعات الثلاث الرجوع بدون تردد لانه الوضع يعتبر مخاطره غير مفيده

اكبر خطاء الذهاب للدراسه في هالبلد

مستوى جامعاتهم هابط وتكاليفهم عاليه ليش تروحون تخاطرون بنفسكم بعد هالشي اللي صار لازم الكل ينتبه وما يروح هالبلد الكل يعرف ان ماليزيا بلد شو بس لكن في جعبته اجرام وطائفيه مالها حد والله في جامعات عندنا خاصه افضل بمراحل من جامعاتهم مثل الاهليه والعربيه المفتوحه واي ام ايه ومعهد البحرين للتدريب بدائل كثيره موجوده لعيالنا افضل من سفرهم لبلد قد لا يأمن فيه الفرد

يادافع البلا

الله يرجعك سالم لامك بحق هذي الليله ولاحد يفرط في عياله بعد هالموضوع ويرسلهم هالبلد الحذر علئ عيالكم

خلاص

لا ندرس في ماليزيا ولا نتعب روحنا اقول والمشاكل عادي تصير لاي واحد فينا والموضوع صار كبير واااجد. ليش نخاطر باعمارنا وعدنا جامعات واجد هني افضل ويعد كلام هالناش اقتنعت ان جامعات ماليزيا ضعيفه

الموضوع كبير

الموضوع صار كبير، الشباب والبنات الي يدرسون في ماليزيا انصحكم بالرجوع للدراسة في البحرين لأن اولا جامعات ماليزيا اقدم وحدة فيهم يمكن من 25 سنة يعني توه الناس، وثانيا الديرة صارت حق زمط الي يروح ماليزيا بس حق يزمط ويفوشر، غالية وماتسوى، غير مشاكل الاقامة والمعيشة الي ماتسوى، روسيا العريقة الدراسة والمعيشة والاقامة ارخص بكثير من هالديرة المتخلفة.

وين تنصحوني ادرس بماليزيا

افكر ادرس هناك ووين المناطق الحلوه هناك

اخخ بس

بس تقول لي ناجح في الاردن على عيني وراسي في الصين على عيني وراسي لكن ماليزيا بضحك عليك مستوى جامعاتهم صفر واغلبهم غير معترف فيهم واعرف ناس ما تعرف تركب كلمه انجليزي ومعدلها 4 مسخره صراحه والحين طلع موضوع علي فأنفتحت ابواب كثيره عن مشاكل وحوادث الدراسه هناك وغير ان جامعاتهم خرطي فالافضل لكل عاقل وفاهم ما يضيع مستقبله بالدراسه عندهم اول شيء وثاني شيء بالمخاطره بحياته تره الواحد ما يقدر يضمن روحه وهدي مو لعبه

حتى الصين

خرطى
بنتى راحا تدرس طب
سنة وحده
وطلعت جامعتها عقب من قائمة اللي مو معترف فيهم بالبحرين
اتصور لي طبية الدراسه اهناك
انجلينزي ما يتحجوون
وفوث هدا مايهتمون بالعرب بس للصينين
واللي اخس الطلبة في المحاضرات مطالع افلام وتلفونات
اي تدريس والقاعه فيه طلبه وااااااااجدا
قبضو ارضكم احسن

يخدع نفسه

اللي يقول ان الوضع عادي وما يمكن يصير لي اللي صار حق عليي وانا في منطقه آمنه يخدع نفسه كلنا معرضين لهشي كطلاب وفوق هذا عدم اكتراث من الشرطه عندهم وياما قدمنا شكاوي علئ تهديدات وسرقات مع ان منطقتنا تعتبر آمنه شوي لكن عمك اصمخ وما يهتمون بس الواحد ما يستحمل اكثر بعد اللي صار ونكنسل الدراسه وندور لنا جامعه بديله في البحرين او بلد ثاني ارحم عالاقل لة بنروح بلد ثاني بكون فيه سفاره لنا تحمينا مو هني كانه رعاع وغنم

في سفاره بو مافي

ادا الديره مثل ماليزيا لو فيها الف سفاره بتنخطف وبتنباق

اكاديميه في التربيه

وعلاوة على مستوئ الجامعات الماليزيه المتدني فأمكانيه حصول حوادث مشابهه لعلي امكانيه وارده جدا مثل ما تابعنا اكثر التعليقات من الطلاب الدارسين هناك فأبتعاث الابناء لماليزيا تعتبر بأختصار مخاطره خاسره لضعف الجامعات لديهم

أكاديميه في التربيه

الجامعات في ماليزيا مستواها هابط ومتدني وأستغرب من بعض الشباب انهم يتخذون ماليزيا وجهه دراسيه لهم رغم مستواها الاكاديمي الضعيف وللعلم فقط جامعات ماليزيا المعترف فيها لددئ التعليم العالي في البحرين فقط ثلاث ( لينتون - الجامعه الماليزيه المفتوحه - الجامعه الاسلاميه الماليزيه ) اما البقيه فتقييمها سيء جدا لدئ وزاره التربيه منهم ( جامعه شيربايا- جامعه ليمكوكوينغ للتطوير - جامعه ليجندا.. الخ) تعتبر غير مرحب ومعترف فيها لدئ الوزاره

طالب في لينتون

انا في جامعه لينتون الماليزيه واعلن انسحابي من البحرين وراح اخلص اجراءتي واقوم بمعادلة المواد في البحرين ومواصلة الدراسه الوضع لا يستهان به واعتقد اللي حصل بالايزي يحصل لاي انسان وبلا ماليزيا وبلا بطيخ

يارد يوسف على يعقوب..رد هذا الشاب لاهله سالم

لاحول ولاقوة الا بالله العلي العظيم.لانملك الا الدعاء

الدراسه

الدراسه في ماليزيا نفس الماي سهله ولا تحس روحك ان تدرس احنا اللي كانت معدلاتنا في البحرين تحت ال70 بالمئه الحين صرنا فوق ال90وهذا اللي كان مصبرنا بس علئ الدراسه في ماليزيا مع ان جامعاتهم زفت واغلبها مو معترفه في البحرين بس بعد سالفه علي الواحد ما يسوئ يواصل هني حتئ لو كان الوضع صوبنا آآمن ونفسيات اغلب اللي اعرفهم صارت تعبانه ومتردده من المواصله

لكل ولي أمر طالب

لكل ولي أمر طالب حافظوا علئ ابنائكم من الذهاب لهذا البلد اللي متفشي فيه السرقات وكثرة الجنسيات الافريقيه والعصابات الدراسه بكل سهوله يمكن تعويضها من خلال معادلة السنوات الدراسيه والفصول والمواد مثل ما أنذكر في أغلب التعليقات لكن الحياه ما تتعوض والظنئ غالي فينصح عدم المخااااطره بأرواح ابنائنا ، والله يطلعك يا علي من بين ايديهم

طلاب

اكثر الطلاب في ماليزيا صاروا يخافون علئ اعمارهم بعد هالسالفه خصوصا ان اكثر طلعات الشباب تكون بالليل واصبح هالشي مخاطره يمكن تمشي بالشارع وتتعرض لخطف او تهديد حتئ لو كان سكنا في آمن ومنطقه بعيده عن الحدث لكن ما حد يقدر ينتبه لنفسه لانه ماحد ضامن شنو القدر مخبي له

الله يردك سالم

الله العالم شنو حال هالشاب هذا والاجراءات طويله عالفاضي والشاب ما يندرئ شنو مصيره لازم اتخاذ موقف وعدم ابتعاث ابنائنا لماليزيا بسبب كثره حدوث السرقات ووغيره ولما وصلت للخطف الواحد لازم ينتبه وما يقكر يزور هالبلد

الله يرده سالم عليهم يارب

بصراحة اشلون الاهل توهم يعتزمون السفر شي غريب المفروض من زمان هالشي سووه وليش للحين محد دافع الفدية المدة طالت والطالب في خطر ؟؟

فهموا شوي

اظن الخاطفين هددوا العائله لو تتواجد بيقتلونه. اظن المقالات واضحه بالايام الي فاتت بس وين الي يفهم. حياه عائلته متوقفه كليا لاعمل لااكل لا شرب وانتوا تقولون برود لانه مب انتوا الي بهالموقف. الي بيعلق يعلق زين ولايسكت احترموا مشاعر اهله خلاص انعدمت الانسانيه!!

قالو

ليكم
كل ما واعدوهم الخاطفين ما يجوووون
السالفه مو فلوووووس
مو فلوس
ابوه او احد من اهله.ايشوف حجيكم ينغث عساكم المغثة
السالفه
دشو شقتهم يبوقونها.لي معاه بالسكن انخش ما انخطف هو مسكين طلع ليهم شالوه عسى تنشال اعمارهم
بيرررررررجع بيرجع بادن الله راجع وبنسوى لك استقبال بالمطااااار
وبنثر عليك المشموم وورد امحمدي بعدددد.

ام محمد

الله يستر ويطلعه منهم مسئله طولت واجد ولافي شي واضح

سنابسيه

الحين بدل ما تدعون له يرجع الى اهله سالم غانم وتقر عيونهم برجوعه تقولون راح الولد ؟ صدق احساسكم وضميركم معدوم لان الحره اللي في قلب اهله مو في قلوبكم الله يعطيكم عشان تحسون

صح لسانكم

صح لسانك. ياالله صباح الخير و ناس تفاول و تتشائم

الله يردك لأهلك

الخاطفين ما عادو يتواصلون وذلين للحين يتناقشون بالموضوع,عزة الله راح,المفروض يتدارك الأمر بسرعة وبعد الي صار من اللازم وضع خطط أمنية صارمة للسياح والطلبة بشكل خاص من هالافاعي المنتشرة,ومن المفترض تواجد سفارة البحرين في ماليزيا لان صارت هالدولة وجهة العديد من البحرينيين

بنت عليوي

الله يكون بعونكم ويرده لكم بالسلامة

تو الناس

أجلوا السفره للصيف
راح الولد

والله العظيم

تبطون الجبد
شفيكم
تتطنزون
لي يقول اجلو السفر للصيف
ولي يتطنز
صاحين انتو
عساه فيكم
يلي ما تستحووون
صدق ردود سخيفه تبين اضمحلال شخوصكم
مايخصكم زززين
يا تقولون شي هدا يا سكتوا وفروا كلامكم لنفسكم
اقروا عدل
الخاطفين مو قادر احد يوصل ليهم شتبغيهم ايسووون
الداخليه والخارجية وكل مكان معفوس عشانه
اسال اهله المقربين
يا لفطاحلة لي مافي نفسكم

زائر 14

الداخليم ما ادري الخارجية بتقوم بواجبها بس في الاخير هاي مو ولدها العائلة الصراحة قلبها بارد ولا احد منهم سافر للحين

الاهل بعدهم يتدارسون يروحون ماليزيا او لا

اظاهر راح الولد وهم يتدارسون للحين ..

من أم محمد

أسأل الله العلي العظيم أن يرجع إبنكم سالم معافى ولا أراكم الله مكروه فيه. قلبي معكم ودعائي. ربي احفظ علينا نعمة الأمن والأمان وأحفظ البحرين من كل شرر.

وزارة الخارجية ماذا تقول

يفترض وزارة الخارجية تشكل غرفة متابعة و تنسيق مع الجانب الماليزي انها قضية وطن وليس فرد

الله ايكون في العون

الله ايساعد اهله

لا يمكن دخول سكن الجامعة و فيه حراسة حتى لو حارس واحد

الاختطاف تم بتواطئ ولا يمكن ان يكون الخاطفون بهذه الجرأة يختطفون طالب من سكن الطلاب بوجود حراسة حتى لو صغيرة

مأعندهم سالفه

الله يهديهم العصابه هدو الشخصيات وجودو ولد النشابه

ألبومه

عندما تنزل ألبومه في مكان يحل الخراب أكيد عصابه الكابون وراء الخطف

هالمبلغ

ينصرف سنويا باي جامعه
الله يردك سالم
وبدزن ...........